Tivoli 意大利餐廳

营业中

休息中

經常行過呢間餐廳，都俾佢嘅裝修吸引住，門口亦有寫咗每日嘅精美午餐，都有好多選擇，價錢亦好吸引。餐湯今日叫咗羅宋湯，味道係我最鍾意嘅，什菜加牛肉熬湯，冇得輸。真係想入厨房問吓廚師係點樣熬嘅。主菜叫咗煎雞扒蒜蓉汁配白飯(亦都可以轉意粉或者薯菜），雞皮嗰邊煎到香脆可口，雞肉嫩滑，加上鹹度適中嘅蒜蓉汁，非常之開胃。餐茶叫咗凍檸茶，亦都冇令我失望。3度菜嘅午餐埋單盛惠$66，已經連埋加一。茶餐廳嘅價但餐廳級嘅享受，值得每日幫襯！

星期四，無準備吓就walk in嚟咗，第一次嚟，係著西裝做西餐嘅老待應真係好少有。晚上未夠6半就坐低，當時得4枱咁大把一坐低就叫咗dinner set$168燒牛柳同$228芝士雞加garlic bread。Mushroom soup有粒粒mushroom，有口感，係差啲菇味，下次試龍蝦湯，見啲熟客仔必叫Garlic bread抵食，$30🤭平過pizza hut，又新鮮熱辣Main course，牛5成同雞都好嫩好淋，份量好似少但夠飽埋單先知7半前走，牛柳減50蚊，$118😆平過正過花園餐廳（無得比😂）走時開始多人，10幾枱客，祝生意興隆!

今天去佐敦Tivoli意大利餐廳吃lunch, 叫了全場最平的豬扒洋蔥汁意粉，只需要$60。豬扒好大件，都很軟嫩，而且有兩件，麵包都有兩件，意粉軟硬度適中，都幾抵食。餐廳的氣氛好好，老派得來又有情調，服務態度良好。

昨晚同屋企人行完佐敦間永安，諗住近近地就決定去《Tivoli》啦，上次係星期五見到餐廳full晒，昨晚係閒日把心一橫行入餐廳問吓有冇位，幸運地無訂座都有位，被安排坐近收銀附近，店內環境好古色古香，充滿意大利風味🇮🇹，小妹覺得有啲似去左哈利波特既餐館；主餐牌亦沿用意大利國旗做封面，甜品餐牌上更使用意大利文作介紹，別有特色。我哋特登嚟到，決定order啲特別嘅美食，眼見每枱都必定叫燒牛柳晚餐，於是乎叫左一份試吓😋另外仲叫左 PIZZA ALLA "TIVOLI"公司薄餅、海鮮寬條麵，等過馬路時聞到好香蒜蓉包味，迫不及待叫左一客，小妹爸更要多枝意大利啤酒PERONI🍻添❣️▫️燒牛柳晚餐🔸🔸餐湯～紅菜頭甘筍忌廉湯好香紅菜頭既香味，飲落仲有粒粒甘筍肉，小妹本身幾喜歡紅菜頭，覺得呢碗湯好正😊好好飲❤️🔸🔸燒牛柳配薯菜牛柳要左七成熟，肉質嫩嫩，配搭嘅番茄🍅紫椰菜都鮮甜，一球薯茸係牛油焗薯薯茸，每啖都有粒粒薯仔粒，有口感得來又滑及好香牛油味💛▫️蒜蓉包香脆可口，太好食🤤超級推薦丫❣️▫️ 海鮮寬條麵好香嘅蝦汁似用了蝦膏，配料有魷魚、青口、蝦仁、魚柳、洋蔥&蕃茄，可惜麵質遜色易斷，汁醬太稀唔掛碟，如果醬汁結身少少

