翠玉軒

营业中

休息中

升職主管開年請食飯，選係公司附近的翠玉軒。預早book好位，所以去到唔使等。午市人流超多，爆晒，所以人聲笑聲談話聲不斷。因為係中環食開飯的都知道，午飯最有效慳時的做法係預先點好餸，去到人齊即刻上菜。先來燒腩仔，皮薄又脆，肉又夠厚，切食細細心，好貼心，咁樣食唔會大大嚿肉放入口咁膩。不過得芥末醬，無燒烤醬，美中不足。叉燒燒得好靚，顏色紅噹噹，肥瘦適中，好食。醬汁鱈魚柳，酸酸甜甜，魚又夠滑，啱晒我口味。脆脆龍鳳卷，真係一咬即碎，入面又有豬肉粒，蘿蔔絲同埋蝦，夾埋一齊好好食。新年過後食得飽濟，所以花膠瑤柱絲泡菜曲夠晒清。菜苗夠嫩，加入花膠瑤柱絲，增加口感。燒雞皮好脆，但肉就好鞋品，食左幾嚿放棄左。呢度啲點心都不錯，蝦餃燒賣都保持水準。午餐中菜可以一試。