花見山下

在這荒涼而詭譎多變的人世，只要有新鮮的食材，適當的調味，足夠的火候，就能烹煮出好吃的料理。投入的時間與心力，絕不會白費的。（張曼娟，2024）良久未曾用心寫食評，這次與友人相聚於西環的花見山下，期待著一場美食的饗宴。每位朋友挑選了不同的定食，而我則選擇了炙燒海鮮飯。鰻魚鮮嫩無骨，入口即化；帶子則清爽可口；三文魚肉質鮮甜，彷彿在口中綻放。茶碗蒸的蛋滑嫩如絲，細膩的口感令人無法抗拒。我的朋友最近久咳未癒，喝了一碗魚湯後，神情舒緩，故我們又加點了一碗大的。湯頭鮮甜，彷彿能撫慰心靈，讓人感到溫暖。店員的服務態度無微不至，進門的瞬間便為我們斟茶，耐心介紹餐點，頻頻斟茶，很是殷勤 。雖然今天是慶生的聚會，卻得知這裡並無甜品可供選擇，切餅費為100元，我們本打算去附近的甜品店再戰。然而，意外的驚喜隨之而來。由於有客人未能如期到店，店裡準備了一碟「Thanks for coming」的甜品，並特意贈送我們夏威夷果仁雪糕，更為我們點上蠟燭 。店員更讓我們選擇蠟燭的顏色，這一份心意令我們倍感驚喜。我們在店內愉悅地談天論愛了三個小時，直到打烊時刻，店員始終懷著禮貌的微笑，讓我們感受到他們的好客之道 。餐廳內客人不多，卻希望能有更多人來發掘這小店的美好。我在Google上留下了食評，並在inbox了店主，得到了他們熱情的回饋，讓我感受到他們的用心。這是一間無疑值得回頭的餐廳，期待重逢。🤣注：三張相來自三個人，真人靚過上鏡！…查看更多

係一個35度高溫嘅夏天下午，進入咗呢一間充滿和風特色嘅用心小店。叫咗一個刺身定食，刺身真係好厚好新鮮。另外壽司定食同樣係新鮮，同埋夠晒飽。連麵豉湯都好足料。唯一有少少不足嘅就係覺得甜品嘅泡芙有少少只係將急凍貨擺上一隻豉油碟嘅感覺，希望可以配合小店嘅貼心風格考慮改成一啲比較特別嘅甜品或者係自製嘅甜品。服務好，裝修好靚，假日亦都容易搵到位置，好適合同朋友一齊喺度傾吓偈食吓壽司。精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

聞說呢間日式料理喺西營盤已經好耐，今日喺附近決定一試佢虛實。呢間小店大概可以坐20人，有好多日式裝修包括有油紙傘同日式燈籠，仲有一條大龍嘅壁畫。下午茶時段，只有一枱客。。。。店員招呼幾好，我一坐低無耐就畀左杯茶我，可惜只係暖暖地。黃雨下天氣涼涼地，條裙又濕，有杯熱茶會好好多。。。我揀左海膽北海道丼飯定食，貪佢有好多款魚生，咩都可以試吓仲有我最愛嘅帶子。成個餐包麵豉湯，兩個前菜，同一份甜品。佢碗丼啲魚生（藍鰭吞拿，真鯛，三文魚同油甘魚）一啲都孤寒，片片都有超過1cm厚。。。不過我就覺得啲魚生無乜特別，但佢隻帶子真係幾新鮮，幾鮮甜，但只係得一隻唔夠喉囉啲海膽落得都唔輕手，有6，7舊。 頭一兩舊有少少腥，不過之後嗰啲都幾甘甜同creamy同埋佢啲醋飯唔係普通白飯，應該係糙米飯 (突然覺得健康左)。埋單時，店員話有張儲分卡，食一個午餐可以儲一個印仔，儲滿第2，5，9 同10個，下次就有唔同嘅野送，新開嘅黃竹坑店都可以儲。…查看更多

我哋order 時明明叫「一人壽司盛」，我兩個都好肯定系叫咗「一人壽司盛」，食物上台肚餓即刻食，我哋冇去對menu,究竟上咗「一人138」定「花見488」， 因為我哋從來冇諗過要叫「花見」。 (呢個係我哋錯冇去對menu , x1); 如果我哋知道上錯「 花見」 會即刻出聲。 食完買單先知食咗「花見壽司盛」。問服務員， 她說她有同我哋指住🫵圖確認過花見壽司盛！ 點解我哋明明兩個人開口order 一人壽司盛， 服務員之後要指住花見壽司圖，企對面去問？ 如果她耳聽唔明， 點解唔服務好D開下她金口問究竟「一人」 定「花見」？？？？ 她指圖時我哋冇去研究就答：系（ 係我哋錯嚴重出錯x2) 「一人」 同「花見」 耳仔容易聽錯嗎？ 如果聽錯， 點解淨係指住圖而唔問系「一人」定「花見」 ？ 服務員是不是太求其？ 問題出現她答同指住圖確認過！ 態度非常冰冷！系我哋錯， 服務員冇問題， 我唔會再令我有機會去呢間餐廳犯錯。 好無聊，為咗寫呢D垃雜特登開咗戶口tim. （ 錯x3) …查看更多