Tivoli 意大利餐廳由70年代開業，餐廳裝潢、一枱一櫈都保留咗當年嘅面貌，例如一張張竹藤嘅椅子、湖水綠色的百葉鏡窗、天光掛滿椰子同植物，餐廳嘅一磚一瓦都充滿著田園、莊園嘅氣息。.✨ 環境喺傳統老牌餐廳，都有老派嘅情調，依道每桌都會點紅爉燭🕯️係薄暗嘅燈光下，享受「燭光晚餐」😳.✨ 二人套餐 $628餐廳有一人套餐、二人套餐，亦有A La Carte 單點散嗌嘅Menu，今次就揀咗二人套餐 $628，有齊🥗前菜沙律、🫕餐湯、🧆主食、🍝意粉、🥤飲品！.🥗 芒果煙鴨胸沙津前菜沙律十分豐富，又有鴨胸（4塊）、沙津菜、生果粒等等。.🫕 龍蝦湯龍蝦湯湯頭香味撲鼻而來🤤湯面上有少少忌廉拉花，而且仲有好多龍蝦碎肉粒🍤飲落口感不錯，味道濃郁但唔會過鹹☺️.🥩 芥末牛柳芥末牛柳賣相、擺碟十分靚仔😍肉質厚身，入口軟嫩唔韌，蘸埋芥末醬，牛味就更濃香👍🏻.🍝 海鮮焗茄子配尖通粉雖然賣相普通，但大蝦份量都幾多🍤而且配埋芝士有少少拉絲，份量足料，兩個人食真係足夠😋.⭐整體︰8.0/10⭐食物︰7.5/10⭐環境︰9.0/10⭐價錢︰8.0/10

一間歷史悠久，已經開業44年，並不十分顯眼的意大利餐廳。比起當下許多只標榜高級價錢及環境的西餐廳 ，我更覺得這間相當不錯。古色古香的Tivoli令人懷念八，九十年代的味道。在傳統的老牌餐廳漸成絕響，當然算不上高檔fine dining, 但交足功課保持水準，不浮誇。晚上來的時候，餐廳環境不錯，很舒適，很有外國feel, 每桌會點蠟燭，燈光會調暗，十分有情調，想真正享受燭光晚餐，這裏值得一去。地方大，晚上人流不多，真係可以談心，非常有情懷的一家餐廳。食物方面，份量大，足料，抵食夾大件，價格相宜，而且味道好，當然水準亦高，蠋光下的晚餐，食物也特別覺得美味，食氣氛、歴史和人情味，這間出乎意料的有驚喜，價值公道，歷史悠久服務好。

餐廳主打蠟燭昏暗情調及滿滿人情味的幽默員工💕$138鮮果雜菜沙律水果種類繁多，顏色鮮艷，意想不到的是有金奇異果及手指提子，可惜雜菜份量少得可憐。$148 法式焗田螺一共半打，有足夠蒜味味道不過不失，墊碟的薯蓉重牛油香亦脆口挺出色。$168 燒牛柳 餐湯 麵包 餐飲是日最出色是套餐，店員相當體貼，見我們三人只叫一份套餐，亦跟足三片麵包及三件牛柳。燒牛柳份量十分，而配搭伴碟的紫椰菜及薯仔清新可口。$208海鮮薄餅薄餅的海鮮魷魚及大蝦的份量十足，啖啖配料。$208火焰雪山是日與朋友慶祝生日，故此點了火焰雪山增添氣氛，兩款甜品味道上是可一不可再。$70提拉米蘇

黑椒牛扒配意粉給人的第一印象就是那香氣四溢的黑椒味道。牛扒經過烹調後保持著肉質的嫩滑，咬下去時散發出濃郁的牛肉香氣，與黑椒的辛辣味道交織在一起，讓人胃口大開。意粉質地軟嫩，入口即化，與牛扒的口感形成了對比。意粉上淋上一層濃郁的黑椒汁，讓整道菜的味道更加豐富。此外，意粉還可以吸收牛扒上的肉汁，增添了額外的美味。

