The Point - Pizza & Pasta (The ONE)

营业中

休息中

今日同朋友仔補祝生日，當然要食番餐豐富晚餐啦。可以食到黑松露盛宴，🤩，仲要唔係度度都有得食🤭當然要去食番餐啦。店舖裝修好特別，環境大，坐得又舒服，職員仲好nice 【黑松露盛宴】$488 每款送食都有加入黑松露既元素，呢個套餐有齊餐湯、前菜、Pizza、主菜及甜品 餐湯🍲黑松露野菌湯x2濃濃郁郁既黑松露味已經滲入野菌湯內，令野菌湯更香濃更creamy，仲好好飲 前菜🥬黑松露火箭菜梨子沙律酸甜既開胃菜，最重要有薄切黑松露片，混合火箭菜一齊食，仲有切得薄薄又爽口既梨子，仲有濃濃既芝士及合桃，整成一大份有益又營養沙律 Pizza🍕鮮黑松露、芝士、意大利風乾火腿披薩(9”)薄薄一片片黑松露真係好正，成個pizza上仲有好多片 ; 有少少咸香味既火腿，仲好大塊，當然唔少得有軟滑芝士啦😋好味道，係香脆薄批pizza有9”大，切好分成6份 主菜🍜一口小雲吞每一粒入面都塞到滿滿既餡料，配埋個好特別既汁，當然配埋鮮黑松露、野菌、香腸粒、鼠尾草牛油汁，好大份，兩個人差啲食唔哂 當然唔少得甜品🍮，黑松露雪花雲呢拿泡芙，灑上一片片薄薄的黑松露，連食泡芙都有黑松露既香味

呢一間餐廳大家幾個月前應該經常喺社交媒體見到佢嘅蹤影因為佢推出過龍蝦主題晚宴但其實佢好食嘅東西唔止淨係龍蝦我食開佢哋嗰個鵝肝pizza鵝肝pizza二百幾蚊配上黑醋火箭菜非常惹味佢哋pizza餅底係薄身嘅真係令人食完一塊又一塊和牛貝殼粉佢個意粉汁甜甜地牛肉炆得非常林好似紅酒炆牛肉咁樣黑松露薯條薯條即叫即炸非常脆口唔會太乾黑松露醬唔會吝嗇咁樣俾你點加埋芝士人間一大享受！佢哋仲配有會員系統入會就送現金券不過入會費幾貴我就計過條數唔係太值與其用一筆錢入會不如用果舊錢試吓其他唔同嘢食

中秋放假咁多日，梗係要同女朋友周圍食下野，今次去到尖沙咀呢間餐廳，主要為左呢個龍蝦餐，果然都冇令我失望。呢個餐而家仲做緊優惠價，非常抵食。首先有非常香濃又滑嘅龍蝦湯。然後到重點，打卡一流嘅火焰龍蝦pizza，一早都知道呢度嘅Pizza好出名，果然冇令我失望，餅底好脆，而且餡料有滿滿嘅龍蝦肉。加上火焰之後有一陣焦香，好好食呀。再有龍蝦芝士通粉，粗館通粉可以索道更加多龍蝦汁，當然更加唔少得龍蝦肉啦，而且個汁唔會好漏好濟，第一次可以完成整個Mac & cheese! 除咗龍蝦餐之外，我哋亦都點左分香蒜辣椒白酒煮大顯。出奇地非常好食，蜆肉非常新鮮飽滿，加埋少少辣椒同埋濃濃嘅白酒煮過鮮味十足！值得一讚嘅係，雖然呢度好旺場，但係每個侍應嘅服務都非常之好，絕對會再返黎！

我鍾意食黑松露，成日都會買唔同嘅黑松露返屋企煮餸，老公知我鍾意食，特登今日book位帶我去食黑松露盛宴，超開心🥳#黑松露盛宴 $488二人盛宴嘢食好豐富，有齊餐湯沙律Pizza仲有個主食連埋甜品🍮，真係一次過滿足晒咁多個願望呀！#黑松露野菌湯 個湯夠晒creamy夠晒好飲,每一啖都有好香濃嘅香味，由野菌到黑松露，香味彷如香水般有前中後調散發出嚟。正。#黑松露火箭菜梨子沙律酸甜的黑醋配火箭菜好開胃，清甜的梨子有畫龍點睛之效，配搭甜合桃有意外驚喜👍鮮黑松露、芝士、意大利風乾火腿 #披薩 (9”) 簡單嘅配搭卻蘊藏滋味無窮嘅力量！鹹香味十足的火腿、軟滑香濃嘅芝士和香氣撲鼻嘅黑松露，每一款嘅份量都是啱啱好，沒有那一個比那一個更搶鏡的情況👍Pizza邊邊的脆口感也很讚呢，包迷一定鍾意❤️#意大利小雲吞主食方面就揀咗小雲吞來試，小雲吞配鮮黑松露、野菌、香腸粒、鼠尾草牛油汁，個醬汁好特別，有牛油香和菌香，當中鼠尾草可以減減油膩感。小雲吞製作成一口size，好方便食。而且份量好多👍#黑松露雪花雲呢拿泡芙最後還有我鍾意嘅雲呢拿泡芙做甜品❤️

