大埔昌運中心地下呢間外賣糖水店，價錢親民，廿幾蚊起，糖水加小食$100有找，份量足夠，宵夜時段幾受歡迎～
🥭 多芒小丸子
芒果汁底夠濃，芒果肉多，小丸子煙韌，加埋爆珠西米，口感豐富，甜度自然。
🍠 椰汁芋泥紅豆桃膠丸子
椰汁香滑，芋泥綿密，紅豆煮到起沙，桃膠爽滑，一碗有齊幾種配料，滿足。
🌽 煎炸栗米煎餃
餃子皮煎到金黃脆底，栗米豬肉餡清甜多汁，點辣醬更惹味。
🌶️ 椒鹽炸燒賣
燒賣炸到外脆內軟，加椒鹽粉幾香口，似港式天婦羅，做宵夜幾不錯。
呢間小店價錢平，份量足，芒果小丸子同炸燒賣都幾有特色，大埔街坊想食平價糖水同小食可以試試～
