最近轉左新工在觀塘返工，本身以為附近有好多嘢食，點知選擇比鰂魚涌更少，而且普遍價錢偏貴，不過都有幾間出名高質餐廳，阿鴻小食就係其中之一。
所以佢叫阿鴻小食，但係佢係一間賣潮州滷水的中菜館，連續多年獲米之蓮推介，蔡瀾都話正，我咁近冇理由不試吓。
潮州打冷檔而言店面和内部裝修算非常之光鮮有氣派，當然佢嘅價錢都唔平，午餐平均都要六，七十蚊一個飯，唔連飲品，仲要加一服務費，lunch黎講算幾貴，究竟值唔值就要試過先知。
主要都係賣一啲潮州滷水如豬頸肉，墨魚，切雞，腩肉，滷水豆腐等等，最出名應該係鵝片，任顧客配搭，我揀咗蒜香雞拼豬勁肉的滷水雙拼飯（$78），另外再加一碗聲稱冇味精例湯（$16），同事點咗招牌撈麵($68)另一位同事就揀咗招牌鵝片拼豆腐飯（$98），轉鵝肶加$40，加埋一成件飯要成$150😱，我真係唔捨得食囉🤭
等左一陣我的雙拼飯便到了，wow, 碟頭飯來講賣相真是很吸引呀!蒜香雞和豬頸肉切和擺放得整齊，仲有一d欖菜四季豆作伴菜，看見都好想食！同事們的飯賣相都超ok, 尤其是鵝肶豆腐飯，睇見大大隻滷水鵝肶，勁流口水🤤
試味方面，蒜香雞新鮮無雪味，而且雞件嫩滑剛熟，加上秘製香蒜蓉，真是好好味呀！👍😋滷水豬頸肉又夠爽，滷得夠入味，加上㰖菜四季豆讓每一啖飯都好豐富好惹味，而個湯雖然要加$16, 但真的沒味精而且是足料老火湯，超正！令人感到對製作食物的認真，真的食得出，我明白點解咁貴了，是高級飯店質素的滷水雙拼飯。👍😋友人指其他食物都非常ok，我下次一定要試佢的滷水鵝片呀😋😋😋價格係貴左少少，不過間中豪氣食下讓口腹享受一下也不為過呀😆
1