🧆松露盛宴不可不試🍕Blach Truffle Feastwow!高貴黑松露真係勁正！今次行開尖沙咀，終於試下呢間人氣創意手工披薩🍕新推出黑松露盛宴，由頭盤到甜品都加入咗松露元素，高檔之餘仲好特別！🥰⭐黑松露野菌湯 菇香濃厚⭐黑松露火箭菜梨子沙律 清新梨香⭐黑松露芝士火腿披薩 邪惡拉絲⭐意大利小雲吞配黑松露鼠尾草牛油汁 小巧滋味⭐黑松露雪花雲呢拿泡芙 鬆軟香滑🍄蘑菇松油香飄四溢🧑🏻‍🍳手工披皮口感煙韌🌋石窯現烤更添風味🍨鮮松泡芙完美作結唔係講笑，佢新鮮現整嘅手工批皮真係口感特別。對比出面普通店鋪，食落去唔會死實，鬆軟之餘更煙韌有咬口，可以感受到背後花咗好多心思😘黑松露系列最啱我呢個松露控，每一道菜完美演繹黑松露嘅獨特香味。新鮮嘅黑松露對比傳統松露醬，味道冇咁搶，保留食材原味之餘，更突出特有鮮味。

The Point - Pizza & Pasta (The ONE) (尖沙咀)尖沙咀彌敦道100號The ONE 4樓409號舖▪️▫️▪️▫️▪️▫️▪️▫️▪️▫️▪️▫️▪️▫️▪️▫️聚會的好地方🍕燈光暗暗的😃很有氣氛❤️當晚係度選食抵食2人龍蝦🦞餐好定係Set dinner for 2🤪好掙扎💗最後都選左後者😄Set dinner for two$448(未加一）可選2頭盤·2主菜·2甜品·2飲品👧🏻👦🏻頭盤當晚選左凱撒沙律🥗新鮮的沙律菜再配上脆脆的麵包粒和煙肉碎💗🤤意大利風乾火腿拼盤🐷主菜選左🦞龍蝦芝士通粉和Carbonara pizza🍕 “9龍蝦芝士通粉嘅龍蝦味好突出，醬汁香濃，而且拉出來芝士係一絲絲的🤤🧀非常邪惡Carbonara pizza🍕超級喜歡較多芝士的薄餅🧀🧀這款分別有水牛芝士和巴馬臣芝士，再加上意大利風乾火腿🐖🐖味道帶鹹香💗❤️總括來說今次每款餐點都好滿意😍而且環境比較舒適非常適合與朋友聚會食意大利菜的好選擇😎

疫情完咗之後，終於可以出街搵食😋尖沙咀the one呢間the point 都開咗一段時間，終於搵到機會一試！同朋友選擇咗呢個Set dinner for two，$448就有兩個頭盤、兩個主菜、兩個甜品同野飲，抵食過散叫好多！見到好多其他枱叫龍蝦二人餐都好似好抵食，不過我哋唔食太多海鮮就冇選擇到嗰個set。頭盤嘅龍蝦湯同火腿香腸水牛芝士拼盤好快就黎到，拼盤好精緻，份量剛剛好又試到唔同火腿乾。主菜我哋就揀咗M5澳洲和牛肉眼牛扒同埋烤雞黑松露忌廉醬Pizza，pizza兩個女仔食唔晒啊，份量夠晒大份，料又夠多，黑松露醬香味好出，仲有我最鍾意食嘅火箭菜😋牛扒就好嫩滑，啖啖牛肉汁，茄子都烤得好好食，仲有唔少薯蓉！最後仲有是日甜品，忌廉泡芙！為呢餐飯畫上完美句號🤤

