Three Bros Chicken Pocha

這間由韓國人主持的合作餐廳，平時吃開的都是晚上的的韓國燒肉。剛剛發現佢哋開始提供午餐！就同朋友去試一試。我就吃咗個韓式海鮮湯腩麵 🍜 材料新鮮豐富，大大碗兼韓國式大辣（辣度可以以個人嘅喜愛調整）。我最喜愛韓式嘅湯麵充滿蔬菜及大量喂海鮮非常好吃 。另外我朋友吃咗個韓式炸醬海鮮麵。充足嘅韓式炸醬滿滿沾上每一條麵條。非常滿足。最後加咗個小食餃子，新鮮煎起，可口小吃！…查看更多

阿仔請我食生日飯，2個心有靈犀咁選擇咗哩間餐廳，由我book位！我早咗到目測當時連埋我有3枱客，店員感覺似一家人，一個男士一個女士加一個後生仔，我叫咗個生米酒飲，睇餐牌係一支支嘅，上枱嗰下有啲驚訝竟然係一鍋/盤加2隻碗兜（類似飲啤酒咁嘅戰鬥碗），第一啖飲落口覺得好清淡，冇乜酒味唔甜，其實我唔太鍾意飲/食甜野，如果酒味再濃番啲更好！等到阿仔到由阿仔發板叫咗個套餐F加多個泡菜煎餅，套餐包咗牛，豬，生菜同大醬湯！個湯唔錯阿仔都話好飲，但個泡菜煎餅就煎得唔太香口，皮唔脆，阿仔話唔同喺韓國食過嘅感覺，哩到服務很周到，唔駛自己燒，有店員幫忙，我哋可以傾計，第一輪燒咗2件豬，食咗之後老闆娘幫忙燒牛，老闆娘問要唔要分開燒，我話俾老闆娘知我濕診唔食得牛，得阿仔食一次過燒就好，之後老闆娘再嚟燒豬腩嘅時候，主動幫忙換咗個燒烤架，因為牛嘅汁留咗燒架上，這個服務太窩心了！其實我有偷食一小件牛，點知冇耐真係痕癢，真係唔可以為食！總括嚟講唔錯！下次可以同班朋友嚟暢像！…查看更多

🫓泡菜煎餅韓國大叔主理果然大韓國既味道，味道較重，事關有好足料既泡菜。選用既泡菜酸為主，唔食辣都可以放心叫。🍖芝士烤排骨排骨份量好夠，兩個人真係食唔晒，叫既時候真係要三思。味道方面比我想像中淡，好處係唔會搶左芝士既味，但後期芝士凝固咗，淨係食就好似唔係好夠味。所以建議上枱就即刻食！🍲 米腸湯首先本人好鍾意食米腸，第一次喺香港見到有米腸湯。米腸同喺韓國食過嘅有少少唔同，而且浸個湯嗰個內臟嘅味道冇咁重。加上佢個湯超好飲，所以對我嚟講整體好高分！建議食米腸嘅要試。🍜炸醬麵可惜嘅係炸醬，感覺上比想像中好唔同，無論係個樣同埋味道都唔係我記憶中嘅炸醬麵。除此之外，味道唔算出眾，所以唔好抱太大期望。…查看更多

之前食過幾次，食品質素叫做OK但係性價比不高，不過勝在佢唔會趕客，冇時限，所以今次係第三次去食，純粹係搵地方聚一聚食一個飯，四個人叫咗兩個餐，加埋啤加3支啤酒，埋單1200百幾， 之前嚟食都係自己動手燒，今次見到有人幫手燒好晒亦都幾好食，不過食得好趕，食完啲嘢食韓國嗰啲腌菜都冇乜點加俾我哋，但係我哋仲有啲酒未飲晒，咁咪齋飲酒，喺度傾吓偈囉，點知佢哋走來叫我哋埋單，我當時話俾佢知我仲有杯酒未飲完佢都唔理叫我哋埋單，環顧四周其他枱都冇呢個待遇，唯一嘅分別就係我哋全女班。溫馨提示大家如果要再去食嘅時候，最好唔好一次過叫晒所有嘅食物，慢慢一個一個點，最好有男士一齊去。…查看更多

