臺北棧 (世貿中心)

睇到平台上面有咁多好评，我真系唔知点解得分会咁高，啲评价会咁好，真系完全唔明。今日星期六，去到世贸老婆见到呢间嘢网上讲好似唔错，好啦嚟咗啦，点知一打开Menu，见到价钱简直系惊吓。一碗普通卤肉饭可以买到$68 ，牛肉面最普通都要$108。我心谂，识呢啲基本嘢，一定冇死，应该都稳阵。点知牛肉面所谓嘅刀削面，今本就似乌冬多过次刀削面。不过都算啦，唔系好好食，但系都叫OK。但系$108一碗面，绝对有好多间做得好过佢。最令我惊为天人嘅系碗卤肉饭。$68一碗细细碗嘅卤肉饭，可以夸张到连饭都未煮熟，系食得出有生米嘅。呢样嘢我真系觉得接受唔到！ 有乜理由一间咁大间餐厅，喺世贸中心开舖可以夸张到连米都未识煮？！ 餐厅服务唔可以话差，但系绝对体验唔到台湾人𠮶种人情味同埋温暖。部份员工基本上喺度自己倾偈，或者行尸走肉咁行嚟行去。总之讲到尾呢一个价钱绝对可以有更好嘅选择。…查看更多

主打正宗台湾菜，环境舒适宽敞，装修以台湾铁路及阿里山为主题，主调系绿色同橙色，天花花俏高雅，绒面椅子同型格天花板上下呼应。门口嘅卡位设计得似19世纪台湾豪华火车包厢，坐得舒服，氛围好有特色。招牌牛肉面，汤底用牛骨加香料慢炖，汤头醇厚香浓，带有淡淡嘅药材香，唔会太油腻。配以手工制手工刀削面，面条厚薄均匀，烟韧弹牙，好有口感。牛腱肉炖得软嫩入味，啖啖都系肉，入唔同配料如虫草花脆脆、百页豆腐，中午有套餐选择，搭配三款台式小食，送货埋汤水，加钱有嘢饮。…查看更多

鸡块鸡腿肉，裹上薄薄面糊，炸至金黄酥脆，外皮干身不油腻，咬落去喀滋一声，内里软嫩多汁，无半点柴硬，绝对系街头小吃的升级版。重点系三色特制酱汁：清新柚子酱带酸甜果香，解腻提神；奢华松露酱添丝丝菌香，层次丰富；冬阴功酱则辣劲十足，泰式风情扑面，每款都可自由配搭，酸甜辣齐备，啖啖转换口感，食到停唔低。套餐跟一杯蜜糖绿茶，清凉微甜，茶香中和油炸热气。肉燥饭加$15，鲁肉浓郁入味，配白饭粒粒分明，若唔加，就有简单白饭，够饱肚但少咗惊喜。整体份量适中，适合一个人chill或小聚。👍…查看更多

Happy Friday就试下依间台湾野～无订枱，7点左右去到被安排系门口隔离啲枱，想睇海景就早啲订位啦～2个人叫咗4样嘢：肉燥A菜（油麦菜），黑松露芝士粟米蛋饼，招牌牛肉手工刀削面同埋海皇手抓饼。最impressive系刀削面！口感好烟靭！每啖都好享受！牛肉都好林好好味！佢碗边仲会有一Pat牛脂油，我无落到啦感觉好肥，男朋友就落左话食落好滞，大家有兴趣就捞少少试下先啦～我仲叫咗杯热嘅荔枝乌龙茶$38，无荔枝肉，就咁一杯茶～海皇手抓饼个样好似pizza（我开头以为台湾嘢都有Pizza就谂住试吓🤣）都几好食，虾大大只，仲有啲蚬肉，再配芝士，唔会话好咸，我食左3件都唔会话好滞，都好几食既。黑松露粟米蛋饼系超多粟米，拉丝夹杂粟米果只，口感好丰富。感觉呢间嘢都多人，我哋食咗一个钟左右就比人吹埋单，成餐饭食左500几蚊觉得有少少贵，碟菜$89我觉得唔太值，除左碗面应该唔会特别话想encore。…查看更多

本身非常钟意台湾小食，看到评分很高非常期待，在铜锣湾的位置也很方便。晚餐食物质素不错，炒蛤蜊、木瓜牛奶好好食，黑醋炸鸡OK，其他的菜已经忘记。但全部waiters全程黑面不知原因？问嘢只会摇头，或者点头走开，跟几个waiter讲话后都眼望别处当客人空气。水杯忘记送，请waiter 送过来，三个人送来两只杯，人已经转身走掉。不到七点已经过来讲最后落单。态度差过茶餐厅。看似全部人很希望客人走。ok不会再来。…查看更多