達摩堂

呢間以「達摩」為主題嘅日式居酒屋，由裝修到餐具都充滿祈福風情，仲有達摩擺設同繪馬可以許願，好有心思！座位闊落，氣氛輕鬆，好適合同朋友飲杯嘢、慢慢傾偈～

🥩 達摩岩鹽燒和牛 用神石燒上枱，自己控制生熟度好過癮！和牛油花均勻，輕輕燒到五成熟，灑少少岩鹽已經帶出濃郁肉香，入口即溶～值得一試！

🥟 沖繩豚肉煎餃配烏冬 煎餃皮薄底脆，豚肉餡多汁；烏冬滑溜，湯底清甜唔油膩，飽肚之選。

🍱 厚燒鰻魚玉子丼 鰻魚厚身軟嫩，燒汁香甜，配上鬆軟玉子同日本米，撈埋一齊食大滿足！