响香港好少会去食韩国菜，仲要系韩式fusion菜。Terrace in seaside（바다 앞 테라스）响香港原来都有11间分店，但我一直都冇见过呢间店，网上有人讲系富临集团其下嘅公司，但我响官网又揾唔到相关嘅讯息。到朋友话食呢间时，我即刻上OprnRice睇下佢有咩主打菜式同食评。睇过后已经有心水嘢想食，炸鸡啦、个个都赞好嘅大蚬意粉啦，特别系济州柑橘乳酪，咁大个橙放响杯上面，一定要试下。我地去又一城嘅分店，虽然唔似仁川总店，拥有迷人嘅海景(应该话香港所有分店都系冇海景睇)，但韩风设计加木系嘅装修，感觉明亮光鲜，有一种好warm、好舒服嘅感觉，只系店舖面积细咗少少。员工嘅制服有一个特别之处，系橙色嘅帽，衬托番餐厅嘅主题「柑橘」。食物质素方面，可以话系中上，估唔到佢嘅fusion菜式配搭得几出色，好似山蓟菜大蚬意粉、肉医年糕、松露油炸酱面，系韩国同西方嘅配搭，出嚟个效果又出奇地好同有新鲜感，日式fusion菜就食得多，韩式嘅fusion菜真系第一次食。佢个菜单嘅选择都好多，有选择困难症嘅人，可以直接问店员有咩推介；另外，佢甜品同饮品嘅选择都唔少，钟意食甜品嘅，呢度都系一个唔错嘅选择。最后，我地点咗下面嘅食物：1. 山蓟菜大蚬意粉😋 必点，我好想知佢个汁系点煮，味道唔错2. 诱惑香浓的肉医年糕😋 我其实唔钟意食年糕，估唔到佢用年糕加上肉酱，可以变得咁有火花3. 松露油炸酱面😐 冇响韩国食嘅咁浓味，松露油嘅味道亦唔系话太出，对我嚟讲未至于特别惊喜4. 牛油果泡菜牛肉炒饭😋 呢个配搭系好新鲜，微辣嘅泡菜饭，饭粒好有咬口，牛肉亦都唔少5. 让人疯狂的蜂蜜炸鸡😋 相对我食过一间P字头嘅韩式炸鸡，呢间系更出色，鸡肉好嫩滑，外皮加上蜂蜜，带点甜，小小脆6. 明太子蟹肉饭卷😋 呢个饭卷系我少有破戒食咗青瓜，佢个配搭好好。因为韩式嘅饭卷同日本嘅紫菜寿司卷个做法接近，因此唔会觉得有违和感7. 思考人生甜辣炸鸡😋 同蜂蜜炸鸡一样，但唯一唔同嘅系带少少辣，对我嚟讲只系少少8. 香蒜牛油蜜糖薯条🤔 我冇食到，比唔到食评9. 韩式炖牛肋骨配饭😋 虽然叫牛肋骨，但我食唔到有骨。牛肉炖到好淋亦好入味，10. 梦幻雪糕布朗尼🤔 我冇食到，比唔到食评11. 士多啤梨蜜糖窝夫🤔 我冇食到，比唔到食评12. 济州柑橘乳酪😋 打咭首选，而且味道系唔道，有好清新嘅济州橙味，乳酪入面亦有橙肉，杯上面嘅济州柑橘系可以搣嚟食，唔系话好甜，食食下反而有啲酸。最后有几样嘢冇食到，系因为食唔落，佢每碟份量唔系话好多，但每一款食少少，就足以打爆我个肚。虽然Terrace in seaside都系大集团嘅产物，但会睇得出佢系用心去处理每一道菜式。有机会的话，会想去仁川总店都hea下，要感受一下美食与海景。…查看更多
