The Salted Pig (MegaBox)

营业中

休息中

今日收工去左九龍灣黎個家庭聚會晚餐環境寬敞好光鮮，好多卡位主要綠色白色為主，感覺好舒適斧頭豬扒 煙肉懈菜仔 薯條上碟好吸引 好大塊，肉質比較瘦，有d咬口，配椰菜仔及粗薯條，椰菜仔比較出色好食💗招牌手撕燒烤豬肉三文治薯條呢款係我最鐘意 佢既手撕豬肉配燒烤醬加埋菜沙律一齊食，味道真係好夾，啖啖肉超讚蕃茄肉丸意粉🍝3大粒既肉丸，酸甜適中，小朋友至愛而家有happyhour 買一送一菜爸當然唔放過，啤啤佢🍻enjoy一下我就點左一杯Vodka Punch.夏日伏特加賓治配熱情果、橙汁、菠蘿汁果香，酒味都出 ，都好啱我口味.

食過真係忘不了佢既鹹豬手，非常好食。場地好大，食得亦舒服。招牌德國鹹豬手 （＄308）超。級。好。食。外皮極脆，入面既肉汁仲非常多，點埋佢既特製芥末籽忌廉汁，真係香濃幼滑而且好有層次。餐廳亦好貼心幫我地分好哂，方便食用。招牌手撕燒烤豬肉三文治（＄178）手撕豬肉既調味非常好，而且外層既麵包非常鬆脆，超級好食。番茄肉丸意粉（＄158）好開胃既番茄醬，配搭三粒大大粒既肉丸，開胃度100％，夏天食呢一度菜式真係一流。

星期日來到megabox, 好多人, 不過我一早book咗位, 所以可以直入!兩個人食左一個西班牙海鮮炒飯～都有好多配料，例如蝦、青口、魷魚、魚柳，佢個蕃茄味配搭都算唔錯！另外再嗌多咗個燒豬，好肥美！呢度飲品長期都有優惠， + $10 多一杯，佢飲咗一杯紅酒，我飲左choco milkshake !!一直都好想食salted pig, 終於喺東九龍開咗一間分店!

小妹同豬睇完戲，就見到戲院附近有間光亮寬敞既西餐廳，梗岩又有位，就直接入去😋入到去唔打唔撞原來係以豬做主題既餐廳🐖 餐廳食物+飲品種類幾多😍 份量又夠大份，座位闊落幾舒服😌 餐廳以歐陸風格設計，仲有唔少打卡位置，重點係空間感大，樓底夠高，座位間有一定距離 ，絕對岩哂朋友聚會/拍拖好地方☺️🦐西班牙海鮮飯呢個飯既海鮮好豐富，見到擺盤已經覺得好正🤤 炒飯配有青口、蝦、蜆、魷魚等😬 汁好香濃，充滿濃濃嘅海鮮味😚 仲保持炒飯嘅熱度👍🏻 海鮮清新無雪味，非常惹味。🐖烤斧頭豬扒今晚最大亮點莫過於烤斧頭豬扒，小妹第一時間被陣陣香烤的氣味吸引住😍 斧頭豬扒肉質嫩滑，切開時就會見到淺粉紅色，多汁，好juicy，份量亦唔少🙈 伴碟仲有椰菜仔和薯條🍟勁鍾意食呢個薯條🍟炸得好好食😋餐廳座位寬敞，環境舒服，且店員服務非常周到，食完仲會主動問嘢食好唔好食？店員每上一道菜都好有禮貌，真心讚👍🏻

有咗之後，行MegaBox 嘅次數比以前瘋狂倍增，實在係媽媽天堂！次次都行到餓～今次試左Salted Pig 🐷 必點Sharing Snack Platter 小食分享拼盤 $278，包括：蕃茄芝士肉丸豬皮脆片脆豬肋骨迷你牛肉漢堡香料雞翼酥脆魷魚圈薯條酸麵包多士成個拼盤所有嘢都好出色，好香口，好味😋清清地，媽媽必點沙律香煎吞拿魚尼斯沙律、薯仔、烚蛋、法邊豆、橄欖、番茄 $148基本上所有材料都講晒喺個名度，足料清新之選👍🏻烤斧頭豬扒、煙肉椰菜仔、薯條$252 因為冇得揀幾多成熟，佢俾咗個全熟嘅黎，雖然全熟，肉質都還可以，未算鞋口，煎得好香，肉汁都仲有少許！好食😋Seafood Paella 🥘 $228飯嘅份量唔算好多，好香濃嘅海鮮味，海鮮種類豐富，有蝦、蜆、青口、魚飲品買一送一，大家都揀咗Mango Mule 有芒果青瓜、蜜糖柚子、薑啤配搭幾清新，好飲👍🏻快快食完買埋野就要返去餵B喇～喺Megabox 食飯，上菜速度係重點，呢間絕對冇令人失望！上菜速度夠快👍🏻👍🏻

