TakEateasy X FirsTeǎ

食飽晚飯後特登嚟買啲小食食下，之前已經食過佢地原味雞蛋仔同格仔餅，覺得幾好食，今次想試咖啡味，除咗雞蛋仔，佢地仲有好多唔同口味嘅格仔餅同嘢飲。落單後會即整，大概等10分鐘左右，有時夜晚都多人買嫁，就可能等得耐啲，拎上手熱辣辣，佢哋嘅雞蛋仔好飽滿，係特別大粒，裏面係結實有咬口，唔會係空心，食落嘅咖啡味唔算好重，微微嘅咖啡香，甜味啱啱好，外脆內軟，如果俾我揀，都係覺得原味最好食🤭下次會再試下其他味係點樣…查看更多

又餓又攰 諗住去小食店快靚正 唔駛等咁耐 結果一等等咗25分鐘 同我講雪糕未有 要多10分鐘 企到腳都軟埋 谷鬼氣退錢算 你一開頭同我講要等咁耐 我就唔會叫啦 而呢杯嘢都唔駛試了 never come back!…查看更多

之前睇到有 YouTuber 話好食到會成日嚟食，咁就同朋友試吓。🍴幫襯項目🍴原味雞蛋仔 ——位置/環境——間店唔算係好就腳嘅位置。店舖有佈置過，但大量 menu 資料擺咗 d 位，有 d 眼花撩亂——包裝/擺盤——包裝上唔錯，個樣好方便一打卡。——味道、份量——雞蛋仔大細正常，蛋漿少到連一半都冇，冇乜蛋香味，係好乾身脆口嘅口感，少少濕潤感都冇。——價錢——$20 正常價錢——總結——綜合以上嘅點，唔值得專登/路過食。位置：💛🤍🤍🤍🤍環境：💛💛💛🤍🤍擺盤：💛💛💛💛🤍味道：💛💛🤍🤍🤍份量：💛🤍🤍🤍🤍價錢：💛💛💛🤍🤍抵食：💛🤍🤍🤍🤍〰️〰️〰️〰️〰️〰️〰️〰️綜合：💛💛💫🤍🤍…查看更多

上次喺呢間舖嘅對面，嗰間糖水舖，食完甜品見到，但係太飽， 冇即刻再食埋，一直諗住，終於有一日兜咗去食埋😂呢個係班蘭味， 顏色唔會好螢光好似highlighter咁😂落好多人工化學嗰種，咁樣我覺得反而睇落舒服啲😂😂整體質地唔錯，有脆皮，有煙韌，有蛋糕軟心，用個杯裝住嘅話都食得方便，同埋見到有好多特別口味，都會想再嚟試下買嘅時候都見到有唔少人陸續外賣，雖然個位置唔係好就腳，但人氣都唔差，證明出品真係唔錯…查看更多

搬遷至太和後雖然距離遠了，但經過的時候仍忍不住要點一份來當飯後甜品🤭雞蛋仔﹑格仔餅全部即叫即製，店鋪的口味選擇很多，尤其有坊間少見的水果味雞蛋仔，我們第一次點了士多啤梨果肉($28)的雞蛋仔時絕對有被驚豔到，皆因雞蛋仔不單止顏色變得粉粉的，蛋漿真的包含著士多啤梨果肉，增加了雞蛋仔的口感，搭配著一大球的維記雪糕一同享用，冰火交融的口感亦令整份甜品層次更豐富✨而格仔餅份量亦不小，偏厚身的餅身，口感較接近窩夫的感覺，除了原味之外我們最喜歡比利時蘋果餡($34)，格仔餅夾著滿滿又爽脆的蘋果肉，酸酸甜甜的非常開胃，一點也不膩🤤…查看更多

📌大埔今次同大家介紹返一間我自己已經食過N次既小食店 一 TakEateasy ⭐️原味格仔餅 $24格仔餅有一定厚度，整得夠香之餘滿滿既花生醬、砂糖、煉奶多到嗶哂出黎真系好鬼邪惡😂⭐️香濃意大利黑朱古力雞蛋仔 $30雞蛋仔外脆內軟，亦非常足料，粒粒入面都有黑朱古力碎🤤👍🏻📍TakEateasy X FirsTeǎ地址：大埔美新里7號地舖…查看更多

大埔舊墟 / 翠怡花園 這一帶，是我們一家經常來，來到就買杯手搖飲品回家的好地方。不過，周圍的店舖，turnover 率其實都幾大。幸是糖水店同珍珠奶茶店，多年來都是屹立不倒。這一次，年初三來到，我們既主要目的都是一杯手搖飲品。但珍珠奶茶店旁，多了另一間小食店啊。名字叫《Takeateasy》的小店，雖也是以手搖飲品來做主打，但他們的雞蛋仔、夾餅出品天是吸引啊。所以，當日，我們決定買份小食，伴飲品。當日，吃的是日本宇治抹茶紅豆夾餅。格仔餅，是港式的格仔餅，加了抹茶味也不影響自身漿粉的甜味。再加上紅豆同 casting sugar ，可以說是甜上加甜。熱辣辣地吃入口，香甜感更加濃厚。有一個晚上，我們又來了，這一次，我們決定一試這店的手搖飲品。他們的飲品，冠以另一個品牌《FirsTeǎ》，而他們的出品，是以水果味的飲料為主。我點的是香芒椰奶爽。有芒果，有椰果，奶香味是來至椰汁。是一個既香又甜的消暑飲品。飲飲下，覺得這飲品的味道有少少似曾相識。我同太太都異口同聲的說，這是楊枝甘露。太太點的，叫夢幻草莓。是一杯加了果味的炭酸飲品。中文名字上，也許會令人認為，這只是一杯士多啤梨既飲品，但從英文名字得知，這一杯杯飲品 (Strawberry and Butterfly Pea Flower Soda)，是兩種味道混合的。也是這飲品有兩個顏色的原因。Butterfly Pea Flower Tea (蝶豆花茶)，是一個藍色的花茶。不過，混合了士多啤梨同糖，不能正式飲到這是什麼味。小朋友則說，是士多啤梨加藥水。試了夾餅，也試了飲品，令我們覺得，這小店的出品，夠有特色，也夠好味道。特色、獨特，好味道，就是此店吸引人之處啊。我的評價，是高分。…查看更多

