其實串燒一樣都可以係omakase，分別有前菜、佐酒小食、
天婦羅，直接再落串燒都有10種，雞既部位你想幾刁鑽都有，
再黎就食事，甜品，一個set 16道菜，加埋杯Sake你話夫復何求呢？👇🏻
1
📌秋 吉 雞 串 燒 廚 師 發 辦 - $698/位
▪️ 前 菜 -
▫️「蟹籽沙律」將蟹籽連埋青瓜、蟹柳一齊食，前菜黎講相當開胃。
▫️「焦糖雞肝醬多士」用左雞肝醬鋪上即烘乾既多士，
再夾心搽上焦糖醬，成個口感鬆脆得黎又夠香口，好食。
▪️ 燒 物 -
▫️「雞胸軟骨」一咬落去爽到不得了，果種彈牙感比普通雞軟骨更加有出眾。
▫️「汁燒大蔥雞肉串」醬汁較到岩岩好，唔會太鹹，
雞肉爽滑有彈性，配埋大蔥更加濃香。
▫️「鹽燒雞腎」食落極爽口，chef建議擠埋青檸汁，味道更加refreshing。
▫️「雞背肉」佢地既雞肉都係用三黃雞，chef建議雞背肉
加埋wasabi，更加帶出整個鮮味。
▫️「雞掌心」真係好似雞腳，不過係完完整整咁去左骨，
啖啖肉又夠煙韌，好有驚喜。
▫️「第一刀」意思姐係豬頸部對落第一刀，呢個位置肉質極度鬆化，
油香十足，嫩滑無比，真係想食多啖！
▫️「吞拿魚蓉提燈」提燈醬油漬過，食落鹹鮮味突出，
配埋吞拿魚蓉，連埋紫菜、日本芽蔥一啖過食，口感豐富。
▫️「免治雞肉捧」配上日本蘭王蛋，完全唔需要額外調味，
蛋香已經夠哂濃郁，正。
▫️「七里香」亦姐係雞尾對上位置，肉質相對有咬口d，而且香味更加鮮明。
▫️「牛舌芯」加上芥末籽一齊食，牛味會更濃郁，食落完全唔韌，爽彈到不得了！
▫️「手羽先」我無辨法用筆墨去形容佢果種脆口，外層做到相當鬆脆，
裡面極度juicy，聽chef講淨係雞翼都係慢慢高溫燒成，
難怪佢地串燒咁高質，真係要比到like。
▪️ 炸 物 -
▫️「天婦羅盛合」包括關東煮過既蘿蔔、栗米芯、青椒仔，
個天婦羅皮超級薄脆，完全唔厚身，咬落好似紙咁薄，
功架十足，配搭sake我係最夾。
▪️ 食 事 -
▫️「秋吉鰻魚飯」絕對係我人生食過最好食既鰻魚飯，佢個鰻魚表面
煎到好似薯片咁脆卜卜，好誇張，飯身又夠軟綿，真係好想整多碗！
▫️「米通蝦球」配搭三黃雞熬煮既雞湯，先飲啖湯，再食過蝦球，絕對係滋味無窮！
▪️ 甜 品 -
▫️「雪米糍」一個係芒果，一個係荔枝，成個set性價比高到
超乎我想像，諗下幾時再encore先得。
