&tmR (已結業)

這間餐廳在屯門市廣場開了一段時間，今晚終於有機會嘗試。 店舖用QRcode 下單並用線上付款方式，使用上都很方便。 ➡️ 芝士牛肉煙肉漢堡 / 牛油果燒雞漢堡兩款漢堡包都給我帶來驚喜，芝士牛肉煙肉漢堡很足料，配上醬汁帶來很好的口感。而牛油果燒雞漢堡亦很不錯，燒雞是即煎很juicy,配上牛油果醬又可以解油膩感。➡️薯條（辣味）薯條是即叫即製的，口感香脆，唯一小缺點是辣粉不夠均勻。➡️ 水牛城辣雞翼雞翼炸得香口，配以藍芝士醬十分惹味。這次嘗試了漢堡包和一些小食加飲品，二人也只是港幣207元，以這個價錢再配上以上的食物質素，性價比很高。…查看更多

服務態度比幾個月前差咗好多, 二三月曾來過, 因出差及旅行已幾個月無來, 以前食得好開心, 自己在手機點餐, 有D位唔記得点選擇, 問個服務員, 個样黑晒面咁, 已觉得好surprised, 因為以前D服務員好活潑和好礼貌, 其後杯凍檸茶甜得滯, 叫個服務員拿剩茶, 但就寸我地打次要揀小甜, 我實在唔記得是否漏咗填, 但當時真心感覺個服務員太多野講, 費時鬧佢但心有不甘, 其實依度D野冇乜特別, 普普通通, 以後盡量唔去.…查看更多

屯門市中心其實都有好多餐廳，雖然入屯門比較遠，但係喺商場行街、食飯、睇戲，都可以消磨左一日，附近仲有donki同decathlon添！今次其實第一次食&tmR，因為時間尚早，好快就有位喇，環境幾舒服，唔會好迫。黑醋脆雞漢堡 ($45)呢個真係好好味，雞炸得好脆，但入面唔會乾，好juicy，配埋黑醋好味！唔係普通脆辣雞腿包可比。蒜辣海鮮意粉 ($73)蒜蓉包又係唔會太乾，意粉少少辣，對我來講岩岩好，食唔停口 (男朋友叫嘅特別好味)。煙肉酸忌廉焗薯 ($48)真係好耐冇食焗薯，都唔係度度有得食，煙肉配酸忌廉係冇得輸，熱騰騰嘅焗薯配酸忌廉，好滿足。下次一定會再來，因為可以一次食到唔同種類嘅野，又坐得舒服，價錢又唔貴。…查看更多

餐廳環境清潔乾淨，屬於插畫風Cafe•蒜辣海鮮意粉•意粉配上蒜蓉包，非常松脆。意粉軟硬適中，蒜香和辣汁配上意粉，真的越吃越想吃•芝士牛肉漢堡•漢堡牛肉厚身肉味香濃，咬下去很多肉汁且嫩滑，配上蕃茄洋蔥和半溶芝士，+12元配的薯條炸得非常香脆，驚喜！•跟餐任選餐湯🥣或者凱撒沙律🥙•凱撒沙律裡面的麵包很松脆，配上清甜的羅馬生菜和酸醬汁，好吃👍🏻還有凍菠蘿熱情果伯爵茶🍹和冰咖啡…查看更多

其實與太太都食左幾次，食物算不錯。但由於是近門口的開放式廚房，所以坐門口的枱可以睇到所有廚師料理食物。現今大家都剛經歷過三年疫情，應該個個都注重衛生。失望是個個男女廚師都不戴帽，又頭髮蓬鬆。見到有位男廚師仲不停拗頭髮，兩位女廚師留左兩條龍蝦鬚蘇喺面前，處理食物時龍蝦鬚直指食物，實在需要改善。…查看更多

屋企煮完飯，發現原來自己都唔夠飽，唯有搵個外賣平台叫下外賣啦，我自己又唔想食咁多，宜家又晚市事件。咁挑選之下唯有試試&TMR，睇上去都唔錯，即刻order左個煙肉酸忌廉焗薯，芝士牛肉漢堡，加個薯條。等左45分鐘左右終於有人送到啦，二話不說打開包裝，唔好講咩，外賣包裝得幾好幾密實，先試試個漢堡，個包皮送到上門都係鬆軟，唔係比漢堡汁整到軟晒黴曬，呢度包皮加一分，漢堡扒就算平平無奇，但係新鮮既蔬菜都算加一分，及格以上水平。跟住個煙肉忌廉焗薯，我覺得就mama地，因為好似無焗過咁，上面cheese 線條分明，煙肉用放大鏡睇先睇到，三種材料完全係味道分離。最後個薯條，打開袋之後數個薯條最香。聞上去刺激既辣味，但係開袋之後，味道係唔錯，但唔知道係咪因為密封得太好，全部已經軟晒，索晒水，呢個真係比個差評，但味道可能現場食會好ok…查看更多

情人節食就一定係食西餐，呢個傳統係不可缺少，但係很多餐廳就情人節而將餐牌加價，令本來便宜食物變得昂貴，呢個行為十分不要得。每次經過都會見到二人套餐的性價比十分高，而情人節都不會額外加價。…查看更多

情人節當日😮‍💨😮‍💨😮‍💨男朋友帶我去左食意粉，其實比想像中好味，個沙律同薯蓉價錢都比較抵食，而且有兩人套餐我覺得幾好，野食唔算太差！間唔中食一之都可以嘅！…查看更多