一心想食 #thepointhkg 招牌龍蝦Pizza，所以一早已經訂好位準時入座，講到個批 我見ig post嘅相唔係間間個樣都咁靚，但呢個Pizza做得好靚，顏色又好靚，成隻龍蝦放喺面，未食落口已經有開心嘅感覺，份量夠2個人食，批邊夠鬆脆，食落口已感覺到大大件嘅龍蝦肉同芝士，口感好好，龍蝦頭裡面好多膏， 龍蝦頭同 蝦身殼都釀咗芝士、少少細蝦同菇，唔會感覺得返個冇肉嘅龍蝦殼感覺，味道好好，值得一試，有啲失望就係原先可以用約相同價錢就可以食到呢個龍蝦批仲有湯有飲品，已經冇咗😭

今個星期出開尖沙咀行街，想食下西餐，喺The One見到呢一間西餐成日都排晒隊，今晚終於人少少可以試吓。我哋兩個人叫咗一個set dinner, 入邊啲嘢都幾豐富。lobster soup濃濃嘅龍蝦味，飲落去好有鮮味。Antipasto platter 火腿加埋芝士做前菜，係我最鍾意嘅配搭。每樣火腿都有一片，鹹淡嘅火腿都可以試均晒M5 wagyu 今晚決定豪氣啲，試吓佢塊M5 牛。佢塊牛切開咗兩份俾我哋，見到入面七成熟，好香濃嘅牛味。M5 牛真係唔同啲，食落一啲都唔會話好鞋口，亦都唔會難咬，牛肉汁同埋口感都非常上盛。Truffle Chicken 我哋大家都好欣賞呢間舖頭嘅Pizza，佢嘅Pizza個餅底做得好香口，唔係一般食落去好似餅乾底嘅Pizza，如果嚟呢間餐廳食飯真係一定要食佢嘅Pizza。今次我哋揀咗雞肉，啲雞烤得好香加埋芝士，仲有火箭菜，啖啖肉味之餘配合沙律菜嘅新鮮，係一個好好嘅配搭。Dessert甜品係窩夫，不過不失，整體唔錯。之前食過將軍澳嘅分店，今次食埋尖沙咀，真係佢好想去開多啲分店，等我可以行過一間就食到。

The Point 既pizza一直都好出名🍕最近見佢出左個龍蝦二人餐就特登book黎試下😍🦞龍蝦餐原價 $618 依家 $338 咋二人餐有1)火焰龍蝦pizza  9”2) 龍蝦芝士通粉3) 兩客龍蝦湯4) 兩杯菠蘿特飲首先個龍蝦湯都幾濃郁😋入面仲有龍蝦肉👍🏻個pizza一到 店員會貼心提醒會倒酒點火叫你準備好電話影相 非常貼心👍🏻😝隻龍蝦著曬火 真係好igable呀😍🔥9” pizza 係薄批 香脆可口 都幾多芝士兩個女仔都食得曬👍🏻龍蝦芝士通粉 不過不失 味道較淡 我會覺得加多d芝士好d 🤣🤣🧀兩杯菠蘿特飲 ok既 幾清新不過如果唔洗加錢有熱既選擇會更好雖然味道方面唔算太過出色但龍蝦宴咁既賣相 咁既價錢 都值得一試既😆

今晚試咗佢地既招牌菜 - 火焰龍蝦pizza店員話係最後一日做promotion, 半價就食到 (原價要二百幾)個人覺得呢啲都係一啲gimmick 野好似食火焰雪糕咁, 上枱果陣店員會點火, 隻龍蝦燒呀燒, 燒呀燒, 叫做有啲野睇下咁囉個龍蝦頭係就係夠晒大, 不過千其唔好以為佢真係原隻龍蝦咁上比你食因為佢其實係拆晒啲肉出黎, 釀咗其他野入去 (有啲雪藏蝦仔咁囉)味道個人覺得比較一般同埋加上燒咗一陣既關係, 有啲位其實會燶咗. 有啲苦味不過一分錢一分貨啦, $148 試下都叫無妨ge另外反而覺得好食係佢既素菜Pumpkin Penne 佢個南瓜汁有用少少vinegar 落去煮所以層次會豐富啲意粉硬度同份量恰當 兩個人食都夠晒飽間餐廳有搞好似Outback steakhouse/ ruby tuesday 既會員制, 入會比$500, coupon 形式比返$600 咁上下你鍾意食ge朋友可以考慮一下至於坐位方面佢都算係寬敞舒適我哋冇問佢有冇時限食完就走咗lu

