我哋order 時明明叫「一人壽司盛」，我兩個都好肯定系叫咗「一人壽司盛」，食物上台肚餓即刻食，我哋冇去對menu,究竟上咗「一人138」定「花見488」， 因為我哋從來冇諗過要叫「花見」。 (呢個係我哋錯冇去對menu , x1); 如果我哋知道上錯「 花見」 會即刻出聲。
食完買單先知食咗「花見壽司盛」。問服務員， 她說她有同我哋指住🫵圖確認過花見壽司盛！ 點解我哋明明兩個人開口order 一人壽司盛， 服務員之後要指住花見壽司圖，企對面去問？ 如果她耳聽唔明， 點解唔服務好D開下她金口問究竟「一人」 定「花見」？？？？
她指圖時我哋冇去研究就答：系（ 係我哋錯嚴重出錯x2)
「一人」 同「花見」 耳仔容易聽錯嗎？ 如果聽錯， 點解淨係指住圖而唔問系「一人」定「花見」 ？ 服務員是不是太求其？ 問題出現她答同指住圖確認過！ 態度非常冰冷！
系我哋錯， 服務員冇問題， 我唔會再令我有機會去呢間餐廳犯錯。
好無聊，為咗寫呢D垃雜特登開咗戶口tim. （ 錯x3)
以上食记乃用户个人意见 , 并不代表OpenRice之观点。
赞好
hanamiyamasushi
當日接獲同事回報，客人在結帳時提出帳單上的項目唔係自己點選。我哋事後都有睇返cctv確認情況。當晚閣下應是一家三口同行到來，各自點選了自己的餐點，當時男孩指著「花見壽司盛（19件）」的圖片落單，同事落單後都再次打開menu指著圖片跟客人確認是否「花見壽司盛（19件）」，得到客人再次覆實。到上桌時是19件的「花見壽司盛」，而非8件的「一人壽司盛」，客人全晚都完成所有餐點。惟到結帳則向另一位同事指出自己order的是8件的「一人壽司盛」，而非19件的「花見壽司盛」，並開始指控同事故意誤導，以「博大霧」一詞指控同事故意落咗價錢較高的壽司盛。當時客人的指控令一直服務備受讚譽的同事深感委屈，惟仍然冷靜打開menu解釋落單時和落單後都再次確認，都得到客人確認，絕無誤導或所謂嘅「博大霧」。事實如上，公道自在人心。作為負責人，定當用心做好每個細節，為每位客人提供優質美食與服務，務求令每位客人有稱心的用餐體驗。惟要同事蒙受不白之冤，絕不讓步！敬希客人自重。
Michaela_kaykay
咩叫點解唔服務好啲？垃雜?冇人捉住你隻手逼你開咖個ac~學返好啲廣東話先上來嘈啦, 詞不達意咩都唔了解清楚就跪左先/認左錯先。依啲就叫服務好?洗唔洗同你扣幾個響頭呀自己想搏懵就屈店員, 作故仔Cctv都睇埋睇你仲點賴~ 呀! 係咼=) 各下上傳依個食評之前, 睇完openrice提醒都要照post。都幾唔要面😉如含有嚴重指控的食評存有與事實不符的陳述，根據香港的《誹謗條例》，提交該食評的食家或需負上相關的法律責任。
god of food
如果唔係太離譜基本上都唔會係呢度留言. 其實件事好簡單, 你清楚自己叫一人盛係八件, 亦清楚係138蚊, 上枱有成19件, 你唔覺奇怪?138蚊19件壽司? 爭鮮都唔得啦. 再者, 你見到19件果陣, 點解唔叫侍者埋黎問下先? 點解會選擇照食, 仲要食晒先問? 唔好玩啦你. 一個字, 貪. 呢間店服務唔係特別好, 但每次去, 我落完單, 侍者都會清晰地同我確認一次. 不知所謂.
用餐途径
堂食