The Salted Pig 係 Shore Hospitality，個group平日餐廳都大方得體，同朋友食飯都坐得幾舒服，食物質素都正路。今次去Megabox的The Salted Pig，11月先新開，裝修好新淨。56小時慢煮牛肋骨：滿意佢香濃，滑，有牛味，而烤薯仔菠菜都好新鮮。🥰烤斧頭豬扒、煙肉椰菜仔、薯條，另上玉桂芒果汁都有特色。牛油果香芒大蝦沙律、車厘茄、甜辣沙律汁心太軟、雲呢拿雪糕飲品叫左Mango Mule 芒果青瓜特飲、蜜糖柚子、薑汁啤酒refreshing👍🏻夏天飲一流，HH加$10多1杯Sangria 🤤6月有新的菜式：Shrimp/Chicken/Beef Fajitas同Octopus Warm Salad。黎緊九龍灣仲有獨有菜式，期待下先。人均$300

尋日趁着放假，約咗好耐冇見嘅朋友嚟到MegaBox呢邊食個lunch～見到呢間新開嘅餐廳，之前試過佢嘅分店，覺得幾好味😋今次嚟呢間試吓Tuna salad $148一大碗沙律菜🥗有厚切新鮮嘅吞拿魚，仲有溏心蛋，流心嘅感覺幾正～同埋有好多新鮮沙律菜Paella $228一大個烤盤裝住海鮮燴飯，啱啱上碟熱辣辣，有好多海鮮🦞好似魷魚圈，蝦肉等等～佢嘅調味好正，海鮮幾好味😋Pork Tomahawk $252呢間餐廳好出名豬肉，我哋就揀咗豬肋肉，食落覺得幾厚肉，好有咬口，配埋佢特製嘅香橙醬汁，酸酸甜甜幾正！仲有好多薯條伴碟🍟香脆好味😋仲有啲烤椰菜花🥦同樣幾正餐廳職員嘅服務態度好好👍🏻仲會同我哋推介菜式，好friendly～值得嚟試吓！

細個到而家嘅我 每次去襯Mega Box都會諗有咩食先發現有間西餐廳🍴有左佢就解決左個煩惱 唔洗再諗食乜*❣️Dinner Set up to $198Starter: Pork & SeaMain Course: Seafood Spaghetti Dessert: Chocolate Molten Lava Cake *📣原來而家逢星期二至四推出dinner set 其實都係啲staff講俾我聽先知成件事即刻變得勁抵下🙌🏼👏🏼只係一個主菜嘅價錢再加多少少 就可以食到多一份小食同心太軟甜品*個炸豬皮炸得好香口下 無油膩嘅感覺啲炸魷魚都炸得好正 再點埋沙律醬無得頂不過要記得落埋檸檬汁 咁先更加好食🍋脆得黎又fresh💫海鮮俾得好足料🦐🦑青口有好幾隻 啲蝦同魷魚都係食曬全部starter n main course就要食埋個甜品上得甜品嘅時候唔係即刻有得俾你食係真係會即刻焗一焗 所以上到枱係真係熱辣辣仲有流心朱古力醬🍫*❣️招牌手撕燒烤豬肉三文治、薯條 $178平時食得太多漢堡包嘅話 不妨可以整個黎試試🥪聽手撕雞都聽得多 手撕燒烤豬肉就真係未聽過三文治質感外脆內軟 係岩岩好嘅感覺🍞應該就係手

