Wooo

未够钟返工,行远少少揾左间cafe坐下。依间cafe装修简单得黎几有型,坐低都觉得好chill,好舒服。叫左一件自家制芝士蛋糕,加一杯冻mocha。其实意粉好吸引,不过由于时间关系,留返下次先试,今次食左件cake先。佢地既芝士蛋糕唔系好浓芝士味,食落口感绵密,都几好味。不过就细件左少少,大件啲就会抵食啲。至于杯mocha,由于平时好少饮咖啡,就评价唔到咁多。原来间唔中咁揾间cafe,坐下chill下都几舒服,以后再发掘下。自家制芝士蛋糕 $50Iced Coffee Mocha $50…查看更多

早前见到有post介绍呢间，就决定去试下。入到去位与位之间系有距离，好舒服，适合I人。食物就叫左个黑松露炒蛋配比利时pancake,再加薯饼。炒蛋布满黑松露，on top再有啲黑松露酱，一上菜已经问到浓浓既黑松露味，炒蛋个质感颇滑，配上下层既pancake连微微甜既糖浆，有湿润感又唔会干，突出左蛋既香。薯饼就系普通既香脆薯饼。饮品就叫左朱古力同抹茶，好用心既制作，每款都有唔同图案。适合拍拖或者温书，舒缓心情。…查看更多

今日练完拳,落到楼下就落毛毛雨,冇带遮,见到有间coffee shop,谂住食啲嘢等停雨,入咗去见到有个芝士乳酪汁三文鱼意大利饭,扫QR code叫试吓,等咗大概7-8分钟,碟饭就嚟咗,摆盘正正常常,由于我极度肚饿嘅关系,相都忘记影就立即开餐,食咗第一啖我立即浊亲,唔系因为难食,系我觉得好好食😱!!!!!!!每一粒意大利饭好分明,唔似其他餐厅一系太淋,一系就硬,我唔知系唔系咁样叫正宗我唔识分，但系我嘅感觉就系每粒饭吸收晒芝士乳酪汁,每一粒饭都好烟靭,咸度出自于烟三文鱼,味道拿捏得好好,连汁都舐埋🤭🤭🤭🤭🤭,起初我仲谂呢间coffee shop啲厨师会唔会都系外国人,因为湾仔铜锣湾有好多厨师系尼泊尔啊菲律宾啊等等…后尾我谂住买单嘅时候就见到啲厨师出嚟可能系Social或者倾偈放break,原来系香港人👍🏻真系出乎意料之外,呢个价钱绝对好抵食，因为质素远比价钱！…查看更多

听同事推介话有间Wooo Cafe嘅餐厅几唔错，我第一次去试咗佢哋嘅白酒蒜香虎虾蟹肉意粉同埋一杯冰摇陈皮柠檬茶啡。讲吓𠮶碟白酒蒜香虎虾蟹肉意粉，意粉煮得真心掂，够晒Al dente，咬落去有阵阵弹牙嘅口感，火候拿捏得好好，睇得出厨师有落心机。不过，呢碟意粉有个大问题——菜单写明有蟹肉，但上枱𠮶阵竟然完全揾唔到蟹肉嘅踪影！呢个失误真系好扣分！意粉要$128，价钱唔平，无蟹肉仲咁贵，性价比真系令人摇头。希望餐厅之后会检查清楚食材，唔好再令食客失望。冰摇陈皮柠檬茶啡，入口真系几特别，咖啡味略为失色，如果咖啡味可以再浓啲，应该会更加出色。…查看更多

湾仔谢斐道有间几好chill嘅coffee shop, Wooo Coffee, 放假都钟意去食下嘢饮下啡, 最近发现佢哋嘅出品有啲唔同, 味道同卖相都提升左, 慢煮美国Flat Iron小牛排8oz配薯条, 7成熟肉质稔滑有肉味, 加上自家制罗勒酱, 食得出厨师用心制作, 慢煮香草鸡胸配香甜烤菠萝, 鸡胸整得唔好会好嚡所以一直都唔太钟意食, 但Wooo嘅嫩滑有鸡味, 改变左我对鸡胸嘅喜好, 鲜牛油果蟹肉裸麦多士, 牛油果加埋蟹肉蟹籽又系好夹, 多士香脆, 轻食之选, coffee shop一定唔少得咖啡, Wooo signature《What the Wooo》 冰摇陈皮柠檬茶啡, 陈皮嘅独特甘香同柠檬嘅清新二合为一, 而冰要咖啡方式呈现出清爽顺滑厚泡感, 好适合炎炎夏日. …查看更多