影片
以上资料只供参考，请与餐厅确认详情
朝头早九点见冇乜人入去食啦，嗌咗个佢话手指公嘅公司三文治，菜都冇条；唯一好处就系够热。餐肉火腿芝士蛋正常发挥。我阿妈叫咗个肠仔煎蛋多士，冇乜特别。我就要咗个Flat white，佢话同人哋唔同，即管试吓，我觉得好普通。今日嘅焦点嚟 》我阿妈唔饮咖啡叫咗杯热朱古力，上到嚟成只杯半个唇膏印仍然响杯度🤬 系血红色 （唔系浅浅一个）系半个嘴！ 跟住我话仲有成个唇膏印㖞？！跟住佢话哎呀唔好意思。。。 有冇洗杯？ 佢应该就咁将个杯热朱古力倒落另外只杯度。以后都唔会再来！ 成间舖头得三个人佢会有几忙？
继续阅读
见写住syphon coffee专门店，专程嚟试一试。点咗杯Ethiopia Guji嘅虹吸，谂住比较大路，相对稳阵。\一试难忘，因为好难饮，极度失望，完全冇风味、冇果味、冇香气，净系得个苦字，亦称唔上系醇厚。虹吸式应该比手冲更能将咖啡的风味特出。即使传统日式咖啡店用深焙嘅咖啡豆，都可以将单豆咖啡嘅特性做到出嚟。所以唔关深炒浅炒事，呢杯啡系 零！风！味！劣质程度似便利店coffee! 或更差。\临走店员/ barista 问我觉得杯啡如何，我直言冇乜风味。佢竟然回应：Guji嘅特性就系甘香醇厚。我话：其实唔系，如果咁讲所有咖啡都要甘香醇厚，但系单品咖啡就系需要有风味，我系完完全全饮唔到有任何香味，唔fruity亦唔nutty……佢最后乱答话：咁要试吓11号，我完全冇睇11号系咩产地，直接走人。好明显个barista系死撑乱吹，冇诚意。\我唔知究竟系barista学艺未精，定系本身啲咖啡豆有问题。态度上亦唔似对咖啡有要求，似系想蒙混过关。对于自称虹吸式咖啡专门店而冲出如此垃圾，实在好离谱！！😡😡
继续阅读
我与友人饮咗好多年精品咖啡，路过见到店名叫Syphon Coffee，谂咗一阵。。。决定入去试吓。总括嚟讲，唔该店员、老板重新再学吓咖啡先开。这餐厅以精品咖啡作为卖点，几十款唔同产区嘅咖啡豆，最浅嘅已经系中炒。其实冇浅炒都唔系问题，因为日本主流都唔兴浅炒，同样带出不同咖啡豆嘅特色。好啦，所以我哋叫咗一杯中炒嘅尼加拉瓜，不过这都不是重点。重点系，店员真系唔识的：我地：「你地有无啲炒得浅啲嘅豆？」店员：「淡啲呀？」我地非常愕然，唔明佢讲乜，心谂：「乜野呀？」我地再问：「唔系，有冇炒得浅啲嘅豆？」店员：「炒得浅啲淡啲。」顿时间，我同友人真系着咗，有点想喷血的感觉我地：「炒得浅唔代表会淡啲个㖞。」店员仲要再兜，我哋已经唔想同佢讲咁多，直接嗌咗一杯。而呢杯咖啡亦都系呢位店员冲泡的。其实我只有听过，冲得薄身，而唔系淡啲。呢样系喺咖啡冲泡手法上面嘅调整，整杯咖啡唔系会淡咗，而系出嘅味道，同埋层次会唔同咗。无论你冲深炒豆或是浅炒豆，都可以调整。到我哋真系饮呢杯咖啡啦，好简单，佢带唔出一杯syphon coffee嘅特色。其实佢啲豆炒得咁深，正常都会带一点点朱古力或者焦糖甜味，二如果用syphon（虹吸），一般都会比filter / pour over甜少少，一般果甜味会更突出。好可惜我哋手上呢杯尼加拉瓜系一啲甜味都冇。嘢食真系非常之一般，价钱亦唔系好平。咖啡当然就一啲都唔值呢个价钱啦！佢嘅咖啡豆质量一啲都唔高，都要$60一杯。离开之后友人问我，「我哋系唔系好harsh？」我话：「呢间餐厅个名叫syphon coffee，以虹吸咖啡做招徕。佢咁有guts 咁样定位自己间舖头，唔系唔stand the challenge 嘛？」我成日都觉得精品咖啡，真系要入民间，而唔系继续留喺中产世界，为中产文化独有。不过，系普及精品咖啡嘅同时，唔该都唔好影衰呢种文化。我真系唔知道呢位店员，同左几多位油麻地嘅街坊讲「炒得浅啲即系淡啲」，真系唔好散播Fake News。
继续阅读
见相片唔差，又想食汉堡，即管试一次，午餐时间都唔满座，系舒服嘅，不过，入店后一啲咖啡味都无，唔太似佢主打多种专业咖啡店😅食物卖相基本上唔差，但就系家庭式嘅吝啬材料，变相差咗好贵黑松露意粉，差不多食唔到黑松露味，上枱好香，但系黑椒味，黑松露酱只有尾指甲大少份量，收$78有点骗人了😅如果呢个收平廿蚊系蘑菇白汁意粉会好好多，个白汁都好味，可有3-4星，但宜家只值2星彩椒烟肉味道太健康啦，太清淡，应该可以更好味牛油果夹饼（无记错的话$48)，牛油果算多，酱汁少但同事都接受少汁干身，沙律菜都有点酱汁汉堡加钱转牛肉，酱汁就只有包底少少，无肉汁关系，汉堡太干，汉堡肉较实，味道浓，可能唔系手打肉，菜都算得上新鲜，不过西生菜卖相唔够好睇，除咗太干之外，味道都唔错。沙律菜有几滴沙律酱绿茶咖啡，啡味同样好淡。朱古力奶又系淡，同事甚至话淡过麦记😆以四五十蚊杯真系太贵冻利宾纳唔洗廿蚊，够味相对抵饮😅😁基本味道唔系差唔系难食，如果唔系咁孤寒吝啬所有味道材料酱汁，其实可以更好，但呢个价就太贵唔值了，尤其咖啡朱古力奶
继续阅读
Walked into this half empty coffee shop at lunch hour with all seated customers already served their meals. Ordered a takeaway large latte for $58 and ended up waiting for 15 minutes when my order was the only one in the kitchen. When I requested for no plastic bag, I was told by the barista that he recommended I keep it because the plastic lid was ill-fitted and that he warned me to be wary when drinking from the cup in case of spillage. I ended up drinking straight from the cup without the lid and was greeted by the underwhelming sight of a cha-chaan-teng (local fast food restaurant) looking frothless coffee that was scalding hot and nearly had my tongue burnt. I later found out from the menu that I had to add on $5 in order to get foamed milk - seriously? I have already paid $58 for a coffee which is significantly priced above average for the area. The taste was also below mediocre - I could definitely make better coffee at home with my nespresso machine. Will not recommend.
继续阅读