價錢實惠夠平民，而且份量都唔少!
今次就試咗三餸河同三餸飯😂
飽到我又要男朋友焚化埋佢🫃🏻
<<極品牛三寶湯河粉>>($71)
「牛三寶」顧名思義就係有三款牛嘅部位：生牛肉、牛展、牛丸
💁🏻♀️薄切生牛肉肉質嫩滑
💁🏻♀️牛展軟腍得嚟有咬口
💁🏻♀️牛丸彈牙爽口易入口
最正係個湯底!!!
牛骨味濃! 飲落順喉唔似有味精👍🏻
夾埋滑捋捋嘅河粉! 真係好美味😋
<<越式河內三寶飯>>($71)
有齊豬扒、雞翼同扎肉咁多肉肉🤤
配上越式豉油撈飯，係簡單嘅幸福🥰
特別係望落以為好乾柴嘅豬扒~
原來佢係甘香酥脆哪香茅豬扒🐷
入味得嚟! 仲要軟腍易咬! 入口唔會覺得好乾🙃
一定要追加<<越式炸春卷>>($22)
我次次都加㗎😎信心嘅保證✌🏻
大大嚿嘅佢，材料非常豐富!
佢有粉絲、木耳絲、紅蘿蔔絲同埋豬肉! 有軟有脆，口感好有層次👏🏻👏🏻
外皮仲炸得好香脆添🤩
最後一定要飲<<杞子龍眼茶>>($24)
My favourite💛Highly recommend!
海量嘅杞子同埋龍眼! 超級慷慨!!
飲到我以為食緊糖水🤪
佢仲有二人套餐㗎!!!
下次可以再試吓
