响香港好少會去食韓國菜，仲要係韓式fusion菜。Terrace in seaside（바다 앞 테라스）响香港原來都有11間分店，但我一直都冇見過呢間店，網上有人講係富臨集團其下嘅公司，但我响官網又搵唔到相關嘅訊息。到朋友話食呢間時，我即刻上OprnRice睇下佢有咩主打菜式同食評。睇過後已經有心水嘢想食，炸雞啦、個個都讚好嘅大蜆意粉啦，特別係濟州柑橘乳酪，咁大個橙放响杯上面，一定要試下。我地去又一城嘅分店，雖然唔似仁川總店，擁有迷人嘅海景(應該話香港所有分店都係冇海景睇)，但韓風設計加木系嘅裝修，感覺明亮光鮮，有一種好warm、好舒服嘅感覺，只係店舖面積細咗少少。員工嘅制服有一個特別之處，係橙色嘅帽，襯托番餐廳嘅主題「柑橘」。食物質素方面，可以話係中上，估唔到佢嘅fusion菜式配搭得幾出色，好似山薊菜大蜆意粉、肉醫年糕、松露油炸醬麵，係韓國同西方嘅配搭，出嚟個效果又出奇地好同有新鮮感，日式fusion菜就食得多，韓式嘅fusion菜真係第一次食。佢個菜單嘅選擇都好多，有選擇困難症嘅人，可以直接問店員有咩推介；另外，佢甜品同飲品嘅選擇都唔少，鍾意食甜品嘅，呢度都係一個唔錯嘅選擇。最後，我地點咗下面嘅食物：1. 山薊菜大蜆意粉😋 必點，我好想知佢個汁係點煮，味道唔錯2. 誘惑香濃的肉醫年糕😋 我其實唔鍾意食年糕，估唔到佢用年糕加上肉醬，可以變得咁有火花3. 松露油炸醬麵😐 冇响韓國食嘅咁濃味，松露油嘅味道亦唔係話太出，對我嚟講未至於特別驚喜4. 牛油果泡菜牛肉炒飯😋 呢個配搭係好新鮮，微辣嘅泡菜飯，飯粒好有咬口，牛肉亦都唔少5. 讓人瘋狂的蜂蜜炸雞😋 相對我食過一間P字頭嘅韓式炸雞，呢間係更出色，雞肉好嫩滑，外皮加上蜂蜜，帶點甜，小小脆6. 明太子蟹肉飯卷😋 呢個飯卷係我少有破戒食咗青瓜，佢個配搭好好。因為韓式嘅飯卷同日本嘅紫菜壽司卷個做法接近，因此唔會覺得有違和感7. 思考人生甜辣炸雞😋 同蜂蜜炸雞一樣，但唯一唔同嘅係帶少少辣，對我嚟講只係少少8. 香蒜牛油蜜糖薯條🤔 我冇食到，比唔到食評9. 韓式燉牛肋骨配飯😋 雖然叫牛肋骨，但我食唔到有骨。牛肉燉到好淋亦好入味，10. 夢幻雪糕布朗尼🤔 我冇食到，比唔到食評11. 士多啤梨蜜糖窩夫🤔 我冇食到，比唔到食評12. 濟州柑橘乳酪😋 打咭首選，而且味道係唔道，有好清新嘅濟州橙味，乳酪入面亦有橙肉，杯上面嘅濟州柑橘係可以搣嚟食，唔係話好甜，食食下反而有啲酸。最後有幾樣嘢冇食到，係因為食唔落，佢每碟份量唔係話好多，但每一款食少少，就足以打爆我個肚。雖然Terrace in seaside都係大集團嘅產物，但會睇得出佢係用心去處理每一道菜式。有機會的話，會想去仁川總店都hea下，要感受一下美食與海景。…查看更多
