WM Café & Bar (雅濤居購物商場)

营业中

休息中

大雨殺到無煮飯，外賣西餐體驗不錯！WM晚市套餐好抵食，主菜➕龍蝦湯➕餐包➕餐飲如果未夠喉，仲可以加切餅或特飲！A餐慢煮黑松露流心蛋卡邦尼意粉：＄70流心蛋真心靚，時間恰到好處，放在意粉面頭非常吸引。卡邦尼意粉有煙肉和洋蔥配搭，緊記要快食，因為卡邦尼醬汁很快凝固。B餐拿破崙三色腸扁意粉：$75這款意粉有點像燴意粉，因為醬汁比較多，拿破崙汁甜而不酸，濃濃的蕃茄味掛在每條扁意粉上，香腸不同種類，令意粉賣相更吸引。J餐招牌安格斯牛肉芝士漢堡配薯條：$77安格斯牛肉肉質鮮嫩，入口多汁濃郁。加上芝士、蕃茄和生菜配搭口感豐富之外，醬汁令整個漢堡倍添滋味。值得一題的是漢堡鬆化，鋪滿芝麻非常香口，對得住招牌之作！

WM Cafe & Bar（馬鞍山）馬鞍山西餐必食晚餐❤️❤️同朋友可以傾吓計😊餐湯🥣😋是日餐湯蕃茄湯忌廉蟹肉龍蝦湯味道濃郁，正，配埋餐包食😍😍烤西班牙伊比利亞法式有骨黑毛豬扒$188😋豬扒好大塊🥰🥰豐富油脂，肉質好味👍👍燒到剛剛好，必食🤩🤩仲有胡椒檸檬蘋果蓉用嚟配食豬扒，好惹味😋😋烤石斑魚柳配芥末籽燒汁$89😋賣相好吸引😆😆 魚柳煎到好香脆，抵食👍👍味道唔錯😍😍升級甜品阿華田cheese cake +$14🍰好好食，有濃濃阿華田味😋😋食完滿滿幸福感👍👍🍗小食意式炸雞翼+$16雞翼好香脆，3隻2個人share 岩岩好😆😆凍檸茶 🍹好大杯😊😊仲有好多檸檬🍋茶底香濃😍餐廳環境⛱環境舒服乾淨，座位好舒適，好岩拍拖或同朋友傾計❤️❤️地址：馬鞍山鞍駿街15號雅濤居購物商場地下G01B號舖整體評分：5/5味道：4/5環境：5/5抵食：5/5

而家就算食啲普通餐廳價錢都唔平，呢間西餐小店午市套餐只係$52-$79，仲包是日餐湯麵包及熱咖啡或茶。坐得幾舒服，餐廳衛生又幾好。想食牛扒叫咗▶️烤燒紐西蘭肉眼扒配紅酒燒汁$79揀咗配薯菜，牛扒5成熟。牛扒都煎得唔錯，紅酒燒汁味好香。薯條卜卜脆。有甘筍、豆角。揀咗是日餐湯係羅宋湯，酸酸哋幾好飲，仲有塊細細的脆多士。餐飲+$8 揀咗橙汁。▶️香煎豬柳拼檸檬海鹽烤雞$61呢個揀咗忌廉龍蝦湯，估唔到呢個龍蝦湯都幾鮮美又夠creamy. 豬柳好似塊豬扒咁大塊，另外烤雞亦都幾大塊好抵食！呢個價錢質素相當唔錯。另外追加咗意式炸雞翼3隻$16，味道似生炸雞翼。飲品揀咗熱朱古力咖啡+$9，咖啡味超級濃郁！飲完非常醒神！▶️ 自家製蘋果金寶配雪糕$38蘋果金寶酸酸甜甜，配朱古力雪糕，抵食！

入到去，門口卡位已經坐滿～侍應安排我哋坐入面，到有卡位先再叫我哋去入面環境同衛生都乾淨～見到其他客人既野食都上得好快👍🏻Menu好多野食選擇🤤樣樣都想食～仲有得追加沙律/甜品餐湯有忌廉龍蝦湯 🍝龍蝦汁海蝦蟹肉意粉-意粉彈牙，煮得岩岩好-收咗蝦同蟹肉，仲有蟹籽，增加左口感🍔Burger配薯條-burger中間夾住蘑菇，煮得好入味-麵包都烘到好脆-牛漢堡好juicy，咬落成口汁！一啲都唔會鞋口甜品:心太軟食到最尾同朋友發現得返我地，原來已經食到10. 餐廳夠鐘close🤣

