泰 (瓊華中心)

营业中

休息中

旺角依間「泰Thaiology」嘅出品唔錯，而且服務幾好。*此餐廳收取加一服務費。明爐冬蔭功海鮮湯（單點$148），好足料，虎蝦肉質爽口，味道鮮甜，八爪魚、魷魚圈肉質彈牙，青口食落有鮮味，冬蔭功味道酸辣，配料包括有香茅、車厘茄、雜菌。泰式鮮蝦炒金邊粉（單點$128），鮮蝦食落好新鮮，金邊粉口感乾身，配以花生碎、青檸汁食用，味道更佳，配料包括有豆乾、雞蛋、香蔥。泰式串燒（四串$96），豬肉串燒，肉質半肥瘦，肉味濃厚；雞肉串燒，雞皮部份口感香脆，肉質嫩滑，配以花生沙嗲醬食用，食落好香口。青木瓜沙律（單點$88），份量多，內有青木瓜、羽衣甘藍、紅毛生菜、苦菊、車厘茄、洋蔥、青瓜、紅蘿蔔、花生、辣椒，口感爽脆，配以泰式酸辣汁食用，味道清爽。芒果糯米飯配椰子雪糕（單點$108），芒果味道香甜，食落好Juicy，糯米飯食落暖笠笠，配以椰子雪糕、椰漿、椰絲食用，冰火交融，食落有三重椰子滋味享受。菠蘿梳打（單點$42），味道酸甜，飲落好清新。泰式奶茶（單點$42），茶味濃香，甜度適中