星聚軒

之前食過兩次晚飯，飲過一次早茶，見食物質素唔錯，就算價錢係區內較貴都諗住會繼續幫襯下，點知中秋嚟造節......出晒事！😤😤😤
問題喺邊？
1️⃣訂位時經理話我哋訂中秋套餐，可以安排房畀我哋，點知到埗就話安排咗房......門口隔離嗰張大枱畀我哋，咁都得？
2️⃣光速上餐，根本食唔切，枱亦放唔晒，我哋請侍應安排慢慢上其餘菜式，前後講咗兩次，最後依然係光速上菜
3️⃣侍應亂收碟，明明喺碟度有明顯未食嘅餸，佢竟然伸手嚟收碟？咁趕時間咩？冇人等位又有吉枱㗎喎

香港市道差，都唔想亂畀劣評，但今次體驗真心差，價錢又唔係平，99.9%唔會幫襯！有緣人如果睇到呢篇食評，又真係想去食嘅話，千祈唔好揀大時大節去！