The Salted Pig (新城市廣場一期)

营业中

休息中

老公生日飯系列之家人篇，老公生日月。二人慶祝夠浪漫，一家人慶祝都好開心。我哋係奶奶屋企附近新城市廣場一間西餐興祝。📍沙田 The salted pig我地食左：🍴慢煮醬燒豬肋骨💰288慢煮豬肋骨，肉質好嫩滑，多汁。醬燒汁酸甜惹味，愈食愈開胃。薯條🍟好脆口，粟米煎過，邊有小小燶，好惹味。🍴雞肉忌廉青醬貓耳朵 💰178貓耳朵既青醬汁做得好好，面頭雞肉唔鞋，芝士粉令雞肉好香。我哋另外叫左個set:🍴前菜：肉丸有3粒，以番薯醬做調味，面頭鋪滿左芝士，肉丸彈牙。🍴大蝦意大利飯💰228面頭兩隻亮蝦煎過好大隻，肉質彈牙。下面有2隻蒜香大蝦🍤意大利飯好綿滑。Ice cream :係忌廉味，正正常常。✨✨✨✨✨✨✨✨✨💰100蚊切蛋糕服務費。總結：The slated pig 🐷 整體食物質素中上，價錢合理，店員服務好。10分滿分味道：8/10環境：8/10價格：8/104人總數💰873（已加一）218.25#hkfoodieblogger #hkblogger#chansfoodie.hk#hkrestaurants#hongkong🇭🇰 #hongkongfood #hongkonglocalfoo

餐廳位於新城市7樓，沙田火車站一出行幾步路就有電梯直上7樓。餐廳環境頗有氣氛，卡位空間好足夠，燈光偏柔和暖色，特別適合同情侶一齊用餐。Brown Butter Scallops & Saffron Risotto牛油帶子番紅花意大利飯（$188）意大利飯配搭菠菜、巴馬臣芝士等，飯粒粒分明有口感，再加上被譽為最貴香料既番紅花，通常會被用黎製作西班牙海鮮飯，味道帶有甜味既花香和麝香味，帶子兩邊都煎香，有效封住鮮味，食落特別多汁。Grilled USDA Black Angus 120z Rib-eye Steak燒肉眼牛扒（12安士）（$348）原本想揀既阿根廷青醬剛好沒有，所以揀左肉汁，但意外醬汁味道都唔錯，肉眼牛扒叫左7成熟，用刀可以輕易切開，牛扒中間色澤粉嫩，兩邊表面煎得焦香，肉質鮮嫩多汁，肥瘦比例適中，牛肉油香味濃郁，食到十分滿足。薯條剛剛炸起熱熱的，十分香脆可口，有特意灑上燒烤粉，再沾上茄汁，完美配搭，茄汁唔足夠可以問店員再要。

收工過咗嚟沙田食飯，就Walk in入咗嚟試吓呢間連鎖嘅燒豬西餐，一直都知道佢幾出名🤩Order左大蝦芒果牛油果沙律，出奇地好好食，本身我自己就唔好沙律，但係呢個沙律汁酸酸甜甜，好開胃，大蝦有四隻，略嫌牛油果份量太少亦都試咗其中一個招牌菜，燒豬腩肉，侍應攞到上嚟俾我哋想像中大份，呢個價錢嚟講都幾抵食，食落口都係有驚喜，成嚿豬腩肉完全唔會太肥，而且亦都唔會太漏😋😋兩個人都食得晒呢個份量埋單連埋+1，$500都唔使，呢個質素嚟講相當抵食👍🏻👍🏻👍🏻

今日叫咗兩個lunch set，配有餐湯同埋飲品！餐湯係紅蘿蔔蕃茄湯。甜甜酸酸，感覺好新鮮健康。🌟西京燒比目魚 （$148）比目魚肉質細滑，口感入口即溶，烹調時間調校得很好👍🏻lunch set 呢一個質素實在好驚喜👍🏻入面仲有烤蘆筍同埋烤薯，烤薯好入味。🌟青口煙燻雞肉燴飯青口沒有什麼味道，應該沒有調味，但係飯係幾好食，不會過鹹調校得啱啱好，主要係有雞肉蕃茄檸檬嘅味道，加紅椒粉同埋茴香作調味。材料入面仲有番茄、青豆，上面白色嘅係檸檬蒜泥蛋黃醬，撈埋一齊食好creamy。有機會可以試埋佢哋嘅甜品。𝓜𝓮𝓷𝓾*不是試食活動

