廚十三老壇酸菜魚 (太子集團中心)

天氣好凍啊☃️中午同老公去咗廚十三食酸菜魚米線，被安排到坐靠近窗邊，有少少海景看到。

老壇酸菜魚米線（$168），二人份量，超級大碗，裏面除咗大塊魚片，當然唔少得酸菜，聽講呢道酸菜好食過魚，仲有豆腐、金菇、蓮藕、粉絲、米線，酸辣惹味，魚片亦好嫩滑，套餐配兩罐汽水。

老壇酸菜魚二人套餐

麻辣牛𦟌（$98），牛𦟌軟腍入味，麻辣有勁，配上莞茜，增加了香味。

麻辣牛𦟌

雨露均沾（$38），其實是黑糖米糕，煙煙韌韌，沾黑糖醬進食，外脆內軟。

雨露均沾

甜品紅糖冰粉（$28），滑嘟嘟啫喱配上蒟蒻粒，清甜可口，剛好中和酸菜魚的辣味。

紅糖冰粉

好奇點解餐廳改名「廚十三」，因為老闆自己都很熱愛酸菜魚，已鑽研出13種酸菜魚食法，有機會都想品嚐一下其餘12款口味。