推荐度⭐⭐⭐⭐⭐入门口已经觉得地方细细，水吧占咗唔少位置，楼下座位本身真系唔多。好彩有二楼，上去之后空间舒服好多，仲有梳化坐，大约可以容纳十五个人左右，喺中环闹市算系相当难得嘅小天地。直接讲嘢食~🔸🔹🔸🔹🔸🔹🔸🔹🔸🔹🔸🔹🔸🔹🔸🔹烟三文鱼班尼迪酸种面包（Eggs Benedict w/ Salmon Sourdough）｜⭐⭐⭐｜$128多士底脆度做得唔错，蛋就还好。特色之处唔算多，不过胜在烟三文鱼量唔少。荷兰酱偏清爽同比较出面嘅BENEDICT唔算多酱，唔冇咁厚重肥腻，整体好似较健康、味道干净，但冇咩出彩嘅地方。🔸🔹🔸🔹🔸🔹🔸🔹🔸🔹🔸🔹🔸🔹🔸🔹个人认为，意粉先系呢间CAFE最精彩嘅部份~ 好食到惊人，意粉份量唔多，但酱汁超足量达到「好食意粉」嘅基本，而酱汁浓稠度适中，每条意粉都挂到一层 sauce，食落劲满足。黑松露鸡肉意粉（Black Truffle Chicken Egg Pasta）｜⭐⭐⭐⭐⭐｜$128黑松露香突出，慢煮鸡胸煮到啱啱好，软嫩唔鞋口。忌廉汁顺滑但唔怕「实」同「杰」，做得啱啱好嘅奶油感，完美解决咗鸡胸本身天生嘅干硬问题，整体嫩、腍、香、滑齐哂。我只系试咗两啖，已经觉得好惊喜，同伴直头食到停唔到口。红酒烩牛面颊意粉（Braised Beef Cheek Egg Pasta）｜⭐⭐⭐⭐⭐｜$138本日MVP，本来因为同伴唔食牛而有所犹豫，但好在最后有坚持到点佢系正确选择！牛面颊煮到极度松化，入口软熟、吸汁力强，红酒味道浓郁得嚟又已煮走酒精嘅刺激感。有部份牛面颊煮溶到酱汁之中，牛味混和红酒味嘅完美组合，应该加咗少少茄汁？酸酸地、深层而唔会太厚重，每条意粉都挂到满满嘅汁，再加埋半溶嘅PECORION芝士(绵羊奶芝士)。意外地开胃，明明谂住食唔哂，最后都系自己一个人扫清。🔸🔹🔸🔹🔸🔹🔸🔹🔸🔹🔸🔹开心果巴斯克蛋糕（Pistachio Burnt Cheesecake）｜⭐⭐⭐⭐⭐｜$68呢个系我哋专程嚟嘅原因。表面㶶香突出、内心软滑浓稠，开心果嘅果仁香味好实在极抢戏，唔系某啲舖头咁得个绿字但完全冇果仁味。甜度适中，唔算好甜，唔会用糖嚟盖过咗芝士+开心果香。两个人分享啱啱好，饱都心甘命抵。Cappuccino｜⭐⭐⭐⭐｜$42咖啡豆应该系 blend，香味偏果仁。泡打得唔差，但冇咗 cappuccino 应有嘅「硬泡」质感，整体更似 latte。味道好饮，但杯面口感稍嫌未够 punch。不过配甜品都唔错。🔸🔹🔸🔹🔸🔹🔸🔹🔸🔹🔸🔹🔸🔹🔸🔹听讲佢嘅牛油果多士系另一样必试，下次会 order嚟试卜~手工肉丸意粉亦排咗入名单。唔夸张，一食完已经决定要二刷。另外湾仔都有分店，店员话两间都有少少唔同，有机会再探索。…查看更多
Pistachio basque cheesecake🍰($6X)见到个流心已经好兴奋🤪食咗一啖直程好食到傻 好浓开心果味 个texture都超正🥰唔止个尖端系流心 去到中后段都仲系soft㗎 食完一件已经好想encore!!(唔记得咗系latte定flat white🥲)☕️($42)顺带一提个staff好有礼貌🥹主动同我讲楼上有位 不过我懒得行上去所以坐楼下😛绝对会encore的cafe!!
