Uncle Ray

Uncle Ray 坐落喺企業廣場2期二樓, 正正位於電梯大堂角落。 企業廣場外面無任何宣傳品, 如果喺外面經過, 係唔會知道呢個位置竟然有一間幾好味既西餐廳。呢度環境清靜又乾淨, 每個座位之間都有合理空間, 店員又快又有禮貌。幫襯過呢度既早餐同午餐好多次, 每次都非常有水準。以早餐為例, 呢度即叫即做, 不過由落ORDER至上菜唔洗5分鐘, 而放入口每一件都係熱既, 而且煎得好好味, 餐飲除左一般既奶茶, 咖啡之外, 仲可以叫橙汁。至於午餐, 無論扒餐、意粉、焗飯、意大利飯等等都係份量足夠, 亦都好好味。曾經試過珍珠帶子意大利飯, 裏面有二三十粒珍珠帶子!! 雖然唔係用正宗意大利米, 不過亦都做到好香好CREAMY既感覺。 最難得既係, 全部午餐都係5X 至6X不等, 如果1:30前埋單, 仲有85折, 即係每個餐只係$49左右!!!!一月份開始, 佢地除左繼續賣拿手西餐之外, 每日會加入一款中式例如京都汁豬扒飯、香菇茄子肉躁飯等等。不過我對中西就一般, 始終附近都有太多餐廳賣中式, 如果想食中式未必會黎呢度。講左咁耐, 其實我最欣賞呢度既唔係單單服務、環境同食物, 而係員工係由心入面笑住咁工作, 見到佢地好開心, 好明顥佢地老問待佢地應該幾好, 令到我呢個做客既都感覺得到。 呢樣野喺今時今日既香港實在非常難得。希望Uncle Ray可以繼續保持水準。…查看更多

西餐廳一間，係返工地方。入到去叫菜，叫咩冇咩。最後叫左個牛排薯蓉。防止中伏，已經叫左走汁。上菜速度都ok快。但絕對係令人失望。牛排味道就是普通茶餐廳果種。感覺係用上了好差的牛肉，用化學野醃到啲牛肉鬆。絕對不是正常的牛肉味。味道係接受到，但其實依種牛肉係吾健康。如果係茶餐廳價錢，$40-50蚊，我都算，但成$70蚊。一啲都吾值，令人氣憤。我寧願去茶記食個茶餐。至於薯蓉，不過不失。一個餐對細食既女仔還勉強飽。但男仔應該要食兩份？如果吾係開係返工地方，間餐廳應該會bye bye. 沒有下次了👋🏻👋🏻…查看更多

同事介紹先知Uncle Ray嘅存在佢嘅位置係比較偏好難留意到食物質素黎講非常唔錯牛扒大大件燒春雞有成半隻，可揀配薯菜、飯、意粉Lunch set都落足料，帶子份量十足咁嘅份量一個餐都係五、六十蚊，性價比高…查看更多

以前有朋友喺依度做嘢講過依家間飯堂幾好食...特別係佢個燒春雞....咁啱係附近做完嘢....慕名黎試吓員工有禮貌佢13.30 之後有9折...今晚去到嘅時候係13.25 我哋一行三人就係出面企左一陣...諗住等到1330 先入去😂😂😂當時員工見我哋一行三人喺出面望個餐牌...都叫我地入去坐低... 等到夠鐘先叫野都有九折備貨有限講到明最出名係燒春雞梗係諗住嚟試吓啦...點不知叫嘅時候已經賣晒....諗住叫其他嘢配薯角...點知有冇薯角得薯蓉當時菜單有一個炒扁意粉.... 諗住叫依個之後又話剩係得普通意粉....要咩冇咩有少少失望蜜糖芥茉牛脷飯送埋沙律係幾好抵...可惜太多沙律醬...雖則我都知會用冰鮮貨.....但係調味好淡....基本上完全冇牛味....只係食到蜜糖芥茉醬嘅味道咖喱牛腩飯雖則圖睇佢好豐富...但係味道好淡...只係咖哩水既感覺...薯仔亦都唔入味....牛肉好老煎肉眼扒講真真係有少少唔太符合商品說明條例... 上枱嘅時候塊扒好薄....只係普通街市冰鮮嗰啲燒烤牛扒....而且好肥整體：成間野其實比嘅質素只係普通茶餐廳但係就貴一兩成...而且味道偏淡唔算好食....…查看更多

