Tony's Hell (已搬遷)

呢幾個月食飯會特登選擇黃店，但so far呢間係最高質素，好有驚喜嘅。首先前菜，呢個Nachos 十分香口，上面舖滿滿滿嘅cheese🤤接住係神秘星空沙律，個menu係無寫有咩材料，店員話係用當造新鮮嘅材料，但要保持神秘感，我地要自己試下先知。結果我嘅味蕾話我知有藜麥、新鮮嘅沙律菜、紅肉火龍果...其他就唔知喇😆Japanese style pizza(唔記得中文名), 9寸pizza 四個人食啱啱好，醬汁係日本醬汁，好多芝士，推介！重點推介豬手同豬肋骨，豬手上面係南瓜醬，估唔到咁夾，肉質一d都唔鞋！豬肋骨上面舖滿肉鬆，更加惹味！高質黃店👏🏻👏🏻…查看更多

朋友知道我鐘意食甜品，尤其係好食既芋丸，所以介紹左係呢到食，已經好難再搵到甘好食又足料既芋丸，tony hell就可以做到，佢既手工芋丸做得好好，可惜吳可以成日食到，因為限定時間，所以當有限定發售時就會買黎食，芋丸彈牙好味，咽硬情度剛剛合適，不會太硬又不會太淋，甜味適中，果D桂花香味仲好濃郁清香，其實我知道呢道仲有好多嘢食，有時經過都想試下佢地既午餐同晚餐，但因為我見呢道好似無堂食座位，如果要食就要外賣，我自己本身吳太鐘意外賣食物，唯一甜品我可以買反屋企食，所以好希望將來可以有機會可以有堂食比我試下就好😊再提反主要話題😂就係呢道既芋丸好好食，正👍👍👍👍👍…查看更多

喜歡大角咀係因為呢區有多間具有個人風格既小店。今次我就詳細介紹下我最近呢一年幫襯得比較密既小小角落店 - “Tony's Hell”.小店行既路線係清新，小鹽，小油既輕食路線。對於經常喺出面食飯既我（係餐餐都喺出面食），呢類輕食的確會減輕我既過量進食既負擔。部分食物介紹：無花果沙律無花果+蕃茄+煙肉粒+鮮菜&wasabi mayonnaise. 幾樣食材簡單直接。沙律最重要係要新鮮。Tony呢方面做得好好。烤雞骨腸黃金炒飯飯炒得粒粒分明飽滿。雞骨腸加少少燒汁煎香。鹹蛋黃份量適中唔會食到好漏。食完好滿足。100%手工芋圓仙草。呢個芋圓我敢講如果唔係全港第一也是top 3! 3種芋圓-芋頭，地瓜和紫地瓜。全部味都好出，芋圓口感Q而不會死硬。自家製仙草無一般仙草啲藥材草青味。配料仲有紅豆綠豆薏仁珍珠椰果。好好食！⚠️注意限定商品。此圖係10月12-13號限定2天時食同影既。下一次限定就係11月2-3號。有興趣試就要趕緊把握呢2日啦。外賣芋圓仙草。手工kahlua milk cheesecake. 好靚又好食。帶啲酒味既cheesecake又唔會太heavy. 另到成個生日party添上獨一無二既感覺。summer drinks. 比起出面排餐死又多糖精既飲品好飲好多！！！🙏後記：得知Tony's Hell做到年底就會結業。實在不捨得咁好既一間店被一些外來因素無奈結業。不過我深信：有心一定可以看見光明！期待日後會收到一句“Tony's Hell is back”！！加油Tony！！ Keep the 🔥 up!…查看更多

連續幾位好友生日都喺Tony's Hell訂蛋糕，今次輪到鄰居隊友生日亦不例外。謝謝Tony創造一個獨一無二既Slam Dunk theme + 球隊logo水晶球蛋糕。…查看更多