今日係老母親生日，見佢咁鍾意食韓國嘢，就喺荃灣揀咗一間唔係開咗好耐嘅俾佢試吓。韓式炸雞：我哋叫咗原味炸雞同埋醬油炸雞。原味炸雞就正正常常，反而係個醬油炸雞有啲驚喜。醬油炸雞炸得比較嫩滑，而且比較入味。最好嘅係可以半隻半隻咁叫，咁就可以試多啲唔同嘅味道喇蛋捲:呢個係我哋今晚食咁多味餸入邊最好食嘅一個。入邊啲蛋黃汁勁Juicy，再加埋啲芝士簡直一流。韓式炒年糕：炒年糕炒得勁煙靭，入邊仲有啲椰菜同埋魚糕。辣得來勁過癮，好好味。芝士排骨：呢個唔止食得，仲玩得。要趁熱將啲芝士卷落個排骨度。一啖咬落去勁香芝士味。排骨都唔會話太乾。加上佢本身辣辣地好入味。by the way ，值得一提係店主服務好好，見我哋啲小菜食晒都主動幫我哋添加。我仲見到佢哋會幫客人燒埋啲嘢食添。…查看更多

服務態度非常好，食物非常新鮮,大量免費小食不停增加增加, 完全沒有趕客需要早收工，如果香港可以有更多這類型的餐廳對香港經濟一定會有幫助真正做到夜繽紛，老細不會因為已經超過十點催促埋單…查看更多

係三坡坊個到 都幾難搵真韓國人開嘅 入面d侍應都識講廣東話有套餐亦有得散叫 一坐低就有好豐富嘅前菜烤鰻魚 ($時價)我個陣食好似大約$300幾蚊黎到有三大塊so surprise 😱仲要勁肥美 佢哋會專人幫我哋燒佢哋好清楚燒幾耐先熟 仲唔比我哋掂😂有個姐姐幫我哋燒開 比另一個男侍應反左d鰻魚即刻鬧佢😂話佢咁早反d肉就會散哂燒完真係好香好多油脂 入口即化🤤勁好食 雖然卡路里爆標🤣 但值得！烤五花肉 ($268)燒五花肉即刻遜色左😂 有4塊仲配咗啲蔬菜 食晒啲鰻魚已經好飽五花肉脂肪比肉多 如果鍾意食燒脂肪就會覺得好正我就prefer多番少少瘦肉😂炸醬麵 ($68)純粹嗰刻好想食炸醬麵 不過麻麻哋印象中炸醬麵好似唔係咁嘅味同埋個面係類似烏冬咁 個醬都好一般可以唔使叫😌整體嚟講 燒鰻魚必試啊！！！…查看更多

女兒一直想吃生醃，難得到荃灣試了醬油蟹，讓她大大滿足😋；韓式炸雞現炸得外酥內嫩也十分美味、配韓國啤酒超搭，另外炸醬麵則是不過不失，可惜兩人吃不下其他，下次還要再試烤肉！…查看更多

一早卜左25/12 18:45 點知當日18:00睇 比餐廳取消左 致電去問 點知佢話取消左 餐廳滿座 咁我問我一早卜左 點解無位吾打返比個客 佢地話取消既吾會通知返個客 咁樣做生意都好 你係吾接客 就吾好開放比心卜台啦，重要態度勁差囉 聽電話個女人 重要好串話 吾會通知你取消左 我明大時大節係忙啲 會有甩漏 但人地一早卜左台 你地係無位 都好應該通知返人呀 如果吾係自己入黎睇 都吾知比你地取消左啦 對話中重要係咁兜 真心覺得你地可以再好啲囉 差評…查看更多

