呢間喺登打士街嘅泰式飲品，真係太有特色啦，令到我爭啲中伏啊！🤪
香茅多 [好飲度：6/10］ ($29)
其實呢個，我諗都算係menu入面睇落最少伏嘅產品。😇 咁的確，佢個香茅個糖漿呢，係幾有香茅嘅香味，而且個甜味好獨特，溝落個益力多度其實都幾夾。😛 但係個益力多真係溝到好稀，溶少少冰就開始無味，幾難收貨。😣
泰空之夜 ［好飲度：3/10］ （$28）
伏來了。😖 好方面睇，杯嘢睇落幾靚嘅，可以打卡。🤩 但係要飲就不了，其實我飲咗成杯，我都飲唔出嚟嗰啲係咩糖漿嚟㗎。😱 最後睇返英文menu，先知原來係藍莓嚟㗎喎。😨 我就懷疑佢就落得唔夠多糖漿嘞。😤 公道講句，我見到佢真係直接由成個勝獅玻璃樽倒啲梳打水出嚟，都幾揼本😌 不過整體，我覺得啲糖漿呢就唔襯個梳打水呀嘞。😐
鍾意飲泰國嘢嘅朋友先試下啦， 佢個定價高之餘都幾細杯。😅