住左係西營盤好耐，但一路都冇入黎試。今日朋友生日，決定同朋友試下。 聽街坊講呢度最出名係佢地d日本魚生。我地叫左佢地精選十款壽司，牛肉壽喜燒窩，明太子玉子燒。壽司好新鮮，最值得一讚係佢ge 大吞拿魚腩，入口即溶。壽喜燒窩入面有好多蔬菜同菇，配埋牛肉同日本蛋真係好正，天氣凍凍地食真係好正明太子玉子燒煎得好香，估唔到明太子咸咸地辣辣地味道咁夾，玉子燒即制熱辣辣總結，味道，環境氣氛，性價比，服務都好好，必定會再黎幫襯！！…查看更多

每次黎花見山下日餐總會叫佢地d吞拿魚、三文魚、鯛魚，每一種魚都好好食。我比較鍾意三文魚，油脂分佈均勻。吞拿魚魚腩真係好正，口感極為鮮甜同肥美，入口即溶，有一點點海水的鹹香。有時佢地會入d時令生蠔，味道好，價錢又唔係貴，性格比高。佢地店舖唔算好大，但裝修環境真係好有氣氛，係附近揾唔到同類型鋪頭。未食過的話，強烈建議要試下！！！Strongly suggest you guys to try this great Japanese restaurant …查看更多

我好小打評論去推薦一間餐廳，但呢間日餐我覺得幾好，一個月大概都會食2，3次，有幾款野食我覺得要推薦比大家試下。😋😋☺️☺️首先係玉子燒，基本上每次黎都必點的。佢地有好多味，試過幾隻之後，發覺最啱我口味係明太子玉子燒。餐牌上面寫需時20分鐘，即叫即制。難怪每次食都係熱辣辣。味道調教得好好，我個囝每次都食到好開心。我自己就最鐘意食佢地d午餐set。性價比高，選擇多。壽司刺身。三文魚，油甘魚，吞拿魚，赤蝦都係我最愛。埋單每人$100 有找。😋…查看更多

見到裝修唔錯 就同朋友黎食 點知…1.熱食好凍。朋友點了個豚肉飯定食，一送來已經是凍的，好難食，有冇搞錯，令我想起這個飯究竟整好喺度放咗幾耐，不明白這間餐廳的衛生條件是否達標？2.定食個魚湯好重腥味，唔好飲，好似飲緊餿水，建議重新調整改良，或者下架此菜式。3.收費離譜，這間餐廳收服務費算法是每客菜品都加服務費，而平時一般的餐廳是用總數計算服務費，真係重未見過，結帳時看到帳單的收費令我十分疑惑。4.服務一般。叫服務員斟水，等了15分鐘都冇斟水，建議這種服務水平，就不要加收這種令人疑惑的服務費了。…查看更多

首先，這間餐廳嘅環境真係值得讚，裝修得幾靚，令人感覺好舒服。不過，我點嘅定食餐真係令我好失望。雖然玉子燒仲可以，但其他嘅菜品，比如飯，湯同埋蒸蛋，真係難以接受。首先，玉子豬肉係凍嘅，飯都一樣冰冷，根本冇辦法享受食物嘅溫度。至於豬肉嘅味道，感覺就好似隨便烚過嘅味道，份量又好少，完全唔符合我嘅期待。蒸蛋嘅口感又好普通，冇任何驚喜。另外，魚湯仲有重重嘅腥味，真係難以下咽，價錢又唔便宜，實在令我覺得物不所值。更糟糕嘅係，每道菜品仲要加收10%嘅服務費，呢個我覺得真係唔合理。而且，叫人斟茶等咗好耐，服務都令人唔滿意。總括來講，今次嘅用餐體驗真係唔值得推介，令我好失望，仲係朋友生日特登佢過嚟。希望餐廳可以改善呢啲問題！…查看更多

好少出到咁遠搵食今次趕時間，是但入咗去拉麵係濃濃嘅豬骨湯底配兩塊大大嘅半肥瘦叉燒叉燒出嚟香噴噴 咁肥瘦啱啱好烏冬都係好好食茶漬味好濃成餐飯食完完全唔會覺得好鹹，口乾姐姐服務態度超級好…查看更多