Weekend 下晝3-4點時間，見未食過黎試下。 搵個位坐低，職員黎俾左個menu就行開左Scan QR code 落單加電子埋單，係方便嘅👍🏻叫左一份焗薯，一心想食到個熱辣辣嘅焗薯。黎到個薯仔微暖，上面d sour cream, 芝士, 煙肉凍嘅。🫠 All day breakfast + americano 呢d無得難食嘅就正常發揮咁啦。我平時食野都是旦就其，唔難食飽肚就算心諗唔使點煮嘅野，難食極都有限，今次真係超出我想像。…查看更多

好耐無入屯門，行街行到攰見到呢間嘅menu幾抵就入咗去食～因為唔太肚餓就同friend share😙👉🏻All Day Breakfast - &You早餐🥞 $78 (🥐🥐🥐🥐/5）平時喺出面cafe閒閒地都起碼$100，難得呢度唔加一又抵食😽有慕尼黑腸🌭大蘑菇🍄煙肉🥓炒蛋🍳熱香餅🥞牛油果醬🥑芝麻菜蘋果沙律🥗食落無咁heavy又fresh～👉🏻粟米墨西哥薄餅🌯 $55 (🥐🥐🥐🥐🥐/5)味道balance得好好👍🏻仲有芝士拉絲🧀有機會嚟屯門一定會再食☺️…查看更多

第一次食飯食到咁沈默……焗薯凍嘅，全檯得肉醬薯條係擺得落口🙏🏻意粉嘅腸仔超級無敵難食，兩杯嘢飲都係得過且過，二百幾蚊食呢啲真係唔知講乜好🙏🏻寧願去中環爬山求其入間都抵過呢間…查看更多

🥢煙肉酸忌廉焗薯 ($48)食之前，想像係熱食嘅，點知黎到，我諗係個酸忌廉太凍啦，加上太Cream，成件事太唔Match，同埋啲煙肉好細粒，極少，啲芝士又唔係溶埋落個焗薯到，成個焗薯好奇怪咁，絕對唔會有下次🥢卡邦尼意粉+薯條 ($69+$12)原本對個焗薯好失望，所以都唔敢對其他野有期望，點知個意粉好唔同，啲汁好Creamy，意粉嘅煙肉比焗薯嘅煙肉大塊好多，份量都多好多(唔通攞晒黎整意粉，所以整焗薯嘅時候就冇乜煙肉淨🤭)，雖然意粉面到啲芝士都冇溶，但我都仲可以用意粉嘅熱去整溶啲芝士嘛，我欣賞呢個意粉唔會太咸至於個蒜蓉包，都唔錯，因為我唔鍾意過多蒜蓉，我覺得呢個嘅蒜係適中嘅，係因為用法包整，所以會偏硬啲姐加12蚊就有埋個薯條，咁就當然要試啦，揀左唔辣嘅薯條，非常好味，又夠脆，係好咸姐🥢炸魷魚圈 ($42)我唔知係咪因為食完個薯條好咸，所以搞到食個炸魷魚圈就好似冇乜味咁，定佢本身真係濃味，係要靠點個醬，但Sorry，個似麥記魚柳包個層醬，所以我唔鍾意🥢熱朱古力 (+$18)個朱古力跟餐加18蚊先有得飲，夜晚又唔想飲咖啡，就唯有試熱朱古力，唔會好濃朱古力味，反而飲到好重好厚嘅奶味，絕對唔值得18蚊飲呢間餐廳，我諗我只會為個卡邦尼意粉同薯條而回頭，其他野食就絕對冇第二次…查看更多

時間過得太快，不知不覺 已經到午餐🥣周圍逛逛，路過這間 「 &tmR 」環境不錯啊！粉藍色、木 枱 椅，地方夠大，坐得舒服啲餐牌： set menu 奉送咖啡/奶茶/汽水 …焗薯、漢堡包、沙律、意大利 等等，或者散叫芝士牛肉漢堡 賣相好得意，烘烘迷你小型包 夾住大大片厚番茄，清新健康 一片芝士，厚厚牛肉，夠juicy, 爽脆生菜，口感豐富😋來杯熱飲：杧果 茘枝菠蘿🍍烏龍茶yeah😊 烏龍茶包，茘枝肉，大片菠蘿檸檬🍋杧果肉， 味道唔錯…查看更多

見佢新開，打算試下新野，點知一試就中曬伏叫左個&you全日早餐，啲牛油果醬食落有陣垃圾味，個沙律菜苦到乜咁 ，塊熱香餅陣粉味好重，口感好似未熟咁再叫左個煙肉酸忌廉焗薯蓉，一拎到過黎，成碟野好似無焗過，啲酸忌廉係凍既，舊薯仔係暖既，啲芝士係就咁一條條放上面，煙肉得個幾粒仔加$12要左個粟米湯，好似bb仔食既米糊，完全無味，連粟米原粒都見唔到，份量仲要得細半碗，加$12比啲咁既野我食？跟住叫左個日式咖喱炸海鮮鮮姑糙米飯，啲炸魚柳炸得太乾，慘過大家樂早餐啲吉列魚柳到野飲方面，叫左兩杯果茶（菠蘿熱情果烏龍茶、芒果荔枝菠蘿烏龍茶）係無味既，同飲水無分別，只係有啲生果比你食下最後有位女侍應既態度真係好差，放低完食物同野飲後都冇講係啲乜黎，個樣好似死老竇咁綜合而言，價錢又貴，又比唔到相應價錢嘅質素，你叫我仲點去呢間嘢度食各位想食呢間嘢嘅請睇路，三思而後行啊…查看更多

同屋企人行街行到攰，行過見到環境好舒服，就決定食個tea，飲杯野🫶🏻🫶🏻個焗薯好食👍🏻 係我同朋友都大讚野飲我地叫左杯mocha 同朱古力 ， 都係水準之作另外，staff 都值得一讚👍🏻 服務態度好好…查看更多