今晚來到馬鞍山，約左朋友食飯。不過最重要係搵間乾乾淨淨的餐廳，始終現在都要好小心咁食飯，雖然疫情無咁嚴重，但健康最重要。行行下海皮入返市中心，見到一間叫WM café，睇落去又幾乾淨衛生，所以就入去啦。入到去，見到D位好闊落，的確係坐得舒服，而且又有格調，最重要係光猛，D餐具同水杯都放得整齊，起碼食都放心D。我地就叫左個慢煮黑松露流心蛋卡邦尼意粉，同埋美國極佳級安格斯大草原自然牛西冷配燒汁。先講個黑松露流心蛋卡邦尼意粉，黑松露同卡邦尼好夾，愈食愈開胃。至於個牛西冷，大份得來又唔會太un，肉感一流，咬落來剛剛好，加埋個汁簡直一流。當然，要講下佢個餐湯，一個係番茄湯，一個係招牌龍蝦湯，朋友就飲番茄湯，佢就讚不絕口，我就飲龍蝦湯，我就覺得味道夠濃，正。最後我地飲埋餐飲：凍朱古力及凍檸檬茶同埋個藍莓蛋糕超滿足。

I had came here for tea one day . I saw that their linguine in tomato broth with steak was economic and seemed was stuff that I like, so I ordered it !After some time, the meal finally came . It looked delicous, and it kind of was ! The tomato broth had tomato cubes inside , though it was a little too sweet , and the linguine was soft and easy to eat . But, what would you expect? It was below 40 dollars !The steak was okay too . It was soft with a good balance of lean and fat meat, but see

店舖環境幾好，望出去都好舒服，雖然外面會有車經過，但唔會嘈，唔大塵，餐廳內衞生情況良好。我食:香煎魚柳(用龍脷柳)配西西里茄蓉汁，我鐘意蕃茄嘅酸酸甜甜好開胃，炸薯條好脆(唔係淋曬)蔬菜食出係新鮮嘅，煎龍脷柳都唔容易(肉質容易散)但魚柳冇散到，可以用刀切開食。沙律:西柚橙巴馬火腿煙三文魚田園沙律，呢個配搭好好食，煙三文魚好正，巴馬火腿我至愛，西柚燈同菜都新鮮，食晒啦⋯⋯餐湯:忌廉龍蝦湯同蕃茄湯，我鐘意龍蝦湯好夠味。熱飲:朱古力咖啡，凍檸茶。好抵食嘅餐廳。

美食沙漠黎講，馬鞍山呢間西餐廳都算係唔錯，性價比都算高。選擇算係好多嘅，沙律三文治焗飯意粉扒，基本上一間西餐廳會有嘅菜都叫到。最驚喜係餐湯有忌廉龍蝦湯。拿，唔好expect堅有龍蝦，但佢個味道係有濃濃嘅龍蝦味，而且係滑身嘅，呢個湯係為成個set lunch 加左好多分。main我叫左米蘭豬蕃茄焗飯，等左成廿分鐘，所以應該係新鮮焗出黎，無鮮茄係入面差少少，但係係好食嘅，$70都唔洗，呢個質素無對我唔住。如果想坐得舒服少少，又可以食到一個proper的西餐，WM 的確係唔錯嘅選擇。食飽飽仲可以順便行去海邊輕鬆下。

馬鞍山市中心區內西餐廳選擇唔算好多，呢間都算係人氣之選。我諗原因都去佢性價比算高。環境唔差、食物質素唔錯、價錢又親民。假日中午時間去，午餐平均$60-$70左右。都好多選擇下。特別推介係個龍蝦湯👍唔係好多西餐廳餐湯會比到龍蝦湯，仲要係香濃高質。今日叫咗個紐西蘭肉眼扒配飯，另外再加咗個小食意式炸雞翼。牛扒可以揀幾成熟，廚師到煎得啱啱好。電子落單都可以揀多汁少汁/牛扒幾成熟。不過個餐飲即磨咖啡就麻麻哋啦，可以揀其他嘢飲🤭各位想平平地食西餐既馬鞍山之友不妨一試👌

空間十分廣闊,不用排位等待,椅子十分舒適，但位置很難找到，在馬鞍山純陽小學棒球場對面這是早餐，超好味，特別是H和J餐，值得好好細味品嘗。H餐E餐送咖啡或茶,午餐送龍蝦或薯茄湯和一塊包

WM Café & Bar主要係食西餐，午餐食好抵食，價錢大部分都係六十幾蚊，包餐湯包飲品，選擇極多，而且唔洗加一。Overall覺得唔係特別好食，定位係偏向快餐，唔好expect食到出面啲cafe既質素，但係真係抵食同埋選擇夠多。1⃣️香煎魚柳配西西里茄蓉汁（$57）魚柳炸過，表皮香脆，仲有好多茄蓉係面🍅茄蓉偏酸，唔會好流質，伴意粉食都唔錯。  2⃣️香煎豚西冷拼北海道檸檬鹽烤雞（$63）豬扒同雞扒配上黑椒汁。豬扒肉質偏厚實，而雞扒就幾嫩滑，冇乜驚喜但係幾抵食。  3⃣️烤燒紐西蘭肉眼扒配紅酒燒汁（$93）牛扒揀左七成熟，熟度同我想像中既一樣。肉都幾大塊，不過偏薄同埋都有啲啲筋位😬薯菜份量都多，不過薯條本身冇調味，炸得脆既，但係有幾條會有少少乾硬。總括黎講覺得呢個價錢有得食塊都幾大塊既扒，再有埋餐湯同飲品幾抵，不過就唔好期望太多。  4⃣️WM小食拼盤（$138）有豬肉腸、豬仔骨、薯條、炸雞翼同埋雞槌。份量算大，但係其實每一樣嘢既質素都係普通。比較好食既係豬仔骨同埋炸雞翼。豬仔骨表面有蜜汁，燒過之後味道唔錯，不過肉質有啲乾。炸雞翼層皮層得夠脆得黎冇裹上厚粉，而且都整得幾惹味🤤  5⃣️抹茶牛奶（午餐+$

