影片
更多
2023-04-04
2019 浏览
此時此刻，日本嘅櫻花綻放，雖然已經全面通關，但暫時都未有考慮出門住，始終經過三年疫情有啲地方都未完全復常，再等耐啲先出門，去睇睇呢個世界。不過，喺公司附近嘅「圓貝」，出咗一系列加入櫻花元素嘅茶飲，嘆番杯感受下春日櫻花嘅「味」力。呢類茶飲店都屬於小舖，不過，店家晌裝修上面都下咗苦工，門面以淺墨綠色為主調，襯以橙黃色磚牆，一室暖光色調，非常有和暖感，天花嘅波波燈，十分搶眼，而且，鋪面橫開感覺闊落。晌等候期間，望入去開放式廚房，睇到職員製作茶飲，內裏環境乾淨，唔似得有啲茶飲店會拉塊布遮遮掩掩。其實，除茶飲，仲有啲特色曲奇，加入咗麻薯元素，都幾特別。而店方更將佢定位為散水餅作推銷，確喺一個銷售好策略。從佢哋嘅單張介紹，以不同植物類食材配合現代方法，加入一啲創新元素，所用嘅喺植物奶、天然糖漿，做出健康、零罪疚感嘅珍珠奶茶，可見佢哋對製作幾認真，而茶飲類都有非常之多選擇。此外，佢哋更不時推出期間限定，依家就喺櫻花花期，所以，今次小弟就將重點放喺期間限定嘅「櫻粉の花見」。玫瑰庭園 $58從餐牌中，見到佢嘅成分配搭好特別：宇治小山園抹茶、杏仁奶、椰子花蜜、玫瑰果醬、士多啤梨，加上外觀幾搶眼，所以，一於
呢類茶飲店都屬於小舖，不過，店家晌裝修上面都下咗苦工，門面以淺墨綠色為主調，襯以橙黃色磚牆，一室暖光色調，非常有和暖感，天花嘅波波燈，十分搶眼，而且，鋪面橫開感覺闊落。
晌等候期間，望入去開放式廚房，睇到職員製作茶飲，內裏環境乾淨，唔似得有啲茶飲店會拉塊布遮遮掩掩。
其實，除茶飲，仲有啲特色曲奇，加入咗麻薯元素，都幾特別。而店方更將佢定位為散水餅作推銷，確喺一個銷售好策略。
從佢哋嘅單張介紹，以不同植物類食材配合現代方法，加入一啲創新元素，所用嘅喺植物奶、天然糖漿，做出健康、零罪疚感嘅珍珠奶茶，可見佢哋對製作幾認真，而茶飲類都有非常之多選擇。
此外，佢哋更不時推出期間限定，依家就喺櫻花花期，所以，今次小弟就將重點放喺期間限定嘅「櫻粉の花見」。
玫瑰庭園 $58從餐牌中，見到佢嘅成分配搭好特別：宇治小山園抹茶、杏仁奶、椰子花蜜、玫瑰果醬、士多啤梨，加上外觀幾搶眼，所以，一於試試。成品出嚟嘅賣相真喺幾靚，杯面仲糝咗一啲玫瑰花瓣，杯底仲有好多排毒炭珍珠。入口先喺陣陣抹茶幽香，再嚟就喺玫瑰嘅香氣，甜度啱啱好，感覺自然，啲珍珠好咬口，仲有好多士多啤梨果肉，令到整杯飲品無論味道，還是口感，都多元化、富層次感。
櫻花綻放 $52另一款春季限定喺手搖香水瓶系列，有兩款口味：「櫻花綻放」及「雲霧看花」，兩款都喺用香水瓶樽盛載，賣相吸引。揀咗「櫻花綻放」喺以檸檬汁加氣泡水，落咗羅漢果糖，裏面放有鹽漬日本櫻花同桃膠，飲落比預期好清，同樣甜味純和，講明用上日本櫻花，鹽漬後嗒落都幾得意，加上有粒粒桃膠，豐富咗個口感。
兩款限定都果然有啲驚喜，下次再試試其他系列先。
张贴