喺佐敦做完Facial，行吓搵餐廳食個lunch再繼續行程，路過呢間門面幾有特色又懷舊嘅意大利餐廳，唔使等位於是入去試吓。餐廳室內環境幾有氣氛，好古色古香好懷舊嘅意大利西式餐廳，餐廳入邊都有一大部份係外國人，老牌員工都好有禮貌同好熱情，餐廳都唔會好嘈，坐得好舒適。我叫咗個lunch set，有兩件牛油麵包，麵包幾好食，有兩粒好靚嘅唧花牛油，仲有一碗餐湯，我揀咗羅宋湯，主食就揀咗肉醬意粉，意粉唔錯，好多肉醬，而且都大碟，份量豐富，lunch仲包咗一杯冷熱飲品。

Tivoli   一間老牌意大利餐廳, 多年前我經常同外國客人到此吃西餐, 因為近尖沙咀酒店.   由於移民去外國一段時間已少有到訪.   柯士甸道比較寧靜, 也是我們喜歡的街道.餐廳保留一股意式風情,   傳統裝潢 , 濃厚人情味. 餐廳部長穿著西裝接待客人,  帶著良好服務態度, 令人有賓至如歸感覺.  餐廳保持一貫氣氛, 入座後每檯都會點上紅爉燭, 星星小火, 為每位客人帶來燃點亮光. 店員送上 menu, 暖水及一籃子蒜蓉餐包,  熱熱的外脆內軟. 意大利餐廳, 我們必點 意大利什菜湯  Minestrone , 很足料,  意大利正宗什菜湯, 酸酸地, 味道恰好. 周打魚湯 Bermuda Fish Chowder夠熱, 味鮮甜, 濃稠適中, 口感好滑.法式田螺 ~ 田螺肉嫩滑, 加上牛油及蒜味, 焗得香氣撲鼻, 大家一見立即想食.下面還有香滑薯蓉, 越食越愛.白酒煮青口 Muscolie Pomodoro ~ 青口鮮美肉嫩, 味道十足, 有蒜香及茄汁味濃, 好肉好食. 芝士火腿焗意式通粉 ~ 芝士味香濃, 通粉口感好. 七打牛柳 (兩位用) Chateaubriand Gr

🍝 餐廳名稱：Tivoli📍 地點：佐敦👍 氛圍：裝潢懷舊，田園風格，有氣氛💰 性價比：中🍴 食物：份量頗大，味道普通，茶餐廳白汁級數💁‍♂️ 服務：侍應哥哥風趣👉 是日餐點：Lunch Set x2 焗肉醬意大利粉，焗吞拿魚意大利粉連是日餐湯、蒜蓉包及飲品👀 評價：這間港式意大利餐廳的風格懷舊，到處都是舊式紅酒櫃，但食物卻茶餐廳級數。前菜先來個乾爭爭餐包，但配上尚算足料的餐湯。主菜味道一般，但份量挺大。焗吞拿魚意粉：意粉同醬汁味道不搭，所以我只吃了上面的吞拿魚和芝士。焗肉醬意粉：友人吃得不多，我也不細問了。侍應叔叔問為何吃那麼少？我笑說女仔要減肥。今天的午餐真的強差人意，但場內看似有不少回頭客。找個機會再試試晚餐吧。

最近好想食扒，比我搵到呢間位於TST幾有歷史嘅意大利餐廳，睇埋食評，發現九成客人都會食牛柳，而且評價唔差，平平地就決定試下佢😏。晚市套餐選擇唔多，只有三款，當中最多人推介、價錢最抵就係燒牛柳晚餐 $168餐湯係忌廉湯，菇蓉唔多，所以菇味唔算好濃；質地較稀，而且食到未攪勻嘅麵粉粒。餐包凍嘅，唔好味。牛柳一份有3塊，而且仲要有少少厚度，性價比幾高。我地叫左五成熟，唔會出血水，剛剛好；肉質軟淋、有肉汁，不過牛味偏弱。旁邊嘅薯球內有大粒薯仔、牛油味幾濃、不過撈得唔太均勻。個人幾中意紫椰菜呢款配菜，餐廳加左煙肉一齊炒，食落好有鹹香。難得嚟到一間咁有歷史嘅意大利餐廳，當然想試D特別D嘅食物啦，點左個銀魚柳薄餅 $168就咁睇會以為係普通茄醬PIZZA，完全見唔到魚柳蹤跡🤔，原來魚柳已經拆到好碎。其實係意大利鹹魚，食落唔會有魚味、亦無腥味，只係多左一份鹹香；加上蕃茄醬偏酸，所似成個PIZZA食落又鹹又酸。本身以為意大利PIZZA餅底係好薄好脆果D，但呢度餅低有少少厚度，口感偏實、唔鬆軟、亦唔脆。星期五晚上8點嚟到，人流唔多，唔駛等位，應該坐幾耐都得。另外，餐廳幾有氣氛，入座後會點爉燭，職員亦幾主動，