響沙田行街 見到The Salted Pig既午餐幾吸引，午餐包括沙律/湯＋主菜＋飲品，加錢仲有甜品。lunch menu都幾多選擇。雪梨石榴菠菜沙律。比較少食嘅組合。菠菜新鮮翠綠，加埋杏仁、合桃碎，口感豐富🥗🥗黎到要試吓佢哋好出名嘅豬手，果然唔錯😋😋豬手層皮超級脆，豬膏同骨膠原都好香口，肉質好軟腍，份量幾大份😲 配上薯仔同甘荀一齊食完全唔覺得油膩‼️兩個人share都幾飽肚🫣另外朋友就叫咗火雞肉卷、蜜糖火腿扒。火雞肉卷肉質鮮嫩重帶點煙熏味，火腿扒夠厚身，配上紅莓醬，酸酸甜甜既配搭好惹味👍👍 配菜有薯蓉、栗子麵包餡、雜菜，不過不失。

原本以為呢間只係食豬出名嘅專門店，其他菜式都幾好🌟 Pan-Seared Whole Sea Bass Fillet 煎原條海鱸魚柳海鮮燴、海蝦、蜆、辣肉腸，麵包粒 Half $198/ Full $3482人嘅話叫half 就足夠，海鱸魚柳煎到薄脆嘅感覺，魚肉嫩滑，湯底用上高湯，蜆肉，鮮蝦肉索曬湯汁，個湯好鮮甜，連埋辣肉腸一齊食，會帶微微辣，喜歡的話，加少少檸檬汁，味道更清新🌟 Brown Butter Scallops & Saffron Risotto牛油帶子番紅花意大利飯、菠菜、巴馬臣芝士 $188意大利飯軟硬度適中，幾濕潤，食到香濃芝士味帶子煎到微香，算幾大粒味道鮮甜，面頭有芝士粉🌟 Fajitas-Shrimp 墨西哥夾餅 -蝦 $188煎pan 上陣，有3大塊墨西哥夾餅，燈籠椒，洋蔥，辣椒，墨西哥辣椒芫荽，鮮蝦，作為餡餅配菜鮮蝦大隻爽甜有4種sauce,牛油果醬，墨西哥莎莎醬，碎芝士，醃漬墨西哥辣椒，跟喜好隨意配搭用手將餡餅，配料送入口，口感層次豐富，味道幾地道

話說 打電話去the salted pig 訂枱星期一食飯個staff話 間餐廳細 接唔到大枱11人 （佢當時唔係話fully booked)我去過呢間餐廳幾次 （上次食係8個人）去過呢間餐廳都知道呢間餐廳根本就唔細 當日星期一，我同朋友照去walk in 6點到 餐廳只有兩枱客（2人和4人）個reception話今晚fully booked 比張飛我叫我等 講明唔知等幾耐當日星期一，真係會fully booked 咩？ 因為仲有朋友未到，我哋就繼續喺餐廳門口等人，睇住入咗兩枱walk in 客我先生遲到以為我哋喺餐廳入面坐低咗佢行入餐廳時，聽到個reception 話「8個就話比枱你啫，10個《呀》住哂 ，麻鬼煩」真心嬲

❤️想食豬手一整個星期❤️今日同朋友就來左The Salted Pig 試下，專食牛嘅西餐廳，專食豬的確相對較少，餐廳環境及座位非常舒服有情調。招牌德國鹹豬手，果然名不虛傳，我好怕食豬手係因為我切野唔叻，而且怕麻煩，估唔到餐廳廚師非常貼心，幫你切得幾靚仔，豬手外皮好香脆而肉質鮮嫩，配上經典酸椰菜幾開胃，仲有甜薯等配菜，十分豐富。另外，叫左個西班牙海鮮飯，青口、蜆、魷魚等等都十分鮮甜，朋友都話海鮮飯有驚喜，醬汁調味得宜，餐牌都有寫海鮮飯有二人份量，十分滿足。

出沙田同Duffy打完卡📸，就同朋友去咗食🐷🐽～CRISPY PORK Knuckle（$318）🐖1kg嘅招牌德國鹹豬手🤩，配烤薯、酸菜，份量十足！豬手外皮酥脆，裡面嘅豬肉仍然嫩滑juicy，點芥末籽忌廉汁食，令豬手味道更豐富👍🏻SEAFOOD Paella（$235）仲叫咗西班牙海鮮飯🇪🇸🥘，有好多配料，其中蝦夠彈牙🦐、大蜆好有鮮味🐚，每粒飯都掛滿海鮮濃汁～Beer Battered Fish & Chips（$192）🐠我哋仲食咗經典英式炸魚薯條，魚肉鮮嫩，外層金黃酥脆，配上足料薯條🍟😋

很久沒有到沙田新城市午餐，相約朋友一行三人吃了一個午餐，第一次到訪這間西餐廳，食了店內的豬肋骨非常推薦，好好味至於牛扒質素很差，叫五成，來7成，牛味欠奉，不知道自己吃緊牛扒，可以不用試但薯條好好味安格斯漢堡也推薦，同樣薯條整體用餐可以