買了幾次，最近兩次買差咗好多😨抹茶紅豆只有幾粒紅豆，沒有抹茶味。失望😞朱古力味都好少朱古力。一直都有幫襯開，但係最近買好難食，偷工減料咁，好失望，$ 34完全唔值 …查看更多

今日終於試咗太和一間出名雞蛋仔，佢有好多種雞蛋仔同夾餅口味，仲有賣一啲手搖飲品。今日首先試咗佢Number one嘅朱古力雞蛋仔，落單等咗大概10分鐘就可以食。小店不設座位，見到有好幾台客都係喺舖頭外面即刻食。雞蛋仔口感幾脆口，非常之有朱古力味，雞蛋仔入面仲有啲朱古力粒粒，以$30嚟講非常之俾貨！食完之後，另外叫咗一杯泰茶珍珠，老闆娘仲主動同我哋講有套餐可以減返$4！感受到大埔嘅人情味下次一定嚟會試埋其他口味…查看更多

係附近飯完飯，想食返啲甜品條街落緊毛毛雨好靜，唯獨呢間好多人排隊個menu 勁多選擇有地獄辣🤣仲有雪糕雞蛋仔睇到都勁開心！好難揀呀！😍😍🫰🏻不過最後都係比幅圖嘅爆漿脆莎榛子朱古力格仔吸引住！勁癲呀！實物同張圖一樣都係爆漿😍😍最討厭嘅就係搞到食到周圍都係件衫都污糟晒🤣🤣不過略嫌佢個餅厚實咗啲，如果再鬆軟啲就完美今次淨係試咗佢個夾餅，實在太飽啦，飲唔落嘢飲，嘢飲都好多種類，我諗個老闆應該係年輕人，敢創新🤣賣單$35 …查看更多

香濃意大利黑朱古力雞蛋仔 $30一食落口雞蛋仔夠哂熱辣辣又好脆卜卜，而且食落好有蛋香味同鬆化，加埋黑朱古力少少嘅苦味，味道好match同好夾😋嗰陣咁啱去排隊嘅時候唔係太多人，所以等咗10分鐘左左右右就已經可以有得拎！但係兜咗個圈經過間舖頭發覺開始勁多人排隊等拎啦！證明呢間嘢都真係不錯！𝗢𝘃𝗲𝗿𝗮𝗹𝗹𝘛𝘢𝘴𝘵𝘦:⭐️⭐️⭐️𝘌𝘯𝘷𝘪𝘳𝘰𝘯𝘮𝘦𝘯𝘵:⭐️⭐️⭐️𝘗𝘳𝘪𝘤𝘦:⭐️⭐️⭐️𝘌𝘯𝘤𝘰𝘳𝘦:⭐️⭐️⭐️…查看更多

個仔好鍾意食雞蛋仔，成日見到都話要食，呢間舖之前喺寶湖嗰邊已經試過，款式多，而且雞蛋仔都脆。雖然而家我哋已經搬走咗唔係住太和，但有時經過都會買嚟食～呢日經過咁啱係下午茶時間，同阿仔經過就買俾佢食，佢揀咗好耐，最尾揀咗士多啤梨果肉 $28😂 依舊味道都唔錯，都脆～ 本身嘢飲叫隔離間Share Tea ，但平時有兩句嗰個老闆行開咗，見Takeateasy叫埋嘢飲有discount，於是叫咗杯百香果，不過味道普通，啲椰果唔似平時嗰啲，無咁煙靭🫢Btw, 嗰邊無小食店，可能因為咁，成日都見到好多人排隊😂…查看更多

大埔人氣雞蛋仔在現代快節奏的生活中，有時候都會想停一停，食返一啲懷舊小食去輕鬆一下。呢間小店最出名就係有唔同款式嘅雞蛋仔同埋夾餅。雞蛋仔大小均勻，金黃色的外皮散發著誘人的焦香，每一底都係即叫即整。咬下第一口，雞蛋仔外層酥脆，內裡卻蓬鬆鬆軟，給人一種極大的滿足感。這家的雞蛋仔店提供多種口味的選擇，包括原味、巧克力、菠蘿味等。當日食嘅係菠蘿味雞蛋仔，給人一種濃郁又不膩口的感覺。…查看更多

大埔有間茶飲店有賣各種格仔餅、雞蛋仔以及台式飲品。十幾分鐘後，我的蘋果餡格仔餅就做好啦，格仔餅外脆內軟，蘋果餡爆滿，每一口都食到餡料十分之重要。味道酸酸甜甜，十分清爽。…查看更多

經過成日見人排晒隊，啲食評又話好驚喜，可能係我期望過高，走去食完一次，真係不再回頭，雞蛋仔冇蛋香，好一般🥶🥶如果要等同埋比呢個價錢，唔洗食佢😌格仔餅未試過，亦都唔諗住試啦😀…查看更多