影片
更多
2024-07-08
149 浏览
今日去咗旺角百寶利一間叫「J.moon」嘅人氣打卡餐廳食晚飯，平日夜晚都座無虛席，不時見到餐廳外面有人排隊等位，建議大家預先訂枱會比較穩陣。餐廳嘅裝修非常夢幻，室內嘅座位上空有一大片粉紅色同粉橙色嘅月亮吊燈，環境非常有情調，而且亦都有室外嘅座位。🍊 Libra & Scorpio呢間Cafe最出名嘅就係以12星座命名嘅12款特製cocktail，我哋就梗係揀返自己嘅星座啦，Libra天秤座係以玄米茶做蒸餾嘅Gin做base，加入檸檬汁、柚子汁同檸檬草糖漿調製而成，整體酒感少少濃得嚟又帶點清新；Scorpio天蠍座係以烏龍茶做蒸餾嘅Whisky做base，加入芒果汁、柚子汁、玉桂糖漿同奶混合而成，烏龍茶味唔算好出，芒果同柚子汁令杯酒帶有甜味，而且上枱嘅時候用玉桂煙燻，製造出濃烈嘅玉桂香味，有齊視覺、味覺同嗅覺嘅享受🍊 Buffalo Chicken Wings炸單骨雞翼食落好方便，即叫即炸，香脆可口🍊 Nyonya Curry Baked Beef Tongue牛舌煮得好腍身，高溫焗完都唔會太韌，配料有薯仔粒、香草、咖喱同芝士，飽肚之餘又非常惹味🍊 Sea Urchin Sauce Ri
🍊 Libra & Scorpio
呢間Cafe最出名嘅就係以12星座命名嘅12款特製cocktail，我哋就梗係揀返自己嘅星座啦，Libra天秤座係以玄米茶做蒸餾嘅Gin做base，加入檸檬汁、柚子汁同檸檬草糖漿調製而成，整體酒感少少濃得嚟又帶點清新；Scorpio天蠍座係以烏龍茶做蒸餾嘅Whisky做base，加入芒果汁、柚子汁、玉桂糖漿同奶混合而成，烏龍茶味唔算好出，芒果同柚子汁令杯酒帶有甜味，而且上枱嘅時候用玉桂煙燻，製造出濃烈嘅玉桂香味，有齊視覺、味覺同嗅覺嘅享受
🍊 Buffalo Chicken Wings
炸單骨雞翼食落好方便，即叫即炸，香脆可口
🍊 Nyonya Curry Baked Beef Tongue
牛舌煮得好腍身，高溫焗完都唔會太韌，配料有薯仔粒、香草、咖喱同芝士，飽肚之餘又非常惹味
🍊 Sea Urchin Sauce Rigatoni
海膽汁偏重奶油味，略嫌海膽嘅鮮味唔夠重，香煎蝦仁爽口彈牙，配料有蘑菇、豌豆、三文魚籽同炸羽衣甘藍，整體口感滑而不膩
🍊 Supreme Seafood Handmade Pizza
人工手製海鮮薄餅，有帶子、蝦仁、青口同煙三文魚，加上濃郁嘅芝士同炸香咗嘅羽衣甘藍，口感層次非常豐富，薄餅嘅餅底薄身，食落唔係太滯
📍旺角西洋菜南街1A-1K號百寶利商業中心4樓10-11號舖
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊
整體CP值：🍊🍊🍊🍊
张贴