8號風球經過見到花見山下尚在營業，決定食返啲好西先返屋企睇左好耐唔知揀乜好，通常午市光顧午餐今次試啲唔同野，因為想大滿足刺身，壽司，熟食都好想食哂可惜新鮮赤貝無哂，於是食我第二最愛嘅生蠔$78 （兩隻）舖頭細細都有兩款揀，想食creamy 啲，揀左兩隻姬路姬路的確帶有少肥美，蠔邊爽口，蠔身濃厚食過幾次呢度嘅生蠔質素都keep 到好fresh唔錯想食壽司又覺得花見十貫$328太多有點貴最後揀左5件嘅壽司mix(唔記得叫乜野名）$188／5件聽落有少貴嘅，點嗰時有少少猶豫但佢包左大拖羅，中拖羅，赤身，金目鯛同埋拖羅蓉海膽三文魚子，全部都係好野，一人前食哂咁多款吞拿魚又真係大滿足好彩無失望。當然大拖羅係最肥美甘香，中拖就啱啱好，赤身就食個軟糯口感，金目鯛我覺得普通嘅，大堆頭拖羅蓉海膽三文魚子就貪心啲乜都食，$188嘅滿足，對得住呢個價錢另加左兩件火灸一件燒左口魚邊$18，另一件唔記得左$22左口魚邊好味呀，燒完啲魚油爆哂出黎，決定下次再黎都要encore另一件燒完無乜魚油，可以不提🤣熟食揀左明太子玉子燒呢度嘅玉子燒偏甜身，比想像中熟明太子擺側左一邊都幾好味嘅，諗唔到食乜野熟食就可以揀呢樣食完咁多款野就覺得好滿足盛惠$422，的確唔算好抵食平時佢地午市set 真係好抵所以我通常都係午市set 再加兩隻生蠔難得呢間小店仲keep 到魚生刺身質素都唔容易同好有堅持先做到…查看更多

今日同囝囝過黎呢頭參加活動，平時黎西營盤都係是旦去附近d 茶餐廳食野。見今日天氣咁好，就係OpenRice search 睇下附近有咩野好食。 係OpenRice見到呢間鋪d評價幾好。於是就同囝囝過左黎食lunch黎到果陣見到好多人，好彩我地只係等左一陣就有位，佢地中午有lunch set，我地叫左芝士吉列豬扒飯同燒肉汁安格斯肥牛飯。芝士豬扒真係好正，d芝士湧出黎，吉列豬扒又炸到好香口，牛肉飯都好正，燒肉汁個味調教得好好。下次黎食會再試其他野！…查看更多

住呢度附近，一路都有幫襯呢間壽司店，朋友最近生日，即刻諗起呢間推介十貫壽司，明太子玉子燒我地兩個人分別叫左兩個十貫，每件壽司都好鮮美。特別是大拖羅，食過係食唔返出邊果啲所謂拖羅，基本到油甘魚、三文魚都好好味。玉子燒好香蛋味，加埋明太子鹹鹹地同少少辣，非常好味😋😋😋😋鋪頭會有幾款時令海鮮，果晚諗住食原隻海膽，但可惜佢地晚上太多人，我地又晏到，原隻海膽已經賣哂，唯有下次先再去食。店鋪環境都好好，色彩繽紛，音樂好聽，女侍應親切有禮，食物質素，性價比極高👍…查看更多

我在這家店點了外賣，雜錦魚生丼，味道一般，魚生比想像中為少，飯似白飯多過醋飯， 而且口感偏硬。。。。＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿但吃到一半的時候咬了一塊玻璃。如果我不及時吐出來，相信我就會死掉。很難想像如此驚嚇情況會出現在港島區的日本餐廳，勸大家考慮清楚才下單！＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿希望店家真係會認真處理。。。。。衛生同食物品質維護係十分重要的，亦希望日後唔會再發生同類事件！！…查看更多

首先，價錢唔平，但質素好一般。我真心唔明點解有咁多好評。我叫咗呢個$268嘅set 廣告上清楚列明有拖羅有海膽，所以我都期待佢係一個比較質素好啲嘅set到壽司嚟咗嘅時候，驟眼睇賣相還可以，但我第一個疑惑係，我件拖羅呢？於是我問一個女仔嘅侍應，佢話紅色嗰舊係拖羅。 我即時反應係：What? 咁紅嘅拖羅？睇落好似赤身喎。侍應嘅回答係：新鮮嘅拖羅係咁紅嘅。 Ok, 你咁堅持我都冇辦法⋯心諗：我想話我唔係第一次食拖羅囉！我又唔信你d貨會新鮮得過我直接喺日本食果d囉⋯ 直到我放件壽司入口，一d魚油都冇，我可以肯定，佢係赤身扮拖羅！另外，除了有搵笨之嫌疑之外，不得不提壽司師傅嘅功夫亦令我大開眼界。有啲魚切到穿咗都仲可以扼成壽司攞出嚟俾啲客。仔細睇吓上圖，魚嘅中間穿了個窿露出飯粒，除咗不美觀之外，口感亦差。 總括來說：好伏！…查看更多