約咗朋友三人行食飯，其中一個話想食意大利菜尖沙咀山林道附近搵到呢間意大利菜，之前經過嘅時候見到門口寫住七點半前結帳離座燒牛柳晚餐有$108優惠，仲有餐湯同餐包！今次約咗7:00食飯， 享受唔到呢個優惠不過就體驗咗一次好好嘅用餐體驗因為提前book位，一去到職員已經安排位置三人可以坐一張四人枱，但職員話今日Booking唔多安排咗個坐得鬆動啲嘅位置俾我哋，點埋蠟燭之後成個氣氛感🔼🔼🔼三人share，我哋決定試三種唔同嘅主菜同行朋友話呢度嘅蒜蓉包真係好出色，所以我哋叫咗一份$38/6-7件，價錢好實惠！每個包都係外脆內軟，咬落去好香嘅蒜蓉味而且上枱嘅時候熱辣辣，作為前菜真係非常之適合唯一少少美中不足就係蒜蓉包唔係太夠燶不過已經非常之香口，同送嘅牛油餐包比較雖然都係同一種麵包，但係食落去感覺實在爭太遠強烈建議一定要試！👍🏻👍🏻👍🏻朋友叫咗個Pizza，餅底夠薄，但係脆口芝士嘅份量夠厚實，咬落去好滿足！蕃茄仔偏甜，可以中和返芝士意大利餐廳嘅薄餅來講算係不過不失，唔算10分有驚喜，不過都可以接受黑椒牛柳，好味！牛扒做到三成熟，咬落去好有牛味黑椒汁都OK，我最鍾意係薯仔配菜咬落去有一粒粒嘅薯仔口感

每出次經過都陰陰暗暗冷冰冰實情入面環境食物同人性化侍應暖粒粒大食仔推介😋酥皮忌廉湯買少見少焗到有酥香嘅外皮，篤落湯，掛滿濃厚忌廉湯😊 係小時候嘅味道其他湯都可以飲 全部都好好飲 白汁系嘅夠味道七打牛柳嫰 淋 無補充😂 五成熟岩岩好法式田螺好食嘅係下面有薯仔味嘅香幼薯蓉 （你知啦 宜家食物要有食物本味係難事）傳統Pizza 沒有菠蘿的😂😂😂環境好舒服月坐係到幾個朋友食住好野 慢慢傾一晚嘅首選#異世界生活的大食仔

經常經過呢間餐廳，今日寫post先知餐廳中文名咁直接簡單— 意大利餐廳 。weekend lunch menu 焗肉醬意大利粉$75- 份量多，夠老公同仔share。芝士又夠多👍🏻乾果雜菜沙律$85- 沙律菜用上本地水耕菜，新鮮爽脆。乾果種類多，有提子、雜苺、無花果。驚喜在其實唔止乾果，仲有藍苺、士多啤梨、檻欖。沙律有3款選擇，鮮果沙律配千島汁，乾果沙律配醋油汁，鴨胸沙律配caesar salad汁仲有煙肉添。我本來想要鮮果沙律配醋油汁，不過侍應話唔可以自選醬汁🥲咁揀乾果沙律啦。個醋油針仲mix 左香草蓉，又唔會太酸嗆鼻👍🏻性價比⭐️⭐️⭐️⭐️⭐️⭐️真係要比多粒星，$100有找仲要有餐湯和餐飲👍🏻👍🏻👍🏻