Wooo

未夠鐘返工,行遠少少搵左間cafe坐下。依間cafe裝修簡單得黎幾有型,坐低都覺得好chill,好舒服。叫左一件自家製芝士蛋糕,加一杯凍mocha。其實意粉好吸引,不過由於時間關係,留返下次先試,今次食左件cake先。佢地既芝士蛋糕唔係好濃芝士味,食落口感綿密,都幾好味。不過就細件左少少,大件啲就會抵食啲。至於杯mocha,由於平時好少飲咖啡,就評價唔到咁多。原來間唔中咁搵間cafe,坐下chill下都幾舒服,以後再發掘下。自家製芝士蛋糕 $50Iced Coffee Mocha $50…查看更多

早前見到有post介紹呢間，就決定去試下。入到去位與位之間係有距離，好舒服，適合I人。食物就叫左個黑松露炒蛋配比利時pancake,再加薯餅。炒蛋佈滿黑松露，on top再有啲黑松露醬，一上菜已經問到濃濃既黑松露味，炒蛋個質感頗滑，配上下層既pancake連微微甜既糖漿，有濕潤感又唔會乾，突出左蛋既香。薯餅就係普通既香脆薯餅。飲品就叫左朱古力同抹茶，好用心既製作，每款都有唔同圖案。適合拍拖或者溫書，舒緩心情。…查看更多

今日練完拳,落到樓下就落毛毛雨,冇帶遮,見到有間coffee shop,諗住食啲嘢等停雨,入咗去見到有個芝士乳酪汁三文魚意大利飯,掃QR code叫試吓,等咗大概7-8分鐘,碟飯就嚟咗,擺盤正正常常,由於我極度肚餓嘅關係,相都忘記影就立即開餐,食咗第一啖我立即濁親,唔係因為難食,係我覺得好好食😱!!!!!!!每一粒意大利飯好分明,唔似其他餐廳一係太淋,一係就硬,我唔知係唔係咁樣叫正宗我唔識分，但係我嘅感覺就係每粒飯吸收晒芝士乳酪汁,每一粒飯都好煙靭,咸度出自於煙三文魚,味道拿捏得好好,連汁都舐埋🤭🤭🤭🤭🤭,起初我仲諗呢間coffee shop啲廚師會唔會都係外國人,因為灣仔銅鑼灣有好多廚師係尼泊爾啊菲律賓啊等等…後尾我諗住買單嘅時候就見到啲廚師出嚟可能係Social或者傾偈放break,原來係香港人👍🏻真係出乎意料之外,呢個價錢絕對好抵食，因為質素遠比價錢！…查看更多

聽同事推介話有間Wooo Cafe嘅餐廳幾唔錯，我第一次去試咗佢哋嘅白酒蒜香虎蝦蟹肉意粉同埋一杯冰搖陳皮檸檬茶啡。講吓嗰碟白酒蒜香虎蝦蟹肉意粉，意粉煮得真心掂，夠晒Al dente，咬落去有陣陣彈牙嘅口感，火候拿捏得好好，睇得出廚師有落心機。不過，呢碟意粉有個大問題——菜單寫明有蟹肉，但上枱嗰陣竟然完全搵唔到蟹肉嘅蹤影！呢個失誤真係好扣分！意粉要$128，價錢唔平，無蟹肉仲咁貴，性價比真係令人搖頭。希望餐廳之後會檢查清楚食材，唔好再令食客失望。冰搖陳皮檸檬茶啡，入口真係幾特別，咖啡味略為失色，如果咖啡味可以再濃啲，應該會更加出色。…查看更多

灣仔謝斐道有間幾好chill嘅coffee shop, Wooo Coffee, 放假都鍾意去食下嘢飲下啡, 最近發現佢哋嘅出品有啲唔同, 味道同賣相都提升左, 慢煮美國Flat Iron小牛排8oz配薯條, 7成熟肉質稔滑有肉味, 加上自家製羅勒醬, 食得出廚師用心製作, 慢煮香草雞胸配香甜烤菠蘿, 雞胸整得唔好會好嚡所以一直都唔太鍾意食, 但Wooo嘅嫩滑有雞味, 改變左我對雞胸嘅喜好, 鮮牛油果蟹肉裸麥多士, 牛油果加埋蟹肉蟹籽又係好夾, 多士香脆, 輕食之選, coffee shop一定唔少得咖啡, Wooo signature《What the Wooo》 冰搖陳皮檸檬茶啡, 陳皮嘅獨特甘香同檸檬嘅清新二合為一, 而冰要咖啡方式呈現出清爽順滑厚泡感, 好適合炎炎夏日. …查看更多