呢次係我第3次食Tony's Hell嘅Secret Dinner la! 今次好特別因為友人好喜歡粉紅色，所以特別叫Tony預備粉紅色嘅菜式  好多謝Tony完全無嫌棄我哋呢個咁麻煩嘅要求！Tony 真係好有創意亦都好有原則，估唔中食材就一定唔開估  所以我响度都唔會講係咩！想知就自己去試啦！我哋當然係選擇5道菜嘅 Secret Dinner la!*First course - Appetizer*小女子最近少食肉，Tony特登整一個vegetarian version俾我！*Second course - Soup**Third course - Salad*個沙律醬係粉紅色㗎!! *Fourth course - main course*因為兩個人可以試兩款唔同嘅！呢個黑食飯超好食呀 大家估下呢個肉上面好靚嘅粉紅色係咩? *Fifth course - Dessert*最後點少得甜品呢！不過真係估唔到呢個...…查看更多

以前覺得 Tony'sHell食個晚餐$400 在大角咀都幾離地，所以一直都無試過，上星期中午行過，佢竟然開咗，原來佢轉咗型，睇睇個餐單和價錢，午餐$45 喳。仲有其他小食 今日終於試咗，佢每星期會轉餐單喎，我食咗海鮮炒烏東，料都幾足有蜆肉+魷魚+蝦，蝦有雪味但好爽，最緊要係少鹽少油無味精，食完唔口渴，食到尾又唔會油浸烏東，味道好啱我口味，絕對值$45,咁㗎價錢，好過去茶餐廳食多鹽多油啦。而原價$40杯飲品，現半價$20,生果茶味道淡咗d, 但夏天飲啱晒，佢d生果好新鮮，上網睇返，完來佢隻是環保杯，可重覆使用，仲冷熱飲都得㗎。另外食滿$40有一個印仔，儲滿10個，老細話有優惠喎，但佢死都唔講優惠係咩。…查看更多

之前試過佢嘅晚餐Secret menu ,已經食得出廚師Tony好有熱誠好有heart 仲好有創意餐廳賣點係用天然食材泡製令人驚喜的創意美食。但係最近睇報導得知佢被食環處告佢擺街 （但其實佢攞2張枱一d都唔阻街，仲要嗰個位人流不算多 不是大街大巷🙄）Anyway,政府做事你是無法想像的。因此佢而家只可以利用bar枱位置server 少量客人，要食一定要預早book。為生存只好轉型做埋午餐 主要做外賣，仲有好靚嘅少女風甜品，影相呃like一流。今日去試左佢個午餐 選擇有幾個 沙律、意粉、飯、韓式米紙卷，仲有其他少食，佢個午餐menu每星期會轉款。叫左個XO醬雞肉炒飯，XO醬有少少辣 好惹味，加左西蘭花雞肉份量亦不少，飯都算乾身粒粒分明，面頭再加d魚鬆更香口 好味重緊要係少油少鹽無味精 食完唔會囗渴👍🏻全部即叫即製 需要有少少耐性 但其實我都只係等左5-10分鐘佢有幾款自家製特飲 賣相好靚 我揀左鮮果茶原價$40跟餐叫只需$20，用5款鮮果製成橙、菠蘿、火龍果、西瓜、熱情果，佢會轉款 視乎買到咩生果，鮮果茶好清甜完全無加糖，亦無冰但係好夠凍，生果好新鮮，比起果d所謂人氣果茶店浸糖嘅水果好假嘅甜味 好一百倍，既然比同等價錢去排曬隊買一杯機械式嘅糖水，倒不如買一杯有生命又健康嘅真•水果茶$45食到一個有誠意一啲都唔hea嘅午餐 加多$20仲有真正嘅水果茶真係物超所值 …查看更多

真係非常地獄的一間‘餐廳’，最差的飲食經驗！舗頭係街舖，只係六個街位，到舖先知道。食飯當日係冬天，非常寒冷更要坐出街，一路食一路震！完全沒有理食客感受。再者，沒有餐單！被逼要食所謂的神祕餐單，完全冇得選擇地位位收四百！食乜？唔會話你知！食材吾會話你知！再屈你飲野加一，我地三個在冇任選擇地比左一干二蚊坐街食西北風食吾飽，吾夠分！食物昧道是不錯！但份量小！食材平！最貴也是個烤雞。有乜理由咁既地理位置，食材，服務，環境收一酒店級價錢？十分不合理，完全不知所謂，無視消費者權利！…查看更多

