影片
更多
2021-11-11
168 浏览
呢間私房菜位於佐敦，今次同朋友們一齊試吓網上團購呢個套餐，叫做《全蟹盛宴》$298/位(未計茶錢&加一)，飲品任飲，仲有花雕、紅白酒等等。首先講下菜單有10款食物逐一上菜，包括每人一隻大閘蟹，可以揀要皇/后，大閘蟹size唔算大，不過身為愛蟹之人既我其實未食過大閘蟹🤣所以就試下呢個套餐。呢個size黎講d蟹膏量算唔錯，蟹膏味好濃，同平時d食嗰啲蟹膏味唔同！其他菜式都唔錯，不過不失，但我比較中意食既菜式係黑毛豬蟹粉灌湯包、蟹膏香脆鍋巴&避風塘炒龍蝦(4人或以上先會送🦞)！蟹粉灌湯包入面熱辣辣勁多湯汁，多到要用匙羹飲幾啖先可以繼續食餡，餡料都好飽滿，值得一試；而蟹膏鍋巴睇個樣就平平無奇，仲有少少hea🤣但鍋巴係熱、香、脆，令我入口有啲驚喜；而避風塘龍蝦炒得好香辣，龍蝦肉都ok彈牙，又會整碎大部分殼，好易進食🤪以我第一次食大閘蟹黎講，呢餐感覺唔錯。另外想讚一讚店員姨姨sss服務態度好好，好nice，會同我地傾計，問下我地食完覺得邊啲菜式好食等等，又會介紹菜式特式👍🏻👍🏻
29 浏览
0 赞好
0 留言
张贴