一家人去megabox行街街，行完上左11樓戲院旁間綠色豬豬餐廳食晚餐。餐廳好大間，座位闊落，坐得舒服。餐廳主題係綠色的豬，超級可愛既豬豬。牛油果香芒大蝦沙律 $162用甜辣沙律醬撈黎食好開胃，下次一定會encore 呢個沙律。小食分享拼盤 $278WOW! 好多野食，有蕃茄芝士肉丸，豬皮脆片，脆豬肋骨，迷你牛肉漢堡，香料雞翼，酥脆魷魚圈，薯條，酸麵包多士。我自己最鍾意食mini burger, 屋企人就覺得脆豬皮好有趣，雞翼好味。招牌德國咸豬手 $308大大隻豬手，皮脆，肉非常嫩口，亦都係下次必定會再encore。漫煮醬燒牛肋骨 $288牛肋骨漫煮所以肉質淋，好岩食，大家可以試試。番咖肉丸意粉 $158濃郁芝士味，因為有用上芝士粉，肉丸好淋但唔會鬆散, good。By the way, 話6月將會推出新增美食, 1. 蝦/雞/牛肉法吉塔 2. 章鱼热沙拉 3. 融入亞洲風味的新套餐，下次見到會試下，哈哈～

📍#The Salted Pig (Megabox) (九龍灣)九龍灣宏照道38號Megabox11樓12號舖♡推薦程度: 🌕🌕🌕🌕🌗🔺🔺🔺🔺🔺🔺🔺🔺🔺🔺🔺🔺🔺❣️#招牌德國鹹豬手 💰$308德國鹹豬手係呢度既Signature 💛真係必食啊！ 份量好多 足足都一公斤，絕對足夠2-3個人食添~ 份量超滿足！鹹豬手外皮幾脆口 豬手肉質嫩滑味道亦唔會太咸 豬手旁亦配有芥末籽忌廉汁點埋醬更好食😋❣#香煎雞胸芝士餡餅 💰$198Dinner Set 主食有五款，我哋揀左#香煎雞胸芝士餡餅 感覺唔太heavy 餡餅口感唔會太乾同太硬 而裏面有燈籠椒、洋蔥、水牛芝士、墨西哥辣椒，仲配有薯條 同牛油果醬🥑 共有四塊，整體都好飽同好食😋❣Port & Sea 係Dinner Set既前菜，包括脆炸豬皮、酥炸魷魚圈，亦配有香蒜蛋黃醬，炸物口感酥脆香口💛炸粉唔會好厚 令人一口接一口食唔停。❣️Bubbly Mojito💰$98酒味濃 但唔係用碎冰上，如果用碎冰上感覺更好❣Oreo Madness 💰+$10happy hour優惠，買一杯之後，第二杯飲品加$10 😋😋飲品上有半塊Oreo作點綴 整體都幾重or

最近去開megabox睇家品，發現原來戲院樓層有間食德國鹹豬手嘅餐廳。見好耐冇食過鹹豬手，餐廳環境都幾舒服，一於入去試吓先。🍴🍴其實佢個set dinner都幾吸引，但由於我哋都係好想試吓佢嘅鹹豬手，所以都係揀咗a la carte menu. 單點咗個德國鹹豬手同西班牙海鮮飯，仲有心太軟做甜品。🐷🐷鹹豬手果然係signature dish，上菜已經傳來陣陣嘅香味，賣相已經好吸引。個皮做得極為之香脆，鹹度適中，加埋少少油香，好出色呀。🦐🦐西班牙海鮮飯嘅海鮮好豐富，淨係見個擺盤已經流晒口水。炒飯配有青口、蝦、蜆、魷魚、魚等，個汁整得好香濃，充滿住濃濃嘅海鮮味。值得一讚，餐廳連pan上菜，保持炒飯嘅熱度。🍨🍨甜品叫咗心太軟兩個人share，朱古力味好香濃，雖然流心朱古力分量唔算太多，但配埋雲呢拿雪糕一齊食，味道好正呀。🍻🍻餐廳座位好寬敞，環境舒服，侍應服務質素都唔錯，好適合兩口子或一班朋友嚟食飯傾偈。