Together we are stronger LOL無菜單體驗，每道菜都要估材料或調味料我諗我自己一個食可能真係會估到發脾氣因為估唔到，Tony係打死都唔會開估好在我地不死精神，食畢兩個幾鐘都估中八九成平時知道咩菜式，討論下材料呀煮法呀調味呀等等都已經難，直頭唔話比你聽係咩嚟係深奧，望聞問切咩都做齊，每次估中我地都好似百萬富翁中獎咁尖叫我不入地獄誰入地獄，直接挑戰地獄五層，頭盤，湯，沙律，主菜，甜品，以為細細份慢慢上未必夠我食，最後都捧住個肚走頭盤嘅薄脆有少少比配料整軟咗塊餅，可以試下分開上，保持脆身。第一，二層地獄，我地差紫色薄脆入面一款，湯一款材料估唔中第三層地獄，我地估到最後食哂兩款主菜後，終於都破解到兩款主菜都比較容易估，可惜個飯有個調味始終耿耿於懷估唔到，好在甜品都估中哂，順返條氣Tony主要都想用返唔同食物本身嘅味道作為天然嘅調味，平時自以爲味覺靈敏，認真考起我。小店只有一個人主理，將唔同食材細心處理配搭，勾起返食客深層嘅味蕾記憶，哩個價錢合理有餘…查看更多

意想不到的神秘菜單 - Tony's Hell我倆的一百二十二月天紀念日，食好點去試試這間在大角咀的Tony's Hell。由大廚Tony一人主理的小店，座位數得出的得四個，賣點是這兒吃Secret Menu。食乜唔知食時亦唔會話你知，餐牌分為五層地獄，意即你食幾多個course。這兒出品全是天然食物不加味精，食物賣相亦異常咁靚，一個凍湯用上四種食材打出來，我只估中兩種。Tony只叫大家繼續估，除非估中否則佢是不開估的。意粉同意大利飯做得恰到好處，講真去到尾我地都懶得再估了，藍色的飯好好食，點整由佢吧，細心品嚐便是了。價錢不算太貴，全部有心機睇住Tony切切煮煮，很有趣的小店。紀念日來慶祝玩吓試吓你從未食過既食物，值得。…查看更多

之前透過報道知道大角咀有依間小店一直好想去試 呢日終於有機會我哋預先打電話去留位 廚師無論接線定服務都好好禮貌我同朋友每人點左個四層地獄餐包餐湯沙律主菜同埋甜品每樣食物你都唔知會有乜嘢食材食物除咗好食更加好睇鋪頭細細只有主廚Tony同埋另一位幫手我個人特別推介墨汁魷魚筒飯魷魚下面嗰個係墨汁薯蓉墨汁味唔出 不過薯蓉好滑釀喺個魷魚入邊嘅飯似港式糯米飯嘅味道廚師為我同朋友準備咗唔同嘅主菜同埋甜品令一個主菜係排骨 粉紅色嘅相信用咗紅菜頭下面嘅粉紅色意大利麵相信都係主廚自己整 只係略嫌麵粉味太出至於排骨就用咗BBQ汁焗製相當淋最特別係加入左火龍果減輕油膩感最後嘅甜品係桂花糖燴梨同焦糖棉花糖香蕉 前者有少少甜味但係又唔會過甜 後者就普通冇乜特別呢間主廚發板價錢唔貴創意十足值得推介而且餐牌會耐唔中轉換所以會再嚟感謝Tony俾我哋一個愉快嘅晚上:)…查看更多

