你果刻諗到想食咩就直接去馬，唔好比機會或者空間去猶豫，
由心而發既果下永遠都係最真誠，我呢晚就最想食日本野，
所以諗都唔諗，walk in呢間新開既「恋 | Tsukiau」，
咁先夠忠於自己，忠於個胃呀麻！👇
📌廚 師 推 介 -
▪️ 芝 士 年 糕 - $48
▪️ 牛 肉 豆 腐 野 菜 鍋 - $158
▫️ 第一個小食必食「芝士年糕」外層做到熱辣辣，咬開裡面年糕相當煙韌，
仲有流心芝士，香而不膩，好食；另一款「牛肉豆腐野菜鍋」成個鍋物
好豐富，集齊哂肥牛、椰菜、冬菇、火炙豆腐、金菇、芋絲、
洋蔥，肥牛滑嫩唔再講，成件事惹味到不得了，送飯認真一流！
📌串 燒 -
▪️ 串燒六式拼盤 - $268
▫️ 何謂「串燒六式拼盤」呢？其實係集齊哂和牛、雞肉、牛舌、
五花荔枝肉、羊肉、雞翼，和牛厚切大大粒，食落肉質唔會太老，
夠哂軟腍入味，要大讚一定係串燒擺耐左，佢地會提供一個
烤爐仔比你慶返熱，呢種咁貼心既服務加唔少分！
📌丼 飯 -
▪️ 蒲 燒 鰻 魚 玉 子 丼 - $138
▪️ 海 膽 三 文 魚 丼 - $168
▫️ 丼飯又係走唔甩既，前者「蒲燒鰻魚玉子丼」，鰻魚燒得岩岩好，
大大件賣相吸引，外層帶少少焦香，入口肉質夠滑溜，
加上玉子連埋燒汁一齊食，幾出色；後者「海膽三文魚丼」
面頭馬糞海膽仲滲左D飛魚子係面，口感增加左唔少，
海膽當然夠鮮甜啦，配上三文魚，成個丼飯我覺得幾飽肚，
魚生控可以一戰。
📌飲 品 -
▪️ Suntory黑 啤 - $68
▪️ 水 蜜 桃 梳 打 - $38
▫️ 而家佢地仲做緊開業優惠，生啤買一送一，酒精控既我一定走唔甩
「Suntory黑啤」咖啦，仲可以有其他生啤選擇，而我朋友就揀左杯
「水蜜桃梳打」，甜得黎唔會太漏，飲落仲幾清爽，唔錯。