🍽️酥脆魷魚圈、青檸蛋黃醬魷魚厚肉而且炸得外脆內嫩，蛋黃醬配上青檸有一陣清爽，豐富左口感同變得層次🍽️香烤豬扒、西班牙辣椒、車厘茄、磨菇、鷹嘴豆、雜菌汁豬扒其實係豬鞍，目測最少有兩吋厚，但肉質經烤過後都保持鮮嫩有肉汁，仲有淡淡的炭烤香氣，讚👍🏻加埋濃厚惹味既雜菌汁，連埋西班牙辣椒既微辣刺激感，入口有驚艷既感覺😊🍽️ 蒜辣欖油大蜆意粉新鮮既大蜆好鮮甜，連埋香氣四溢既蒜片辣椒用橄欖油炒出Al dente既意粉，火喉恰到好處，令人好想Encore😋🍽️香蒜炒時菜(配菜）加HKD48就可以單點，雖為配菜但份量十足，有椰菜仔、法邊豆同西蘭花。時菜保持脆嫩爽口，蒜香濃，簡單的烹調方式突顯蔬菜既甜味，清新又健康今晚大家都甚為滿意，食物份量超充足，重點係好味，物超所值；而且座位闊落，餐廳氣氛好適合家庭或朋友聚會，難怪座無虛席。員工服務都好貼心，不停fill 水同收走吉碟，值得一讚👍🏻

週末日常，同Lisboy去完playhouse就搵咗間Babyfriendly嘅西班牙餐廳醫肚😋食肉獸都想健康啲！🍔 牛油果鮮茄植物製Impossible漢堡薯條平時食得太多肉食，突然想來個Green weekend，見到Menu有呢個牛油果🥑漢堡好吸引，配埋植物制漢堡扒burger🥰第一次見就揀咗嚟試，啲牛油果都好新鮮，仲要有好多塊添，植物肉感覺食落去比平時嘅漢堡包新鮮😚健康，薯條即炸脆卜卜，成個主食都唔錯！🐟 煎原條海鱸魚柳海鮮燴食西班牙菜唔想食咁多肉就叫咗個海鮮燴，香煎鱸魚Lisboy都食得😋入邊仲有好多款海鮮添有蝦有蜆同辣肉腸，個蜆肉脹卜卜好有鮮味！🍝 蕃茄肉丸意粉最後Lisboy自己揀咗個蕃茄肉丸意粉，感覺好Juicy好味，酸酸甜甜好開胃，我哋用熱水過一過啲醬汁同肉丸，再比Lisboy食😋真係開心死佢😂

平時就幫襯開星期一買一送一優惠~但知道今日星期二有牛扒沙律薯條任食，就緊係要試下啦~🔹All You Can Eat🔹 揀左ribeye~但原來薯條同埋沙律，只可以二揀一~為咗唔好咁濟就梗係沙律~沙律應該係黑醋沙律，菜好新鮮，好靚，同好開胃~同埋side dish 同牛扒係分開上，所以可以分開order~最後一人食左3個沙律同2塊牛扒~牛扒煎得唔錯，7成熟到~入口好有牛香，肉質都嫩~不過估唔到咁快飽~2塊就KO左我lu~🔹Brown Butter Scallops & Saffron Risotto🔹上枱好靚~有4粒牛油帶子好開心~同見得到嘅巴馬臣芝士碎，好吸引~飯粒煮得剛好,又入味~牛油帶子外香，內嫩又勁鮮甜~食到個碟乾乾淨淨~好滿足~

長假期無去旅行又唔北上但係又想同屋企人食下飯出到新城市 就揀咗呢間salted pig佢還枱時間90分鐘同屋企人都ok 嘅StarterCold cut Platter 大概4-5 款ham 加上不同的 漬物+ 沙律菜佢D配菜係幾新鮮漬𠖳都幾好食呢個cold cut 有驚喜叫左2款main 豬手個皮夠脆肉又夠淋身呢個炒飯就嫌太油份量亦比較少3個人 叫咗3様嘢埋單$8xx都可以接受都坐得舒服上菜、fill水都好快可以有下次嘅

點菜嘅時候又唔講買一送一點送，以後發現左，又話點左唔可以改，咩都冇得轉，問就話，後面寫住，你自己唔睇怪得邊個，邊有甘嘅服務態度，然後上菜都等成半個鐘，總之就係搵左你笨之後，佢就叻曬。最差就係個經理，黎种店甘差就係因為有黎d經理，個女經理真係完全唔掂，。成間店都好唔掂，d意粉又全部係干嘅，難怪冇人點啦，所以好唔容易有人叫，真係好差羅黎店，絕對唔推薦大家嘗試，大家唔好上當啊，一定唔值得嘗試，unlike