Toby's Kitchen

营业中

休息中

🦐🍝 最近試咗一碟蒜香白酒蜆肉意粉，真係要大叫一聲「正呀！」😆 本來只係路過，見間餐廳望落都幾有格調，心諗不如搵日試吓啦～點知今日去午餐時間竟然唔使排隊，簡直係有運丫！🍀一上枱就聞到陣陣蒜香，香到隔離枱都忍唔住望過嚟👀～意粉色彩繽紛，紅椒🌶️、洋蔥🧅、車厘茄🍅齊齊出場，視覺同味覺都被照顧得好好，簡直係色香味俱全丫！蜆肉份量唔手軟，啖啖都食到鮮味，仲有白酒香氣滲入d意粉，真係一口接一口，食到停唔到手～🤤作為一個海鮮控🧜‍♂️，我可以話：呢碟意粉係我心目中嘅Top priority！每啖都好似喺假期cafe lunch咁～🌊☀️至於奶茶🧋嘛…甜度就少少偏高咗啲，飲完有啲似食咗少少糖咁🤣，唔係人人啱，但甜魔可能會好鍾意～呢餐真係有驚喜🎉！意粉好味到想encore，下次一定要再嚟試埋其他菜式，希望仲有啲隱藏版美食等緊我～😎🍽️

今日滿心歡喜一早訂枱同同事過嚟食午飯慶祝生日呢間餐廳之前食過幾次我都有真心推介俾人不過經過今日之後，我以後唔會再嚟食同同事一行三人準時入座點知個女店員由第1秒開始已經黑面點餐全程冇出過聲我哋自動波講要食乜嘢，就轉身離開仲衰過澳牛三個都係叫咗牛板鍵餐其中一個正常樣子平滑切割另外兩個餐好明顯相對凹凹凸凸一切落去就知出事大佬煎到excellent 咁款切又切唔開，咬又咬唔爛我直程要放低刀叉專心咀嚼先可以吞入口同事咬咗幾嚿都吞唔落 要lur 返出黎自問都想食晒佢，但係真係食唔落先忍唔住同店員反映*2個餐*好韌 吞唔到咬唔開女店員黑面表示：牛板鍵正常係有d 筋位。同事表示：真係頭中尾都食過都吞唔到先同你反應女店員黑面問：咁你係咪要換？同事表示要換然後女店員黑晒面咁樣收左1個餐好大力咁樣倒落垃圾桶就轉身離開而我嗰個附和話都好韌嘅餐佢就冇收走(咁喺佢問係咪要換餐嘅時候，我又真係冇出聲）不過既然我哋反映係兩個餐都有問題，正常唔係兩個餐都要處理咩？唔緊要啦，我唔浪費食物照食重新出餐果塊牛板腱明顯質素好好多，而且係五成熟如果一早係呢個質素，我哋仍然會推介其實過熟嘅問題過去一直都有，不過知道午膳時間比較多客

要搞公司聖誕聯歡會想搵間又近又好味嘅餐廳整到會，之前去過食過lunch，覺得唔錯，所以就預訂左到會，負責人同廚師好helpful，多謝哂佢地 ，份量完全夠40幾人食🤭個餐單有：蒜香白酒蜆肉意粉香檳汁龍脷魚柳焗飯 凱撒沙律西班牙火腿沙律水牛雞翼香腸拼盤香脆薯波炸芝士蝦丸紅酒炆牛肉茄汁辣青口燒烤豬肋骨薯蓉焗西蘭花田螺最受歡迎係豬肋骨（入味又唔硬），意粉（香口足料），薯蓉（同事們話無食過就蝕），薯波（估唔到咁好味，呢款係拎個時先啱啱炸好，好正），青口（真心比之前訂過嘅好食好多）其他都好好味又用料十足。今次聯歡會因為全部食物都好啱食又好食，老闆同全部同事都好盡興

餐廳菜式，性價比好高！完全用心製作！嗰日我地試左廚師推介既美國豬鞍 配上煙肉，食落口感豐富 牛三角，無特別講幾多成熟，但出到黎煎得啱啱好，亦非常好味😋餐廳人員廚師都好NICE值得支持!!!

星期六 第一次去食哩間餐飯，見到佢個早餐，30零蚊都預左唔會大份得去邊，點知出到黎，兩塊厚切烘過既丹麥包，兩條腸，一份炒蛋（我要求全熟，唔係佢地炒到過火），兩塊薯餅食物味道以哩個價錢黎講係算高質👍，加埋杯熱飲$40有找，值得推一下👍

早排去咗葵興附近食嘢🍴✨嗰邊好多工廠大廈，本身以為冇咩特別好食，不過機緣巧合就試咗呢一間喺工廠大廈附近嘅地舖😳菜式基本上都係西餐嘅食物，但係價錢非常抵食，性價比好高！ 慢煮燒烤汁焗豬肋骨佢哋午市嘅菜式大部份都係$60-80不等，真係一啲都唔貴😆而且嗰日我試嘅豬肋骨，份量都好多，啖啖肉✨👍🏻而且仲有店舖嘅燒烤汁令到成件事好入味，非常好食😋同埋最鍾意嘅就係店舖望落去非常光猛，環境乾淨企理😃而且店員嘅服務都好好👍🏻如果你都係呢頭返工或者返學🎒都可以試吓呢間餐廳～

呢個係慢煮燒烤汁焗豬肋骨意粉佢哋用慢煮所以煮得好入味好好味在拼埋呢個酸酸甜甜嘅燒烤汁真係好開胃👍🏻👍🏻而且餐廳入邊所有員工都好Nice 所以個人覺得值得有下一次👍🏻👍🏻👍🏻

首先香煎三文魚變成炸三文魚，其他款式有註明是扁意粉，香煎三文魚（薯菜，飯，意粉）沒有註明是扁意粉，本人不喜歡食扁意粉，三文魚扒好腥好多骨，食左兩啖已經食唔落，$68蚊完全唔值，係杯凍檸茶正常啲啲