最近禮拜六日成日嚟。飲品 食物同環境都比我一個幾深刻嘅印象。首先要讚下呢度嘅特色咖啡系列，無論係濃郁嘅Espresso定係順滑嘅Latte，又香口感層次又好分明，可以感覺咖啡豆同埋沖劑嘅心機同埋功夫。特別推薦佢哋嘅季節限定咖啡，有創意得嚟不失水準。食物方面，呢度嘅All Day Breakfast擺盤精緻，食材新鮮，調味恰到好處，簡單得來有水準。店舖以暖色調為主，空間設計簡約溫馨，座位安排寬敞舒適，無論係自己一個飲咖啡定係同朋友聚會，都俾我幾relax嘅感覺。如果你喺度搵緊一個可以放鬆身心，享受美食嘅小角落，這裡絕對唔會令你失望～…查看更多

最近禮拜六日成日去。從飲品、食物到環境都比我一個幾深刻嘅印象。首先要讚嘅喺呢度嘅嘢飲，尤其係特色咖啡系列。無論係濃郁嘅Espresso定係順滑嘅Latte，口感層次都分明，香氣撲鼻，俾我感受到咖啡豆嘅品質同埋咖啡師嘅心機，特別推薦下佢哋的季節限定咖啡，有創意之餘不失水準。食物方面，呢度嘅All Day Breakfast擺盤精緻，食材新鮮，調味恰到好處，簡單得來又有水準～😋店鋪主打暖色調簡約而溫馨嘅室內設計，座位安排寬敞舒適，無論係自己一個飲咖啡定係同朋友聚會，都俾我放鬆嘅感覺。仲有環境整潔，服務員親切細心如果大家喺度搵緊一個能放鬆身心、享受美食嘅小角落，呢度絕對唔會令你失望！…查看更多

《好味過McGriddles既Pancake漢堡🥞》🍔 芝士五香肉丁炒蛋班戟漢堡 $57五香肉丁夾落去pancake意外地Match😳 鹹鹹甜甜咁，好好味！🍝 白酒蒜香虎蝦蟹肉意粉 $128意粉中規中矩，質地係有咬口，比較乾身啲～🍵 特濃開心果燕麥拿鐵 $49開心果味好重！平時麻麻地開心果既我，都覺得好飲🤤··人均消費$100-150價格💰 🌟🌟🌟🌟/5味道😋 🌟🌟🌟🌟/5性價比💡🌟🌟🌟🌟/5…查看更多

最近在OpenRice上發現了這家寶藏餐廳，趁著週末趕緊去打卡！📍 餐廳的環境非常舒適，裝修風格簡約又不失格調，適合朋友聚餐或者情侶約會。👫✨ -🌟推薦他們海鮮女意粉，煮得調味恰到好處，每一口都能感受到食材的新鮮！ 🌟另外，雞翼也非常值得一試，外酥裡嫩，搭配特製的醬料，簡直讓人停不下來！ -服務方面也很貼心，店員態度友好，上菜速度很快，還會主動詢問顧客的需求。💁‍♀️ -總體來說，這家餐廳無論是菜品、環境還是服務都非常出色，性價比也很高！ 如果你也在找一家值得一試的餐廳，這家絕對不容錯過！👍 -評分：⭐️⭐️⭐️⭐️⭐️推薦指數：9/10-快去試試吧！…查看更多

新年諗住碰下運氣睇有無開，好彩有開到🤩首先店鋪嘅裝修令到我好舒服自在揀左窗邊原枱位置，位置有啲細，另一邊大枱客人走左，店員主動幫忙安排調位，見到我有帶狗狗，都有主動問我要唔要狗狗坐墊，兩位店員都非常細心👍💯主要係比佢嘅Pancake吸引黎，叫左個黑松露蛋pancake，好好味！蛋味好香～Pancake好鬆軟～卡邦妮意粉都好好食👍味道岩岩好仲有幾舊切到係粗粒嘅煙肉🥓個炸蕃薯條都好正，咬落甜甜地炸到好香脆嘅口感👍杯Latte同朱古力畫花都畫到好有心機靚到唔捨得飲👍👍👍新年睇到杯咁靚嘅Latte都好開心味道都非常濃厚👍最後個巴斯克蛋糕都好滿意好香焙茶味，係唯一美中不足唔係流心。整體體驗及食物都有98分👍會再黎食及介紹朋友黎幫襯非常滿意👍👍👍…查看更多

