餐廳位於荔枝角 裝修環境以歐風為主 坐得舒適 有Lunch set提供 食物質素不錯🫶🏻
-
✨招牌香草杏仁脆焗豬肉眼伴乾蔥紅酒汁 ($138)
推薦呢一款菜式🔥豬扒勁厚肉 食完好飽肚 咁厚肉本身都驚會鞋 點知出奇地肉質好嫩！同埋帶點爽口！豬扒面頭有杏仁脆 食落口感幾特別 脆脆地 又幾夾 紅酒汁酸酸地幾開胃 配菜仲有薯仔、蕃茄同西蘭花苗
✨ 自家製龍蝦蕃茄汁鯛魚柳意粉($98)
呢款係自選意粉 可以自己揀自己想要嘅醬汁、pasta或risotto、同埋肉類 今次簡左自家製龍蝦蕃茄汁、鯛魚柳同意粉呢個combination🍝醬汁有淡淡龍蝦味 同蕃茄味道幾夾 食落兩者可以平衡到 吾會被搶味 而鯛魚柳都有三大舊 無骨 魚質滑 有封煎既香味
✨餐湯 + 飲品 ($18)
Lunch set 加$18 可以有餐湯/沙律 同飲品 是日餐湯係蘑菇湯 蘑菇湯好creamy 好多蘑菇粒 菇香味好濃郁🥳而飲品簡左凍檸茶 茶底幾香
1