呢間店平時係隔離返日都唔係好覺眼. 今日有人講起就即刻試下~行到去都唔駛等位, 一入去就有得坐~環璄唔錯~ 西歺格局~ 坐落係九龍灣工廈區中都算幾西歺FEEL~佢有每日特價午歺~ 同時都有季度推介~叫左2個季度推介~一碟牛一碟黑豚2碟個味都OK既, 不過不失 賣相就一般, 送黎時牛牛嗰碟仲有可能係黑豚嗰碟既汁係碟邊.... 呢個有點感覺麻麻...呢間野其實離MTR 幾遠, 如果係附近返工, 咁都OK 間唔時去食下既, 佢D lunchset 都係5字頭~ 同附近既一样價, 咁環境上都比某D 又多人又迫既歺店好既~…查看更多

餓JJ今日約左九龍灣嘅客戶，左搵右搵黎到呢間喺商廈lobby嘅餐廳，唔知係咪因爲地點關係，所以滿座兼好多人等餓JJ叫左燒春雞配薯菜，新鮮熱辣隻春雞都烤得好靚切開入面唔會好乾，仲有雞汁流出，好出色上檯覺得好似太少汁，叫侍應拎d汁出都好快手，服務幾好配菜薯角都好熱辣辣，炸起冇耐，一定唔係擺到凍哂咁，有誠意咁邪惡嘅烤春雞加上薯角，佢仲配返個小沙律，等餓JJ減輕下罪惡感啦敗筆係沙律菜一般，而且切得太細塊了...呢個lunch $56，加3蚊仲可以有餐湯，餓JJ覺得絕對抵食呀…查看更多

想在九龍灣國際展貿中心附近吃個比較有質素的午餐真沒什麼地方可選！最近我卒之找到了一處 - 就是位於企業廣場二期的Uncle Ray.前两天選了午巿套餐其中之一的紅酒乾蔥汁焗牛扒配飯。套餐還包括餐湯或飲品，如加3元，便可以两樣都有，真是十分吸引和化算。我肚子不算很餓，所以我只選了餐飲。端上來了，原來是焗飯來的，樣子不錯，份量相當夠。餐飲-熱奶茶少奶，茶味夠以這個水平的價錢而言，Uncle Ray 可算是做到了快靚正。…查看更多

呢度食物味道同品質品唔錯，中午過黎食lunch預左要等廿分鐘，無得訂位，入座前多數叫你落定order,入到去坐低先嗌，食物真係無咁快到。黎呢度食親都係牛扒加薯角，牛扒大份無血水，唔會well done,岩岩好，當然佢唔會問你要幾多成熟...仲包一杯餐飲…查看更多

Uncle Ray 是一間只有在附近寫字樓番工的人才知道的平價西餐廳。只需50蚊，唔洗加一，就有齊沙律，湯，餐包，主菜。而且上餐超快，一落單食物就到，最適合lunch hour較趕的人，不用浪費時間等餐，翻桌也快，所以即使多人排隊，很快就可以入座。在十二時九前離席，或者一點半後入席更有九折優惠，更加便宜。今日揀選了韓式芝士豬肋排配飯和南瓜忌廉海鮮湯，忌廉湯有蜆肉和魷魚，配有香脆的蒜蓉包，味道不錯。可惜主菜芝士少得幾乎沒有，韓式辣醬味道同茄汁差不多，彷似食茄汁飯一般，毫無韓式風味，豬肋骨肉少難咬，令人失望。但在這樣的價錢下，還是不能要求太多。…查看更多

有日黎左同一個大廈整回鄉證，見到仲有成幾十個號碼先到我，時間好難過呀，唯有去附近搵下野食，食住野等！！！黎左呢間都幾多人等位嘅餐廳好彩我一位，完全唔洗等位，直接入得。點左個類似一哥豬扒飯嘅蕃茄焗豬扒飯，賣相都幾靚嘅，好似幾多汁，紅卜卜咁。不過味道就普普通通啦，有少量芝士，反而芝士幾香幾好味。蕃茄都迎鮮正常，豬扒唔算厚，但急凍豬味道都OK，最麻麻係個醬汁，怪怪地味。不過中午食飯，茶記類食品係咁上下，附近間間都差唔多。但如果比我揀，我覺得大家樂個一哥豬扒飯好食好多。…查看更多

