Suage北海道湯咖哩

發覺好耐無去日本，好掛住日本野食，最近經過旺角朗豪坊見到呢間---🌟Suage北海道湯咖哩🌟以食北海道咖哩好吸引，餐廳座位幾有風格，不得不讚店員服務態度好好👍🏻會推介最好食嘅餐廳食物，以QRcode落單非常方便，除咗北海道咖哩，餐廳仲有兩週年新推出嘅港式咖哩，兩種咖哩都各有特式✨️._.🥟 | 炸雞皮餃子 | 🥟呢個小食係店員推介，熱辣辣炸起，外皮炸到好香脆，裏面肉質嫩腍唔乾身，仲跟配埋個酸汁點，好夾👍🏻·🧀 | 北海道薯條配溶岩芝士 | 🧀呢個配撘好吸引，仲要係溶岩芝士，啱曬我呢啲芝士控，薯條炸到好脆，配埋芝士食味道香濃惹味·🐂 | 芝士漢堡扒湯咖喱 | 🐂北海道湯咖哩嘅配撘有好幾款，啱曬唔同人嘅口味，仲有得揀唔同嘅辣度，我哋就揀咗原味（輕微辣），咖哩有唔少蔬菜，浸咗咖哩好惹味，咖哩以湯形式，所以唔會太膩，漢堡扒面頭舖咗芝士，成個味道好夾，仲有得揀飯定拉麵👍🏻·🐥 | 生炸雞脾湯咖喱 | 🐥原隻大大隻生炸雞脾，炸到外皮好香脆，而雞脾肉保留到嫩滑又唔鞋口，非常推介，呢個揀咗配飯食，無論俾飯量定拉麵量都可以揀大份定細份，非常好👍🏻·🐥 | 脆炸雞皮 | 🐥雞皮炸到好香脆，大大塊，咬落去卜卜脆，點咖哩湯底食又得，就咁空口食都好滋味。._.…查看更多

Suage北海道湯咖喱真係一個令人驚喜嘅地方，佢哋嘅食物選擇多樣化，定期都會有新品推出，今次就有香港限定湯咖喱🍛充滿Local特色🤩香港限定Special湯咖喱今次揀烏冬，食材有珍寶腸、粟米🌽南瓜🎃茄子🍆西蘭花🥦糖心蛋、牛腩、牛丸、魚蛋，非常豐富🤩香港限定咖哩輕微辣，湯底更加香濃，食落更惹味😚珍寶大蟹柳湯咖喱烏冬真係好正！北海道湯咖喱嘅湯底比香港咖哩清甜，唔會太刺激，正好襯托出食材嘅鮮味👍搭配上巨型嘅蟹柳同滑順嘅烏冬，再另加配上Suage原味漢堡扒，食得非常豐富😋Suage蜜汁燒雞翼雞翼外脆內嫩，蜜汁醬汁香甜，令人根本停唔到落來🤤唐揚盛合A非常豐富有包魷魚、芝士年糕、餃子同沙律菜，口感多樣，食落去非常滿足😄日本乳酪蜂蜜雜莓芭菲層次分明，乳酪滑順，雜莓酸甜適中，搭配上蜂蜜，味道更加豐富，食完之後令人心情愉快😙凍果香茶清新可口，飲落去唔會太甜，正好中和咗餐點嘅油膩感✌️📍 Suage北海道湯咖哩 (旺角)旺角亞皆老街8號朗豪坊4A樓1號舖…查看更多

鍾意食咖哩湯底既朋友一定要黎"Suage北海道湯咖哩"試下, 佢個湯底真係濃到不得了, 試過必愛上餐廳有2間分店, 而我今日就黎到旺角既朗豪坊分店喇~~餐廳位置開揚, 座位寬敞舒適, 服務不俗韓風系列好似幾吸引, 今次過可以食到日本菜&韓國菜有多款不同配菜既湯咖哩, 可配飯, 拉麵, 烏冬等~仲可以選舉辣度添另外仲有多款小食&飲品&雪糕, 仲可以外賣添韓式燉煮牛肋條 $58牛肋條炆到好淋, 用筷子輕輕一夾就散開, 肉質非常軟嫩~~仲有薯仔同紅蘿蔔做配菜.....醬汁味道濃郁, 令整體味道更加豐富風味香辣泡菜煎餅 $28煎餅邊到金黃脆口, 外脆內軟, 口感非常好~煎餅入面有啲香辣嘅泡菜, 味道酸酸辣辣, 好開胃呢....再沾上香辣醬汁,  味道更出色北海道薯蓉芝士年糕 $28外層炸到金黃酥脆, 入面就係軟滑嘅薯蓉同埋濃郁嘅芝士~~芝士嘅香味同薯蓉嘅滑順感完美結合, 年糕煙煙韌韌, 咬落去超滿足!!海苔魷魚天婦羅 $28即叫即炸熱辣辣!! 魷魚新鮮彈牙, 外層既天婦羅算輕盈, 唔會好油膩, 仲有海苔嘅香味, 香脆到不得了~炙燒豚角煮湯咖哩拉麵 $96轉櫻花蝦濃湯 +$10, 加茄子 +$8, 加大啡菇+$12成碗麵豐富到滿瀉, 超多配菜喔!!!豚角煮到軟淋入味, 炙燒過嘅表面帶焦香~~櫻花蝦咖哩濃湯底味道香濃又鮮甜麵條彈牙, 掛湯力強, 索晒湯汁精華日本3.5生乳Oreo朱古力芭菲 $58上枱好靚好吸引丫!!! 整杯層次分明~~頂層: Oreo餅, 3.5特濃牛乳雪糕, 棉花糖, 香蕉, 藍莓中層: Cereal, 威化餅頂層: 啫喱一啖挖到底都有唔同嘅口感, 甜而不膩, 口感豐富…查看更多