我朋友在尖沙咀逛街剛好走到過來已經是晚飯時間，留意到這一間平時門外經常有食客排隊，剛好有位置的餐廳，之前已經吃過的我想也不想也再次進去一試餐廳的菜色選擇不少，照顧不同食客，而且雖然他們主打Pizza，但是其他菜式我之前嘗試過感覺也相當不錯意大利香腸汁甜椒蕃茄醬長通粉，醬汁充滿番茄醬味道，配搭帶有少許辣味的意大利香腸，將整到意粉的層次感提高，而且長通粉的口感彈牙，是一道高質素的pasta黑松露芝士蛋黃醬薯條，分量多，即叫即炸，黑松露味道強烈，配搭帶有少許酸味的蛋黃醬和濃郁的芝士，非常惹味，絕對值得打一篇食評來支持這間餐廳

上星期到尖沙咀The One的樓下日式超級市場購物，買完日用品過後便往樓上看看有什麼餐廳，看到才想起了這一間有數間分店的Pizza店，性價比不錯，朋友也剛好想吃西餐便決定進去他們提供的菜式其實不少，主菜已經有分肉類意大利飯類和意粉還有薄餅，另外還提供甜品還有其他飲品，看到菜單已經胃口大開主菜點了紅酒燴羊膝，非常驚喜，先說羊膝部份，肉質鮮嫩不柴口，配上香濃的紅酒醬汁非常惹味，配搭綿滑的薯蓉和配菜，份量之多，足夠男士們食用甜品點了這款香蕉天堂pizza, 香蕉配搭朱古力以及棉花糖，為甜品的甜度帶來不同層次感，配搭冰冷的雪糕，為這一道愉快的晚餐畫上句號

最近同男朋友慶祝周年紀念，搵到呢間西餐廳，仲要做緊龍蝦盛宴二人餐，盛惠$338（需另加一），同大家分享下先。#九吋火焰龍蝦Pizza 評分：7.5/10———————————呢款Pizza好正！我指嘅係賣相，上枱時店員會喺面頭倒酒點火，近距離表演好驚喜🔥每片Pizza都有龍蝦肉同膏，仲要放入特定火爐烤焗而成，龍蝦頭同身就釀滿小鮮蝦、什菌同芝士，不過由於個火燒到燶咗，有陣𤓓味。Pizza為薄批，個人就愛厚批多啲。#龍蝦芝士通粉評分：10/10———————————呢個係我成餐最鍾意嘅美食！通粉軟硬適中，用芝士焗製，通粉入面藏住勁多溶晒嘅芝士，每啖都好滿足，龍蝦鉗嚿肉好豐厚。#龍蝦湯 評分：7/10———————————平時麻麻地飲龍蝦湯，原因係我覺得好鹹又漏.....點知呢款雖然顏色好深，但味道相對外面嘅淡，如果有麵包點嚟食就更好喇。#香蒜辣椒白酒煮大蜆 $118 評分：8/10———————————呢個係另外單叫，原因係見到隔離枱食，啲蜆超大隻！聞落好多酒味，食落先係淡淡酒香，再到辣椒味湧出嚟，而且唔算好辣，最重點係一粒沙都無！#菠蘿梳打特飲 評分：7.5/10———————————每

嗰日我地去到THE ONE搵食，逛咗一陣，嚟到THE POINT門口，俾佢個龍蝦套餐吸引住，裡面又唔算太多人，所以就決定食呢間！店員安排我地坐較外面嘅座位，感覺開揚啲。我地都係點咗二人餐，有前菜主菜甜品同嘢飲，好豐富呀！前菜我地揀咗水牛芝士番茄，水牛芝士我都係第一次食，好綿滑，番茄好鮮甜。第二樣係溫泉蛋鐵板雜菇，呢個又係小清新，因為小妹都幾鍾意食菇，溫泉蛋配搭啲菇嚟食，一流！跟住上主菜啦，我地揀咗海鮮薄餅，好大個又足料，兩個人每人食兩件都幾飽肚。重點來了，就係小妹覺得最好食嘅芝士焗龍蝦汁蜆殼粉喇！啲龍蝦味好出，芝士拉出嚟一絲絲的，同埋啲蜆殼粉索曬啲龍蝦精華，好好食呀！最後上甜品啦，一個係士多啤梨布甸，另一個係咖啡焦糖布甸，我地每樣畢啲嚟試吓，分甘同味嘛！好滿足嘅一餐呢！