臺北棧 (世貿中心)

营业中

休息中

雖然上個月先啱啱喺台灣返嚟🇹🇼, 但已經回味台灣菜！每次嚟呢間, 我都一定會叫鹹蛋黃芋泥蛋餅、奶奶麻糬, 大力推介🤍！梳化座位寬敞舒適, 空間感十足！餐牌上有多款台式特色小食、麵食、甜品同飲品, 還原台灣地道風味～𓌈˒˒ 髒髒鹹蛋黃芋泥蛋餅芋泥控必試💜 表面灑上香芋粉及鹹蛋黃碎, 蛋餅用上鴨蛋🥚, 食落煙韌軟糯, 芋泥香甜綿密, 加埋鹹蛋黃碎嘅鹹香, 將味道提升至另一個層次⬆️ 🍜招牌牛肉麵 有炸蟲草花、百葉豆腐、牛腱肉, 並附上牛脂油🧈, 湯底濃厚而不油膩, 手工刀削麵煙韌彈牙, 非常掛湯！𓌈˒˒ 開心果奶奶麻糬推介👍🏻 期間限定口味, 開心果迷千祈唔好錯過！採用日本鮮牛乳及木薯粉製作, 簡單用筷子就可以輕易切開, 奶奶麻糬入口冰涼Q軟, 撈埋開心果碎好正呀💚🥤綠豆沙豆乳 推介👍🏻 飲落有濃厚嘅綠豆沙味, 又有豆乳香, 質感非常濃稠, 超好飲！🥤紅豆沙豆乳同樣以豆乳做底, 加入綿密嘅紅豆沙🫘, 豆味好香！