Wan Chai Stadium

Not sure why it requires at least 80 characters, otherwise you can't post your review. it's a nice and quiet lunch. great food and service. prices are very reasonable for a nice sit down meal. The best thing is that iced coffee or lemon tea are included AND with unlimited refill. This is extremely rare in HK. I'll come back just for that! The Thai chicken rice was excellent also.…查看更多

我平時都有去開酒吧睇波,但呢間酒吧感覺特別唔同, 氣氛超好 !! 下次有波睇 我會再去👍🏻 環境：一入去見到好多部電視, 個個位都可以睇到電視, 播緊唔同嘅比賽, 最入有一部好大好大嘅電視, 都幾震撼 👀 牆上面有部好巨型嘅賽車🏎️ 可以打卡 （但我唔記得影相😂） 食物飲品： 我地嗰日星期六去, 叫左3 杯野飲, 最驚喜係佢地Happy Hour 竟然去到11pm! 呢個係我最最最欣賞嘅地方!!!! 食嘢方面, 我地淨係試左poutine, 芝士肉汁薯條...好多芝士, 對於芝士迷嘅我, 好滿足。…查看更多

今日本身想開開心心飲crazy hour 但呢杯真係唔好飲 同水一樣 （可能誇張左少少，但真係比平時淡得多😢我覺得好似溝咗水咁）我呢幾年去親bar都係去呢間每次都無問題但今日一反映既時候，個負責人話：「個個都飲緊，無人覺得有問題」但我好肯定，今日真係比平日差好多應該唔會再有下次了最後同香港啤酒關注群組嘅人傾完，佢地話應該係無洗乾淨，所以先會好似飲水咁。又有人教路如果想飲一杯好既生啤，可以事先叫店主比3份1杯試吓有冇變壞先，如果對方拒絕就飲翻bottle算Stella 1/2 pint $25(crazy hour)…查看更多

原本約咗同事去另一間餐廳食lunch，但係同事因為人少，冇book位，就係咁，冇得食，拿拿臨轉場啦！因為佢前一日被介紹去Wan Chai Stadium，所以佢即刻記得，帶我地去。餐廳睇落好新好乾淨，感覺價錢亦比較貴，一睇menu，差不多咋喎，即時安心揀！箍牙妹當然揀呢個唔洗點咬嘅吉列炸魚柳配芒果椰菜沙律跟薯條啦！炸魚新鮮熱辣好軟熟，唔覺有雪味。芒果椰菜沙律就好似一個醬汁，但唔覺有咩味道， 反而沙律醬更覺得好味。另外個餐湯，菇味濃，都唔錯。仲有呀，餐飲係無限添飲㗎，感覺上好抵！…查看更多

今日lunch同朋友出咗去食午餐，但係同啲朋友都冇乜心水食乜嘢，所以沿住灣仔駱克道一路行行行，行到去呢一間灣仔stadium。其實呢間之前都食過，佢地方唔算太大，不過入面全部都係好多大電視播一啲運動嘅賽事畀客人睇。佢本身係一間酒吧，但佢到午飯時間係會有一啲set lunch畀顧客，咁同啲同事就入去食啦，同之前一樣佢飲品係無限添飲嘅(酒精除外) 呢一樣係非常之吸引人，但係其實我每次食都係飲一杯就已經夠😅今次我嗌咗個set lunch係食香煎雞扒同埋腸仔煙肉洋蔥汁飯，味道都唔錯，份量都好足夠，加埋杯凍檸茶少甜係唔錯嘅。但係今日佢嘅餐湯係有啲特別，竟然係碗仔翅😂😂但係我唔記得咗影相😣碗仔翅冇乜特別，但唔好諗住有咩期望😅我感覺都係飲西湯好似match d。…查看更多

今日去了同事推介餐廳食午餐。餐廳好特色，有一駕跑車掛在牆上，中午時分已經有很多外國人在餐廳內飲酒，客人以外國人為主。侍應是外籍人士，需要以英文溝通。我們4人分別點了香烤西冷牛扒（8安士）配燒汁兩份、煙肉、生菜、蕃茄及芝士牛肉漢堡配薯條1份及錫紙焗龍脷柳拼忌廉薯片配菠菜蜆肉汁1份。西冷牛扒我地叫了medium, 但比較「um」，比同事上一次食遜色了。漢堡唔錯，薯條好味，薯蓉唔錯。龍脷柳拼菠菜可以。飲品（咖啡、茶或汽水是無限添飲）正👍👍👍。…查看更多