呢間Chiikawa主題餐廳開喺旺角朗豪坊，門口已經勁多人影相打卡，入到去就好似跌咗入Chiikawa世界，餐牌同餐具都畫滿角色，氛圍真係幾治癒。
試咗佢哋嘅拉麵（200g），份量唔算誇張，啱啱好一個人食。湯底幾入味，入口濃香但唔會太肥膩，飲落仲有回甘。麵條爽口彈牙，掛湯力唔錯，邊食邊吸都聽到清脆聲。叉燒切得幾厚，但油脂同肉香都幾平衡，成碗拉麵都算用心。
飲品揀咗黑烏龍茶，提供玻璃杯同埋冰，當然係印咗Chiikawa樣，影相一流。茶味清爽，啱啱好中和咗拉麵嘅油香，食到尾都唔會覺得滯。
成個體驗除咗打卡元素之外，食物質素都唔錯，唔係得個樣。想邊食拉麵邊浸萌，呢度值得一嚟。
62
1
1