在香港特色嘅McGriddles冇諗過用五香肉丁炒蛋加芝士同埋pancake咁好食喎無論麥當勞定係依度嘅pancake 我都覺得有啲濕濕地🙈可能係McGriddles嘅特色 即使呢度係俾你自己加糖漿但係其實我真係覺得五香肉丁個味道好夾🤭可能我特別鍾意甜甜辣辣 都係嗰句，如果可以俾我有得揀加多啲辣椒粉就好啦🤣不過依間嘢我最鍾意嘅就係佢嘅咖啡Nutty 咖啡豆充滿可可味 不過如果我成杯飲晒就應該搞唔掂，所以我就加咗榛子❤️❤️對於我嚟講啱啱好另外薯餅$18就淨係加得兩塊仔 比起其他Cafe就小貴 但係係熱辣辣整出嚟，所以好香脆 男朋友食嘅煙三文魚炒蛋酸種麵包，我就冇食所以唔評論🫶🏻寵物友善Cafe …查看更多

早幾天的到訪。我點的是慢煮雞胸, 朋友是crab 意料。店入風格好明顯比你知係一間過來chill . cake & coffee的店鋪，本主試pancake的心情過來，但胃真係唔爭氣.... 要食最簡單simple的慢煮雞胸。坦白主食真的很一舨，慢煮雞完全是掉入水去煮, 切的時候都係一條條肉，仲鞋過手撕雞... 同菠蘿真係一d都唔夾，兩者也不見得有調味。意粉味道也很淡，白色的醬完全沒有驚喜... 可惜可惜。coffee 我點咗caramel popcorn latte，10000000個推介大杯好味有心機 (所以我完全係忘記哂雞胸有幾難食)甜品再點咗個培茶cheesecake，淡淡的一點也不會肥膩，腸胃差人仕如我食足一件都無難道。諗番轉頭飲品latte > cake > pasta > chicken breast，真係一間有趣的餐廳…查看更多

呢間 café 好近我公司, lunch time 成日都好多人, tea time 行過見到有幾隻狗仔喺入面, 原來係寵物友善餐廳. 餐廳樓底好高, 中間有梳化位, 我一個人就揀咗埋邊的 table, 點咗一件 $48的芝士蛋糕, 加 $18 追加兩小塊迷你薯餅, 無點飲品, 可以自己裝水飲. 件芝士蛋糕真係好好食, 上面灑咗小小朱古力碎, 蛋糕軟硬適中, 質感軟棉, 芝士味濃, 好想 encore. 追加的薯餅的的骰骰, 新鮮炸起, 熱辣辣. 隔咗兩日再去幫襯, 今次食下午茶 menu (3pm 後供應), 點咗牛油果煙三文魚三文治, 餡料尚算OK, 但塊麵包真係太令人失望, 又乾又硬, 微暖但硬嘅程度應該係預先焗好, 放咗一段時間再翻焗, 真係食到脷都損埋, 不推薦.…查看更多

Cafe前身原來系茶餐廳，隨着歷史變遷，現今活化成為cafe，環境以水泥風為主題，仍有保留部分港式裝潢。✿ 班戟漢堡 $85近年好流行食班戟漢堡，呢度都有，材料仲有煙肉🥓太陽蛋🍳糖漿，班戟香甜軟綿🥞煙肉鹹香 太陽蛋同糖漿組合搭配甚佳，難怪會系招牌菜。✿ 花生醬牛奶咖啡 $48加錢可轉低因咖啡☕️轉咗心理上好過啲 冇咁難入睡🤭旁邊有爆谷令賣相增添色彩🍿花生醬🥜同咖啡搭配亦不俗，好啱中意花生醬嘅人🤎…查看更多

依間位於鵝頸橋附近嘅cafe係我最近既愛店🫶🏼。啱曬想去文青cafe 打卡，chill住過一個朝早/下晝但又唔鍾意排隊嘅大家🥳。🥗All day breakfast $118個大啡菇有驚喜，面頭舖滿芝士🧀，然後入面竟然仲有啲煙肉碎做點綴🥓，成個菇既口感勁豐富。薯餅脆得嚟唔會好硬，係有薯仔味既薯餅。🍳黑松露炒蛋比利時班戟 $55依碟野一送嚟就聞到個炒蛋有好濃黑松露味🤤，切落都唔易散，係炒得好嘅蛋🥚。班戟好鬆軟🥞，俾嘅份量有成三塊，都唔小🤩，個牛油🧈香配埋個蜜糖🍯，食落就係滿足嘅感覺😋，大推！成個環境俾人既感覺好放鬆～～工業風既裝修，同好舒服既梳化🛋️，要我全日坐喺度都冇問題🥹。同埋佢係pet friendly既cafe，所以成日都會有主人帶埋佢隻狗仔打卡🐶。而我雖然冇養狗，但見到啲狗狗好悠閑咁坐喺度都會有種好療癒既感覺✨。🕰️營業時間：0800-1800（星期一全日休息）…查看更多