Salted pig 原來唔只豬好食，魚都唔錯, 煎完原條海鱸魚魚柳海鮮燴有埋蜆，蝦，辣肉腸，煙肉，清淡得黎引幾夠味，擠啲檸檬汁又酸酸地又吊到啲鮮味出黎。Slow cooked baby back ribs 肉質軟嫩，一撕就好易甩肉，上面啲BBQ sauce 又入味焗完仲濃縮咗，好正。 旁邊既椰菜沙律幾好食，嗌多個 side dish. 蟹餅簡直係是日 MVP 啖啖蟹肉又唔腥，一人食一粒先夠。Happy hour 仲有無酒精飲品 or 酒 買一送一或者第二杯加$10，Happy Friday 🍻🍻🍻最後加多個豬胺#test_kowloonbay______________________________🏠 The Salted Pig (Megabox)💵 $400 pp 📍九龍灣宏照道38號Megabox11樓12號舖‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾........#hkfood #hkfoodblogger #hkfoodreview #weekendvibes #hkfoodie #foodstagram #eatstagram #brunch #fo

The Salted Pig🫶🏽 高質Fusion西餐🤗來開Mega Box行街🙌見到呢間Salted Pig裝修唔錯🥰同埋Set Dinner好抵食😆$198包頭盤主菜甜品🍮叫左兩個Set Dinner 🥘 頭盤Skinny Pig Salad瘦豬豬菠菜藜麥沙律🥗有菠菜、西柚、菜頭、烤杏仁食落酸酸甜甜好開胃Pork & Sea脆炸豬皮&酥炸魷魚圈配上檸檬、香蒜蛋黃醬即叫即炸🤯😍入口超級脆加埋辣粉好惹味主菜Chicken Cheese Quesadilla 香煎雞胸芝士餡餅🥙墨西哥🇲🇽風味入面有燈籠椒、洋蔥、水牛芝士、墨西哥辣椒🌶️餡料勁多🫣食唔停口啊BBQ Pulled Pork Bap 手撕燒烤豬肉漢堡🍔入面手撕豬肉有bbq醬味道配埋椰菜沙律+墨西哥辣椒味道過癮又清新兩款主菜配埋薯條🍟+沙律🥗好大份😂甜品係心太軟🤭👍🏻流心朱古力🍫朱古力味濃唔會死甜👍🏻另外佢飲品做緊優惠叫左2杯野飲第2杯+$10～抵👍🏻🤭叫左Oreo Madness 同Sangria Oreo真係好Oreo🤣勁creamSangria😀我簡左白酒底好易入口好好飲另+$68配菜香蒜煙肉碎椰菜仔椰菜仔炒到唔苦👍🏻真係好考

假期來megabox行街買嘢，夜晚7點到店已經有人在排隊了，好彩餐廳夠大唔係等左好耐就有位，仲要係卡位，超舒服，啱哂聚餐傾計。頭盤叫了Skinny Pig 沙律($113), 配料好多，有超甜小車厘茄，西柚，杏仁片，紅菜頭，撈埋啲醋好開胃！叫了鎮店之寶德國鹹豬手($388)，足足一公斤，啖啖肉超大碟，肉質嫩滑，個皮燒得好香脆煎原條鱸魚柳海鮮燴(半份)($198)，配料有蜆肉，蝦肉，辣肉腸，麵包粒，魚柳很鮮味，個汁同各種配料配合得好好！另加$48配了炒雜菜，好抵食，有椰菜苗，菇類，豆類，炒得入味又不會太油飲品有happy hour優惠買一杯第二杯加$10, 叫了mango mule同oreo madness，oreo奶昔好邪惡但超creamy超滿足！mango mule係芒果青瓜特飲加ginger ale, 好清新，解膩一流！

番工番到頹，係呢個時候收工要大食一頓邪惡又豐富嘅晚餐先平衡番～ 黎左megabox the salted pig 豬門店主打豬嘅菜式如pork belly, 豬手、扒等不過亦有很多派對小食！唔飲酒都有好多選擇。上碟色彩繽紛超豐富西班牙香辣蒜片蝦 $142 一上碟已聞到濃濃牛油香，微辣蝦肉超爽彈，配多士，不過底部較多油～小食分享拼盤 $278迷你牛肉漢堡、蕃茄芝士肉丸、酥脆魷魚圈、炸雞翼、炸豬皮、多士、薯條、豬肋骨 超豐富，叫一碟platter已經滿足幾個願望，必點推介！香煎雞肉忌廉青醬貓耳朵粉$178青醬忌廉creamy得黎，感覺較清爽d，貓耳朵煙韌得黎又掛汁～tango (mocktail)62士多啤梨口味梳打特飲，有士多啤梨果肉！smooties (milo+banana)$68小朋友最鍾意嘅香蕉朱古力配搭～