 經過這店已經很多次，但因“坐街邊”的原故，不是太熱就是太凍，好幾次都放棄了。難得這個冬天不太冷，有個朋友胆粗粗同我遊地獄窩，望見個餐單 Secret Menu，有幾神秘呀?菜單只分地獄1~5層， 地獄令人聯想起“辣”來，起初還以為是吃辣的，心想最多自己可食到第二層，估錯了，原來菜式不是用辣做主題呢!神秘就是你不知今日廚師所安排什麼的菜式給你，也不會告知用什麼材料。每層為一道菜，原來每加一道菜就續層加錢。用幾佰元來買個好奇心?最後都是好奇心贏了！除了好奇心之外，令我坐下的原因，是他sell健康、用新鮮的食材等 。健康~那位不想要呀！店舖位於大角咀富貴街和海景街的角落，這地段晚上人流比較少，否則“坐街邊”感覺就不良好了。店內只有Tony一人，這餐就是他一手包辦啊!坐低後，就欣賞廚師忙碌地工作，當然好奇地看一下他用什麼材料，但其實看得不太清楚， 最後能估中的材料甚少。廚師Tony絕對不簡單，一方面忙著煮食外，另一方面也不停回答客人的提問，因為“Secret”總令人不段思考很多問題出來，和廚師緊密的溝通也是第一次啊！這裡飲品選擇不多， 紅、白酒，啤酒和果汁。飲住啤酒坐在街邊有點在外國的感覺!小小店舖帶着自己的特色，也看得出他放了不少心機。第一道菜呈上時，賣相十分精緻，信心十足地想: 應該估到是用什麼材料做的!對，材料是估中，但原來醬汁也是自家制，這些醬料就真是估不到了！鬆脆的多士做底層第一份上面加了Parma Ham，味道咸咸地再配辣辣地的醬汁，這配搭做得不錯。第二份上面加了鴨胸，配上芝士和香草，焗至微黃，味道不算突出。第三份上面加了用紫菜卷着海膽，配上咸咸地的醬汁，海膽新鮮，只是一口有點不夠喉，也正正是這樣，才覺得特別好味。第二道菜是菜湯菜湯裡有3種不同的蔬菜，我看見有種菜樣子似白菜，但Tony說沒有白菜，回家再搜尋才知這菜叫塔棵菜，其餘2種也估不中了。清清的菜湯，質感有點像羹。蔬菜經過攪拌，但仍留下蔬菜的纖維，啖啖的纖維增加了不少口感，也感覺帶點健康。第三道菜是沙律我吃得到沙律中有沙律菜，翠玉瓜，綠豆。(綠豆都是有機及自家種的)，還有什麼就不知道了。配了甜甜的醬汁，Tony說他的菜色是沒有落糖，鷄粉和味精。(除了甜品例外是有落糖的)。蔬菜新鮮，配搭特别，翠玉瓜和綠豆也是第一次在沙律上吃到，翠玉瓜帶點脆口，綠豆帶點口感。甜甜的沙律醬汁，味道不是太濃，加上新鮮食材，“清新”就是腦海第一浮現的感覺啊!我估這甜的沙律醬汁裡有煉奶，答案是錯。朋友説我估的材料層次太低了。我朋友估裡面有蜜糖。答案是錯、錯、錯，都是錯(高層次)!其實是蔬菜的鮮甜，還是醬汁的甜，開始帶點混亂了，吃完也吃不清啊！第四道是主菜他烹調了兩種不同的菜式，可以和朋友一齊分享。鰻魚飯鰻魚飯一直不是我的favourite，只會食鰻魚壽司，我怕吃得太多鰻魚會感覺膩口。這賣相十分誘人，兩人分享也不覺太膩，鰻魚還帶點油香味，也沒有我最怕的腥味。相對我比較欣賞個炒飯，用日本的珍珠米，有膠質，食落還帶點煙韌，飯中加了一些洋蔥，還發現一粒粒甜甜地好像有一些藍莓的東西，加上淡淡的醬汁，也不會過甜，真的吃不停口。另一道主菜是豬肋骨豬肋骨也不是我常選擇的菜式，因為用刀叉品嚐的話有點尷尬，因為控制得不靈光，總把刀經常切落碟中，和朋友不停發出噪音，真的不好意思呀 ! 我還是覺得用手吃才最滋味啊!肉質夠淋身，配上火龍果和用紅菜頭做的醬汁。吃了肉後覺得膩時，吃口火龍果也可清清口腔，配上清甜醬汁，覺得味道剛好，不會過度濃郁。我很喜歡吃火龍果，它營養豐富，含有一般植物少有的植物性白蛋白及花青素、豐富的維生素和水溶性膳食纖維。白蛋白是具黏性、膠質性的物質，對重金屬中毒具有解毒的功效。至於紅菜頭就有它獨特的營養價值，在於它的抗氧化作用。聽說還有效於防癌、抗衰老，以及提升身體抵抗自由基傷害（延緩老化）的最佳食物。兩者佳是健康食物之選，我比較欣賞配料和醬汁，多過豬肋骨呢!最後一道菜當然是甜品，女士當然十分緊張和期待呢!甜品擺放頗有心思! 擺放在中間的是雪梨，梨肉浸入了肉桂味，味道清甜多汁，Tony說要一日前做準備才可以做到入味的效果。表面放了一些貴花，增加高貴感之餘，還帶來淡淡貴花香味，加分!旁邊放了香蕉，上面加上綿花糖，焗到表面脆口，起初以為會很甜，食落也可接受，不知不覺全部消滅了。總算有個完美的結局呢!沒有訂檯也可吃到這餐~是一種緣份 !Secret Dinner對我來說是冒險的，我也是十分偏食，兩款的主菜並不是我的喜愛，好彩也不抗拒，否則就不值了!我比較喜歡食海鮮 ，如果想吃海鮮的話原來可以預早預訂啊!雖然這餐沒有什麼驚喜，但這是一個全新的體驗，也是愉快的一餐。…查看更多