自從搬入荃灣後便不斷尋覓特色餐廳云云之中最吸引我回頭+寫食評的多數是：1️⃣靠口碑多過宣傳2️⃣價錢貼地性價比高3️⃣服務親民4️⃣重中之重係質素每次都keep到，每次都會講得出好食呢間真係全港頭3位我最愛嘅韓國餐廳韓國藉oppa老闆每天都坐陣，由前枱至後廚都會親力親為🆒其他所有同事都一樣好親切，有求必應好似我咁帶埋個囡過嚟食韓燒其實真係未必每間餐廳都入得然而呢間係我見過咁多間入面最令我觸動，又對小朋友好照顧周到🥺非常之包容有愛講番嘢食So far未食過有一款係伏每款都高質而且會全程幫手烤埋唔洗驚自己烤得過燶/唔夠熟（好似我咁有時烤到過火唔好食好灰）五花肉同牛勁好食多汁、醃料入味Highlight:配菜勁大方!對於我呢種鐘意食韓國前菜嘅人係勁加分！唔洗怕食得少少唔夠喉因為佢地會自動幫你加唔會令客人感到唔好意思泡菜湯都好好味睇Itaewon Class迷上咗泡菜豆腐湯去到邊都以呢個菜式為標準🤪做得好基本上其他都會唔錯🤣仲有一款都係出奇地好食嘅呢度嘅炸雞！一定要試！比起出面連鎖炸雞店呢度價錢非常合理+入口非常嫩滑而外層脆皮勁juicy🥰🥰🥰環境方面走地道路線唔係華麗打卡裝潢嗰類但對我嚟講仲好😌價錢抵啲有室內外選擇會預足夠空間俾客人呢間餐廳我已回頭食第4次會繼續成為韓式餐廳pocket list💓💓💓…查看更多

上星期五訂咗星期六嘅枱，星期六下午佢打咗一次(只有一次，又冇留言)俾我，係confirm booking嘅(我第一次訂𠵱間餐廳，之前一次都冇去過，完全冇留意佢電話號碼)，但我當時講緊電話，又見係陌生電話打嚟，所以冇聽到。基本陌生電話我係唔會主動打返去，又唔見有留言，所以冇理會。點知，再睇返訂枱記錄就被餐廳取消咗。我先打去餐廳問。佢哋職員話打幾次電話俾我都冇聽都取消。我話吓？我來電記錄你哋都係打過一次俾我，咩叫打幾次？留言都冇個。個主管先講唔好意思，係佢哋冇做好…我想講，你哋忙唔係問題，打嚟冇人聽，可以留言可以限時間等人覆，過時唔覆先取消/連打兩次都冇人聽，咁人哋都會知要覆返你啊。只打一個電話嚟，唔聽就取消。唔係所有人都要等24小時on call等你電話㗎。我訂咁多次枱，confirm booking電話都聽過唔少，都冇試過咁……查看更多

3個女人一個墟...今日3缺1既情況...天氣又唔太穩定...本身約左係TST食韓燒既我地臨時轉陣返黎荃灣食...Three Bro Chicken Pocha本人已經食過好幾次...今次就帶2個姊妹黎食...我地叫左個3人set...入面包左200g牛板腱,1pc調味牛排骨.250g烤五花同大醬湯~我地仲另外叫多左個芝士辣炒年糕同馬格利酒...是夜我地志在聚下吹下水咁食飯...所以叫既野食唔多...可能係平日既關係...當晚客人唔多...老闆都好樂於服務我地..幫我地燒D肉~仲教我地要點樣配搭泡菜同醬汁黎食~食左咁多次都keep到水準實在係好難得~!而且老闆們同員工又有禮貌!…查看更多