九龍灣有一間名字改得很親切又容易記的餐廳.... Uncle Ray, 這位 Uncle 駐進企業廣場二期相信差不多有十年, 這是最距離近我們公司的餐廳, 行去吃午餐雨天也不會濕身, 極方便.今日公司工作繁忙, 我們又去 Uncle Ray 午餐可也, 幸好 12:00 正來到剛好有位此是寫字樓區的餐廳, 裝修簡約而價錢合理.    週六, 午市堂食, 外賣自取. 8.5 折今日午餐有 7 個選擇, 我們叫了其中兩客, 紐西蘭肉眼牛扒, 黑椒汁配意粉  @59-送餐湯或沙律, 再有餐茶.頭盤我選了沙律, 蔬菜新鮮爽脆, 配有醋汁, 開胃醒神.紐西蘭肉眼牛扒, 肉質嫩滑, 有重牛味, 伴有黑椒汁和意粉,  黑椒汁很香, 醬汁夠多上檯又熱, 意粉夠稔, 份量 OK.砵酒炆牛尾配意粉  @54 也可配飯, 或 薯角牛尾炆得很林, 砵酒調味很濃很惹味.  朋友選了意粉, 混合一起同吃, 見她越吃越愛.餐茶, 我們只選了熱檸檬茶, 夠酸甜又消濟.  飲後下午返工更醒目.優惠提示:  餐茶如改特飲只加  $6-  此餐廳食物品質, 調味及招呼也好, 送餐也快, 極配合我們上班一族,  一定再來.…查看更多

在九龍灣打滾，一定要到德福廣場，MegaBox才找到較有質素的西餐廳嗎?未必，因為另一個「廣場」—企業廣場內，會找到一間價錢大眾化，甚至有優惠的餐廳，那就是「Uncle Ray」了。Uncle Ray，置於「企業廣場」內，倘若不是有人介紹，我也不知道會有一家這樣的餐廳。正值午飯時間，人流頗多，幸而找到位。員工很迅速的執過枱，為我們下單，然後就放好餐紙和餐具。座位挺寬闊，而且一整層只有這一家餐廳而已，沒有其他店舖，若不是正值繁忙時間，想必會是優閑好選擇。餐湯很花被送上，配上一塊蒜蓉包。忌廉湯，光是看起來，一定很濃稠，果然不出所料，值得一試。不過蒜蓉包可能放久了，有點硬。主菜是法式乳羊鞍配辣肉腸、薯菜($53)。(到底是「法式乳」，還是「乳羊鞍」呢？)切開來看，羊鞍的生熟度剛好，肉質也挺厚。有羊羶味嗎？全然沒有！處理得非常好！吃到的是肉味，肉汁，還有醃過的羊肉味，夠鬆軟。至於辣肉腸也是好吃的，不是那些味道很恐怖的香腸，但夠「辣」嗎?也算不上。薯菜呢？西蘭花挺鮮甜，而半個蕃茄，薯茄居然被煎過，完全不酸但非常香口，鎖住了蕃茄了鮮甜了，這是選料上的認真。至於薯菜的「薯」，坦白說不是炸薯條有點失望。不過，用上薯蓉，清清淡淡，拌上一點汁，或者鋪一些軟軟的薯蓉在羊鞍上吃，又是另一個食法吧。總體來說，因賣相至味道，都足見Uncle Ray在炮製這個「法式乳羊鞍」上挺有心思和誠意。…查看更多

沒有帶飯, 同同事出去食飯, 突然諗起呢度, 十二點幾去到已經開始要等位, 好彩都唔係等好耐. 呢間餐廳12:45離座有九折, 同埋唔使加一架. 不過今日趕唔切了.選擇都好多, 見到隔離枱食的螺絲粉好似幾好咁, 我們不約而同都叫這個香草雞肉炒螺絲粉. 飲粟忌廉湯. 碗湯都OK, 唔會好濃, 不過如果熱D更加正. 有一件蒜容多士跟湯的, 都算脆身呀.螺絲粉都幾大碟喎, 都有好多配料, 有雞肉, 一些紅椒絲, 個汁都幾香, 幾好味, 雞肉好淋身, 螺絲粉都係, 唔會過硬, 幾GOOD.…查看更多

這餐廳的位置是在商厦的大堂，通常在這位置的餐廰都是提供輕膳的茶座，但細看下發覺原來是有正餐提供的，因此便坐下來試試。點選的是精選早餐，外形不錯，而且應有盡有，特別欣賞的是煎雙蛋。細細隻，但有蛋味，加上少許香草令味道更特別。而另一款不錯的食物是芝士蕃茄。新鮮的蕃茄甜得來不會酸，與芝士的味道也夾得很好。豬肉腸的味道則算是可以，只是略為硬了一點。整體來說，這次早餐體驗算是無意中的一個驚喜。…查看更多

三點幾落湯雞咁走唔到出去食午飯, 無錯係午飯. 結果, 就來了這裡.點了菜, 不過廚房似乎準備大量的下午茶外賣, 所以等了半個小時先上菜鴨胸炒烏冬, 炒得不錯很香很滑很好味, 鴨胸也很多, 不過真係等太耐了. 不排除係太餓所以覺得很好食.凍咖啡都幾好唔苦(唔怪苦唔怪酸已經不錯, 大部分茶餐廳都係用最差的咖啡粉亂沖的). 如果以一個可以飽肚的下午茶來講, 價錢算合理了. 可以偶然來食下…查看更多