Tony's Hell (已搬遷)

呢几个月食饭会特登选择黄店，但so far呢间系最高质素，好有惊喜嘅。首先前菜，呢个Nachos 十分香口，上面舖满满满嘅cheese🤤接住系神秘星空沙律，个menu系无写有咩材料，店员话系用当造新鲜嘅材料，但要保持神秘感，我地要自己试下先知。结果我嘅味蕾话我知有藜麦、新鲜嘅沙律菜、红肉火龙果...其他就唔知喇😆Japanese style pizza(唔记得中文名), 9寸pizza 四个人食啱啱好，酱汁系日本酱汁，好多芝士，推介！重点推介猪手同猪肋骨，猪手上面系南瓜酱，估唔到咁夹，肉质一d都唔鞋！猪肋骨上面舖满肉松，更加惹味！高质黄店👏🏻👏🏻…查看更多

朋友知道我钟意食甜品，尤其系好食既芋丸，所以介绍左系呢到食，已经好难再揾到甘好食又足料既芋丸，tony hell就可以做到，佢既手工芋丸做得好好，可惜吴可以成日食到，因为限定时间，所以当有限定发售时就会买黎食，芋丸弹牙好味，咽硬情度刚刚合适，不会太硬又不会太淋，甜味适中，果D桂花香味仲好浓郁清香，其实我知道呢道仲有好多嘢食，有时经过都想试下佢地既午餐同晚餐，但因为我见呢道好似无堂食座位，如果要食就要外卖，我自己本身吴太钟意外卖食物，唯一甜品我可以买反屋企食，所以好希望将来可以有机会可以有堂食比我试下就好😊再提反主要话题😂就系呢道既芋丸好好食，正👍👍👍👍👍…查看更多

喜欢大角咀系因为呢区有多间具有个人风格既小店。今次我就详细介绍下我最近呢一年帮衬得比较密既小小角落店 - “Tony's Hell”.小店行既路线系清新，小盐，小油既轻食路线。对于经常喺出面食饭既我（系餐餐都喺出面食），呢类轻食的确会减轻我既过量进食既负担。部分食物介绍：无花果沙律无花果+蕃茄+烟肉粒+鲜菜&wasabi mayonnaise. 几样食材简单直接。沙律最重要系要新鲜。Tony呢方面做得好好。烤鸡骨肠黄金炒饭饭炒得粒粒分明饱满。鸡骨肠加少少烧汁煎香。咸蛋黄份量适中唔会食到好漏。食完好满足。100%手工芋圆仙草。呢个芋圆我敢讲如果唔系全港第一也是top 3! 3种芋圆-芋头，地瓜和紫地瓜。全部味都好出，芋圆口感Q而不会死硬。自家制仙草无一般仙草啲药材草青味。配料仲有红豆绿豆薏仁珍珠椰果。好好食！⚠️注意限定商品。此图系10月12-13号限定2天时食同影既。下一次限定就系11月2-3号。有兴趣试就要赶紧把握呢2日啦。外卖芋圆仙草。手工kahlua milk cheesecake. 好靓又好食。带啲酒味既cheesecake又唔会太heavy. 另到成个生日party添上独一无二既感觉。summer drinks. 比起出面排餐死又多糖精既饮品好饮好多！！！🙏后记：得知Tony's Hell做到年底就会结业。实在不舍得咁好既一间店被一些外来因素无奈结业。不过我深信：有心一定可以看见光明！期待日后会收到一句“Tony's Hell is back”！！加油Tony！！ Keep the 🔥 up!…查看更多

呢次系我第3次食Tony's Hell嘅Secret Dinner la! 今次好特别因为友人好喜欢粉红色，所以特别叫Tony预备粉红色嘅菜式  好多谢Tony完全无嫌弃我哋呢个咁麻烦嘅要求！Tony 真系好有创意亦都好有原则，估唔中食材就一定唔开估  所以我响度都唔会讲系咩！想知就自己去试啦！我哋当然系选择5道菜嘅 Secret Dinner la!*First course - Appetizer*小女子最近少食肉，Tony特登整一个vegetarian version俾我！*Second course - Soup**Third course - Salad*个沙律酱系粉红色㗎!! *Fourth course - main course*因为两个人可以试两款唔同嘅！呢个黑食饭超好食呀 大家估下呢个肉上面好靓嘅粉红色系咩? *Fifth course - Dessert*最后点少得甜品呢！不过真系估唔到呢个...…查看更多

以前觉得 Tony'sHell食个晚餐$400 在大角咀都几离地，所以一直都无试过，上星期中午行过，佢竟然开咗，原来佢转咗型，睇睇个餐单和价钱，午餐$45 喳。仲有其他小食 今日终于试咗，佢每星期会转餐单㖞，我食咗海鲜炒乌东，料都几足有蚬肉+鱿鱼+虾，虾有雪味但好爽，最紧要系少盐少油无味精，食完唔口渴，食到尾又唔会油浸乌东，味道好啱我口味，绝对值$45,咁㗎价钱，好过去茶餐厅食多盐多油啦。而原价$40杯饮品，现半价$20,生果茶味道淡咗d, 但夏天饮啱晒，佢d生果好新鲜，上网睇返，完来佢只是环保杯，可重覆使用，仲冷热饮都得㗎。另外食满$40有一个印仔，储满10个，老细话有优惠㖞，但佢死都唔讲优惠系咩。…查看更多