釜山商會

今日去咗尖沙咀一間叫「釜山商會」韓國餐廳食晚餐，餐廳嘅裝修新潮，用咗霓虹燈營造有格調嘅用餐環境，部份嘅員工係韓國人，可以用簡單英文溝通，而且餐廳播住熱門嘅韓國歌曲，用餐氣氛幾好。餐廳而家做緊活動，只要follow餐廳嘅ig，就可以獲得愛心鎖頭一個，可以寫上字句之後鎖喺門口嘅餐廳招牌霓虹燈牌附近，仿效韓國南山塔嘅著名上鎖活動，係幾特別嘅體驗！🍊 釜山商會章三蝦燉鍋 呢個係餐廳嘅招牌菜，用一個好大嘅石頭鍋同Gas爐上菜，職員會喺現場將韓式辣醬攪拌至湯底中，再將大章魚同五花腩剪成細細件，方便燉煮、入味同進食，章魚煮熟後爽口彈牙，五花腩煮熟後非常腍身，肥膏咬落去好香口；鍋內仲有韓式粉絲、洋蔥同大量嘅椰菜，全部材料都好吸味，韓式辣醬嘅味道非常惹味🍊 韓式前菜另外仲唔少得韓國餐廳必有嘅韓式前菜，包括韓式泡菜、醃黑豆、辣醬青瓜、蜜糖南瓜、麻油土豆絲，多款式嘅餐前小菜可以帶嚟唔同嘅口味，酸甜同微辣嘅味道都好開胃📍 尖沙咀金巴利道79-81號金栢閣地下A-C號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