星聚軒

上司請食午餐慶祝中秋節，提議來呢度飲茶好耐都冇嚟啦，今次我們有預早幾小時前訂位原本諗住食四款點心+炒飯/麵一碟，不知不覺叫左6個點心+炒麵一碟，好彩最終都食得晒！冇浪費！我哋叫咗以下點心（不依次序介紹）：炸魷魚鬚 - 好野味菜苗餃 - 冇咩特別，但唔夠味，淡口啲黑金流沙包-忘記咗是否奶黃炸牛奶卷炸春卷蛋撻-酥皮熱辣辣，差唔多每次嚟都會食豉油王炒麵-有幾條魷魚鬚服務一般冇咩特別，因為我哋都趕頭趕命食完就返工，冇咩特別要求今日唔太多人嚟午餐飲茶，可能附近寫字樓好多人放假，因為請一日變四日假，未到兩點已有多張吉枱唔知今餐幾錢，因為係同事俾錢，都會再嚟…查看更多

之前食過兩次晚飯，飲過一次早茶，見食物質素唔錯，就算價錢係區內較貴都諗住會繼續幫襯下，點知中秋嚟造節......出晒事！😤😤😤問題喺邊？1️⃣訂位時經理話我哋訂中秋套餐，可以安排房畀我哋，點知到埗就話安排咗房......門口隔離嗰張大枱畀我哋，咁都得？2️⃣光速上餐，根本食唔切，枱亦放唔晒，我哋請侍應安排慢慢上其餘菜式，前後講咗兩次，最後依然係光速上菜3️⃣侍應亂收碟，明明喺碟度有明顯未食嘅餸，佢竟然伸手嚟收碟？咁趕時間咩？冇人等位又有吉枱㗎喎香港市道差，都唔想亂畀劣評，但今次體驗真心差，價錢又唔係平，99.9%唔會幫襯！有緣人如果睇到呢篇食評，又真係想去食嘅話，千祈唔好揀大時大節去！…查看更多

坐得舒服，茶用玻璃杯幾好噃。炸雲吞有驚喜，超級脆卜卜，不過，無甜酸醬就要扣分。如果有錦老雲吞嘅甜酸醬更好。牛肉腸粉，鼓油跌晒喺邊邊條坑，皮比較厚。還可以。鳳爪無驚喜。排骨味道幾好，不過，中間有些紅，驚唔太熟，所以無食中間那舊。蝦餃，幾爽，多蝦肉，新鮮，有驚喜。燒賣，普普通通啦。辣椒油係有渣，好味。想食煎讓3寶，但驚太飽，下次試下。如果計葵芳，葵興，石梨，石蔭，梨木樹，安蔭，這區，這間算頭3位。可以不妨一試。我下次會再黎。…查看更多

🥢🌟 今次同三位朋友到葵興 Life@KCC 9 樓的 星聚軒 Star Cuisine 嘆早午茶。店內以銅色茶爐、復古水晶燈打造懷舊粵菜廳氛圍，大窗透光令白色檯布顯得更雅緻。先上「安格斯酱香乾炒牛河」：寬河粉均勻掛豉油王，鑊氣十足；牛肉採用安格斯肩胛，肉香突出且帶微粉胡椒味，與爽脆芽菜、韭黃互相平衡。接着的「椒鹽脆豆腐」以雞蛋豆腐切粒炸至金黃，外殼酥脆、內裡軟嫩，面層灑七味粉和黑白芝麻，椒香開胃。點心部份：午市推出 $238「優惠組合」已包括炒牛河、脆豆腐及三款點心，額外加點兩籠和茶位，共 $448 四人埋單，人均約 $112，以商場酒樓計算相當實惠。服務方面，店員頻繁添茶及更換餐具，態度有禮；茶資 $15/位包香片，茶壺置於小銅火爐保溫，用心度高。總結：星聚軒的熱炒與點心均具質素，特別推薦安格斯炒牛河及香煎馬蹄糕；若在葵興一帶想找環境舒適、價錢合理的粵菜酒樓，可一試。下次計劃挑戰晚市海鮮小炒，再與大家分享！👍…查看更多

今日假期上晝打完波，心思思睇吓想食乜嘢，記得之前有一個短片介紹呢一間中菜餐廳嘅下午茶有燒鵝髀瀨粉，價錢係$49好似好抵食，所以嚟試吓。燒鵝髀好香肉質還算鮮嫩，但係冇脆皮，瀨粉值得讚，非常之軟熟同香，雖然個賣相同幅相都仲有啲距離，不過以$49 可以食到燒鵝髀瀨粉算係唔錯。（不過呢個有少少情況出現，就係上嚟之前我係先打電話上嚟問，有冇廣告講嘅下午茶雞髀燒鵝瀨，喺電話裡面嗰位職員話有叫我上嚟，上咗嚟之後同佢哋落order跟住佢哋話今日係假期係冇嘅，我就話因為打電話上嚟話有我先上嚟，個職員都好快幫我處理話特別幫我落order，值得一讚）另外叫了個下午茶點心孖寶：個叉燒腸質素一般，唔算差亦都唔特別好，叉燒唔多，亦唔係特別香口，反而個菜乾豬骨粥水準之上很綿，可惜豬骨味道仲未煮到入粥裏面，整體個人確得可以（假日$49.8，平日$39.8）兩樣點心算係有性價比。特別一提係名茶佢本身有火爐去保住溫度，只係收$10茶錢我得呢個值得一讚，因為我本身鍾意飲茶，而且鍾意飲水滾茶靚嘅熱茶，呢度有加分。不過下午茶3:30鐘就截單，所以要早少少上嚟。…查看更多

前身是名苑……飲過早茶,下午茶,早茶最抵,下午茶價錢中上,下午茶時段3個人食11款點心,連茶介加一,HKD280幾,當然都睇下你食咩喇,要飲下午茶兩點開始,記得唔好太晏,因為3點半截單收爐!太晏去就未食完一輪就截單喇!但睇過下午市同晚市餐牌,價錢就再貴啲,當然睇下你點貨比貨,單憑飲茶體驗就很不錯呢度飲茶值得一讚,出菜唔慢,正常速度,出品優質,你去食過就會感受到!體驗唔差,但總係好似唔見有評語,忍唔住手,要比個讚👍…查看更多

已經唔係last minute既booking，準時到達餐廳的時候，卻被告知沒有位子給我們，只能坐在門口，或者等候其他客人離開。這樣的情況讓我不禁想問，既然已經預訂了位置，那這個預訂的意義到底是什麼呢？我也詢問了為什麼預訂位子不可以幫忙留檯，對方卻只是找藉口說所有的桌子都已經被預訂滿了。聽到這裡，我心裡感到非常不舒服，因為似乎有四五個桌子都是同時預訂的，這樣的情況我覺得應該提前通知我，讓我知道可能不能如願以償。總之，整個過程讓人感到混亂不堪。如果不是因為附近沒有其他酒樓，我真的不想再選擇這裡用餐。希望餐廳能改善他們的預訂系統，讓顧客能夠有更好的用餐體驗，否則這樣的情況會讓人感到非常失望。…查看更多

味道一般 但價格中上, 出菜又慢, 門口貼上多張明星照片; 但對評分沒幫助, 寫食評要求要80字以上, 要每道菜色寫評嗎?? 由於不想再有人中伏才寫出來, 不值一試。…查看更多