雖然疫情期間減少外出，不過煮飯煮得多都總想食下街外野，今日就去W M買個西餐外賣。想食扒，所以揀咗個「美國極佳級安格斯大草原自然西冷配燒汁」（ $169 ），塊扒都幾大塊，仲有格仔紋，輕輕的有點燒烤焦味，很喜歡，啖啖肉又唔韌，唔錯，配有少量蔬菜和薯蓉。另外叫了一個煮食「炸軟殼蟹香蒜魷魚圈墨汁飯」（ $89 ），隻軟殼蟹都有手板咁大，仲有蟹子喺上面，雖然攞到返屋企焗住左隻蟹濕咗少少，但係大致上味道都唔錯，墨魚汁飯份量都多，魷魚圈不過不失。晚餐附送餐湯和餐飲，餐湯分別有忌廉龍蝦湯及蕃茄湯，用杯裝外賣，龍蝦湯雖然顏色不是特別吸引，不過味道十分濃，蕃茄湯也不弱。我哋另外加錢要多三隻雞翼和薯條，雞翼略嫌乾了一點，薯條菜就一百分，份量再多啲更開心！

久違地同也米爸🧑🏻食個早餐，我哋睇完餐牌，決定食一樣嘅早餐🤣。-🍴W/M美式早餐 配牛乳炒蛋跟丹麥牛油鬆多士🍞($45) - 我哋揀咗早餐牛扒🐂配蕃茄濃湯通粉🍅。牛扒大細要睇好唔好彩，我哋叫咗兩份，一份大，一份細🤣，不過味道幾好，雖然也米😍食嗰塊有少少筋，但係整體都幾好食。個鬆多士會烤得好脆同鬆軟🤤，仲會食到牛油香🧈，配埋個炒蛋，都好唔錯。通粉湯底唔算濃湯，食得出應該係罐頭湯，不過咁嘅價錢都預咗😚。我哋餐飲叫咗杯熱咖啡同熱奶茶，咖啡味道濃厚☕️，係醒神嘅果道，相反，奶茶就一般，茶味淡🤭。

雙層芝士安格斯牛肉漢堡配薯條：招牌菜式！牛肉分量十足，厚度且雙層關係，非一般人可以大啖咬到全部，而且牛肉有咬口又多汁，好滋味！除了配合番茄、洋蔥和生菜之外，最重要是面和底的麵包鬆脆非常，佈滿芝麻更香口。巴馬臣芝士溫泉蛋卡邦尼意粉：溫泉蛋蛋香濃郁，流心蛋黃連煙韌意粉入口簡直一流！最緊要外賣都仍然熱騰騰，不會令意粉變硬變杰！蕃茄肉醬意粉：蕃茄味特濃，味道偏酸！相信番茄控一定欣賞。肉醬份量頗多，這個意粉足夠二人份量。是日精選蛋糕：檸檬芝士蛋糕微微酸，芝士味濃厚，底部曲奇碎脆卜卜。這間餐廳的蛋糕一向自家製有保證！疫情關係，今次晚餐唯有外賣。平日堂食，餐廳都乾淨衞生企理，外賣都包裝得妥妥當當，不錯！

情人節梗係唔想煮飯，無得堂食唯有外賣，諗住幫襯WM食西餐，之前嚟過，鍾意佢款式都幾多而且價錢都抵，整體衛生情況幾好，招呼都不錯，只係計漏咗佢特別日子無哂平時既晚餐，只有散叫和情人節餐，慳家的我當然散叫🤣🤣結果我哋選擇咗「雙層安格斯芝士漢堡配薯條」（ $99 ）同埋「美式BBQ手撕豬漢堡配薯條」（ 89 ），仲有「煙三文魚千島薄餅」（ $89 ）。由於都幾多人幫襯，我就靜靜地坐低一角等外賣。Burger用紙盒裝好，另外薯條分開裝，粗身曲薯條新鮮炸好好味，burger都己有驚喜，安格斯牛漢堡包面有好多香噴噴芝麻，兩塊安格斯牛加上洋蔥、蕃茄、芝士和菜，安格斯雖然唔算爆汁juicy，不過都係幾好味㗎！另一個手撕豬漢堡亦都相當特別，未聽過亦都未食過手撕豬，真係見到一條條絲，撈左BBQ醬，食落去好濕潤一啲都唔乾，仲有一圈菠蘿，芝士和生菜，所以食落去都有汁，甜甜地。至於煙三文魚pizza, 係切成嘅薄批，中間鋪咗芝士，每一塊上面都有一塊煙三文魚同埋蟹子，批邊夠脆，煙三文魚和芝士都夾，加油蟹子卜卜聲係加分的！簡簡單單又一餐！😁