同事住荃灣介紹食韓燒，今日臨時有機會可以去試下。所以無預約，就直接撞彩過去睇下有冇得walk-in ，好彩今日都算早過去，有位食(當然係預先book左會比較好嘅)同事上次食set已經覺得好好，又推薦炸雞，我今日都照辦叫左個SET E，再加左半隻香蔥炸雞，一隻醬油蟹。餐湯揀咗大醬湯，唔咸好鮮，多料，夠我哋兩個人每人兩碗。無論係牛肉定係五花腩肉質都好好，新鮮有牛味，五花腩唔厚唔薄，但有咬口，點醬夾蒜用生菜包住食好正。不過無豬皮叫差左少少野，但發現老闆幫我哋燒五花腩嘅時候，將豬皮同肉剪開，變條狀豬皮，算係有得食啦配菜同小食都有成五六小碟，另外韓燒生菜唔洗問都係免費fill。醬油蟹係我必點，係我喺香港食過最肥嘅一隻，膏量就普通啦，但好好肉，味道都唔錯，無腥味，今日無人同我爭，一個人食咗一隻，而且仲免費跟左一大碗紫菜飯，俾我撈蟹膏食(食咗先醒起無影相）。全程我哋就掛住食，店員同老闆都好好，幫我哋燒肉，分湯俾我哋，我哋都無郁過手(可能係因為時間早，客比較少，所以照顧到，又或者係見我哋唔識）韓燒嚟講，算係好抵食，食到飽，炸雞食唔晒要打包走…查看更多

睇過上網介紹話不得不試，所以就入黎荃灣試一試～首先要讚無論職員老細都好有禮，我地一早睇左想食咩，去到叫左醬油蟹（無得去旅行嘛）原味炸雞，醃醬辣味炸雞、同豆腐海鮮鍋～先係醬油蟹鮮味有膏，配佢嘅紫菜飯真係飯都食多左炸雞嫩滑，不過覺得原味真係無乜味～醃醬辣味個款就唔算辣～～如果有辣味但唔係醬嘅款就好最後海鮮鍋有驚喜好惹味！黎嘅食客都食得好開心，一路同老闆娘傾計一路食，佢地重會親自幫手燒肉添～有機會再黎睇下…查看更多

香港都有多食韓國菜嘅餐廳食韓國菜 可能大家都會諗起尖沙咀自己食過韓國街幾多間味道都好似差不多😗呢日去荃灣食飯朋友就推介左呢間韓國嘢位於三陂坊 比較偏僻啲正正喺大排檔隔離😳見咁啱有位就一於試吓由正宗韓國老闆主理見老闆一路同廚師用韓文溝通成件事好韓國🤣🇰🇷當日都見到幾多韓國人幫襯！呢度主打食韓國燒肉🥩聽講老闆仲會親自幫手燒亦有好多其他韓式料理😍香蔥炸雞（半隻）本身對個炸雞都冇乜期待感但係！好有驚喜！😳首先份量真係好足🤩半隻起碼有6-7件有雞鎚、雞翼、雞身位唔係啲碎濕濕雞骨位香蔥炸雞嘅調味唔會好重就係原味炸雞加醬油 面頭加蔥炸雞新鮮熱辣炸起咬落個皮好脆！炸漿唔會太厚🥹驚喜地裡面啲肉仲有肉汁一啲都唔乾 超嫩滑！！🤤真係好好食😻推介❣️醃醬辣味炸雞次次去食韓式炸雞必選嘅甜辣🌶半隻份量同樣都有6-7件！炸雞即使淋咗甜辣醬都依然保持咁香脆😍！甜辣味唔算辣 甜味就出啲不過食落好惹味！雞肉都係好Juicy🤤肉質嫩滑 一啲都唔嚡～對比起香蔥炸雞個人會鍾意呢款甜辣味泡菜煎餅泡菜煎餅又係好大份真係好似成個Pizza咁🍕煎到底面都微焦帶脆應該落咗唔少泡菜好濃泡菜味 酸辣味道薄薄地食落都唔錯😻海鮮嫩豆腐湯有冇人同我一樣食韓國菜一定要叫個湯飲🤣it’s me🫡估唔到個豆腐湯都落足料！蝦、蜆、青口、翠玉瓜、豆腐、蛋每一羹都係料！個湯味道偏辣不過熱辣辣飲落去又幾正！配飯一流🍚-外表平平無奇嘅韓國菜估唔到有返啲水準😳超推介炸雞！其他韓式料理都唔錯而且價錢唔算太貴同份量好足！下次經過會encore🤩…查看更多