朋友搬左來呢頭住，話Tony's Hell可以一試，廚師係整晚一個人serve晒所有客，所以必須要訂位，之後就膽粗粗打電話去試下。只睇門面，已經好有日式feel，所以我自己都有D意外，不過果晚堅大風，所以去時記得著多件衫，坐係室外吹左成晚，都真係幾凍。同時，引申左第二個問題，夏天好熱坐街邊，同冬天好凍坐街邊，都係考慮因素。廚師當晚介紹左個set dinner（如圖），我地係唔會知食咩，所以只係等同目睹佢煮嘅過程。份量夠唔夠就見仁見智，廚師亦sell無味精，所以每一味都好清，尤其個沙律，菜新鮮又咬落去「shock shock」聲，就算個dressing都係自家制，似千島但又似⋯⋯⋯⋯總之就係估唔到，亦係廚師成晚同我地既話題。就算個湯話有六樣野係入面，但其實凡估中左紅蘿蔔，其他五重就‥‥‥味道似蕃茄，但又話無，當然，無味精當然係淡既，唔重味，所以清清地都OK既！湯前有個意大利雲吞，煮熟左之後再用火槍燒焦少少，令到佢脆脆地，食落更有口感。之後上主菜，凍烏東放煎帶子，材料係新鮮既，但就一般，欠缺特色。另一道係燒豬仔肶，簡簡單單，有少少「UN」，而個飯我以為飯中心會有野流出來（其他相度睇到），不過都算OK！成晚我自己覺得最好食係個甜品，可能我第一次食呢一種梨，軟林林，一咬就有桂花味，多汁又甜，自己都幾鍾意。不過廚師話個個月都會轉餐單，或者我呢頭POST完，果頭已經有新既菜色招呼各位！…查看更多

we had sea food pancake. very yummy. liked the food. tony is friendly and makes the guest feel welcome. …查看更多

之前係蘋果新聞度見到介紹依間咁特別既餐廳。就決定同我家老爺週年紀念黎依度食!預早要左4隻蠔同埋1隻醬油蟹。另外2set既5層地獄。早一日收到通知當日冇蟹食。tony話今次啲蟹冇咁靚。所以就冇訂到比我地。但係補番2隻蠔比我地多謝哂到左正日。Book左7點半。我同老爺7點就到左奧運。雖然早到左但係人生路不熟都搵左一陣先搵到條路。原來我地一直行緊反方向去到tony已經等緊我地。坐低tony好貼心咁同我地講有個冷熱風扇。其實佢間鋪個環境好好。非常扯風，好舒服成餐飯都食得好開心。除左我地仲有2對情侶食飯。tony都仲可以一路同大家傾計一路煮食洗野!最緊要係可以保持幽默！成餐晚笑住開始笑住走!…查看更多