Zero One Coffee & Roastery

推薦度⭐⭐⭐⭐⭐

入門口已經覺得地方細細，水吧佔咗唔少位置，樓下座位本身真係唔多。好彩有二樓，上去之後空間舒服好多，仲有梳化坐，大約可以容納十五個人左右，喺中環鬧市算係相當難得嘅小天地。

直接講嘢食~
🔸🔹🔸🔹🔸🔹🔸🔹🔸🔹🔸🔹🔸🔹🔸🔹

唔錯，但比較普通，份量算足夠，煙三文魚唔少。

$128

煙三文魚班尼迪酸種面包（Eggs Benedict w/ Salmon Sourdough）｜⭐⭐⭐｜$128
多士底脆度做得唔錯，蛋就還好。特色之處唔算多，不過勝在煙三文魚量唔少。荷蘭醬偏清爽同比較出面嘅BENEDICT唔算多醬，唔冇咁厚重肥膩，整體好似較健康、味道乾淨，但冇咩出彩嘅地方。


🔸🔹🔸🔹🔸🔹🔸🔹🔸🔹🔸🔹🔸🔹🔸🔹
個人認為，意粉先係呢間CAFE最精彩嘅部份~ 好食到驚人，意粉份量唔多，但醬汁超足量達到「好食意粉」嘅基本，而醬汁濃稠度適中，每條意粉都掛到一層 sauce，食落勁滿足。

黑松露香突出，慢煮雞胸煮到啱啱好，軟嫩唔鞋口。

$128

黑松露雞肉意粉（Black Truffle Chicken Egg Pasta）｜⭐⭐⭐⭐⭐｜$128
黑松露香突出，慢煮雞胸煮到啱啱好，軟嫩唔鞋口。忌廉汁順滑但唔怕「實」同「杰」，做得啱啱好嘅奶油感，完美解決咗雞胸本身天生嘅乾硬問題，整體嫩、腍、香、滑齊哂。我只係試咗兩啖，已經覺得好驚喜，同伴直頭食到停唔到口。

本日MVP，牛面頰煮到極度鬆化，入口軟熟、吸汁力強，紅酒味道濃郁得嚟又已煮走酒精嘅刺激感。有部份牛面頰煮溶到醬汁之中，牛味混和紅酒味嘅完美組合。

$138

紅酒燴牛面頰意粉（Braised Beef Cheek Egg Pasta）｜⭐⭐⭐⭐⭐｜$138
本日MVP，本來因為同伴唔食牛而有所猶豫，但好在最後有堅持到點佢係正確選擇！牛面頰煮到極度鬆化，入口軟熟、吸汁力強，紅酒味道濃郁得嚟又已煮走酒精嘅刺激感。有部份牛面頰煮溶到醬汁之中，牛味混和紅酒味嘅完美組合，應該加咗少少茄汁？酸酸地、深層而唔會太厚重，每條意粉都掛到滿滿嘅汁，再加埋半溶嘅PECORION芝士(綿羊奶芝士)。意外地開胃，明明諗住食唔哂，最後都係自己一個人掃清。

🔸🔹🔸🔹🔸🔹🔸🔹🔸🔹🔸🔹

表面燶香突出、內心軟滑濃稠，開心果嘅果仁香味好搶戲

$68

開心果巴斯克蛋糕（Pistachio Burnt Cheesecake）｜⭐⭐⭐⭐⭐｜$68
呢個係我哋專程嚟嘅原因。表面燶香突出、內心軟滑濃稠，開心果嘅果仁香味好實在極搶戲，唔係某啲舖頭咁得個綠字但完全冇果仁味。甜度適中，唔算好甜，唔會用糖嚟蓋過咗芝士+開心果香。兩個人分享啱啱好，飽都心甘命抵。

香味偏果仁。泡打得唔差，但冇咗 cappuccino 應有嘅「硬泡」質感，整體更似 latte。

$42

Cappuccino｜⭐⭐⭐⭐｜$42
咖啡豆應該係 blend，香味偏果仁。泡打得唔差，但冇咗 cappuccino 應有嘅「硬泡」質感，整體更似 latte。味道好飲，但杯面口感稍嫌未夠 punch。不過配甜品都唔錯。

🔸🔹🔸🔹🔸🔹🔸🔹🔸🔹🔸🔹🔸🔹🔸🔹
聽講佢嘅牛油果多士係另一樣必試，下次會 order嚟試卜~手工肉丸意粉亦排咗入名單。唔誇張，一食完已經決定要二刷。
另外灣仔都有分店，店員話兩間都有少少唔同，有機會再探索。