上星期同🐢🍯係旺角按摩完之後就去咗朗豪坊搵嘢食一去到4樓就見到呢間由日本北海道過江龍嘅湯咖喱專門店湯咖喱源自於北海道札幌的靈魂美食當然就要即刻入去試吓啦🤭🤗主食方面可以揀飯、烏冬或者拉麵湯底方面除咗有原味suage之外仲可以加$10轉櫻花蝦濃湯/特選限定而辣度仲有8款辣度可以選擇啱晒我呢啲唔太食得辣，但係又鍾意食咖喱嘅人每碗湯咖喱裏面都會有南瓜🎃茄子🍆西蘭花🥦蓮藕等配菜脆皮雞腿肉串湯咖喱烏冬 $102 呢個我地加左錢轉櫻花蝦濃湯湯底會有濃濃嘅蝦味，勁鮮味烏冬口感彈牙，每條烏冬掛滿蝦湯我地仲追加左唐揚炸雞2件$18炸雞會分開上，唔怕俾啲湯浸腍晒上枱仲係外脆內Juicy，唔會炸到乾晒日本廣島蠔湯咖喱拉麵 $108 呢個揀反Suage原味既BB辣咖喱湯比平時食嘅咖喱稀啲偏水狀BB辣唔算好辣可以當湯咁飲有3大隻廣島蠔鮮味飽滿，一啲都唔腥熱香桃蘋果綠茶 $28酸酸甜甜幾清潤熱日本特濃抹茶紅豆牛奶 $36面頭有一層厚厚嘅奶泡，杯底放左甜甜嘅紅豆，中和咗抹茶嘅苦澀味，好飲兩味扭紋雪糕窩夫筒 $32係富士蘋果雪葩mix 日本3.5生乳軟雪糕聞落已有好濃郁嘅富士蘋果香味，食落酸酸甜甜🤤【Suage北海道湯咖哩】📍 旺角亞皆老街8號朗豪坊4A樓1號舖…查看更多

年頭去完北海道，好掛住個邊既湯咖哩～而知道香港有Suage過江龍既駐店🇯🇵，所以就決定左食！今次仲點左啲特別菜色～柚子雞脾湯咖喱🍛🐓🍗Whole Chicken Leg Soup Curry望見張圖都已經好吸引，因為係成隻雞脾上～雞脾肉好嫩滑，唔會好嚡口～仲要個湯一啲味精都無～因為唔係得個咸字，配白雲真係一流。日本廣島蠔湯咖喱🍛🦪Hiroshima Oyster Soup Curry本人太鐘意食蠔，所以決定揀呢個特別啲既湯咖哩，廣島蠔粒粒脹卜卜，非常之鮮美，呢到既湯咖哩仲可以加錢轉湯底，所以配左櫻花蝦湯底🦐，鮮上加鮮～多種辣度揀，我就揀左小辣5，非常之合適。韓式燉煮牛肋條 🐄Korean-Style Beef Stew個牛助條燉得好淋，非常之入味～SHAKE SHAKE黑松露炸雞 🐓🍗Fried Chicken with Truffle Seasoning呢到既shake shake炸雞好有驚喜，個shake shake粉味道非常出，一齊shake埋勁惹味另外呢到飯品仲可以外賣，同埋加推出雪糕🍦，好多元化！…查看更多

超失望，食落得好淡既咖哩味，好似加左好多水咁，我老公食左幾啖就學佢教咁將個飯倒左落咖哩到，個味有濃左少少既，不過我地一致認為快餐店既咖哩都好食過佢，試完之後真係會有比較😂完全唔明邊到好食，係社交媒體睇到啲片話個湯就咁食都好濃味，結果完全唔係，勁失望。上面既餸食落就正常，份量偏少；牛舌好硬；芝士年糕正常；飲品較細杯，我杯香蕉朱古力既朱古力，同我老公杯咖啡既咖啡粉都冇融曬。而家真係見到咖哩就諗起佢😂…查看更多

成日行過朗豪坊見呢間Suage，講咗好多次話想試，終於都去試下。聽講話佢個咖哩好出色，一定要食，所以我哋點咗兩款唔同嘅拉麵嚟食。佢個咖哩味道真心係唔錯，咖哩味濃郁，唔似冇傳統嘅日式咖哩咁甜，但又冇印度咖哩果種濃烈嘅香科味道，佢係做到兩者之中嘅平衡。濃郁嘅味道令我昏昏欲睡，可以好好瞓一覺回味美好嘅味道。…查看更多

今日去咗旺角呢間來自北海道札幌嘅日式食店，真係俾個湯底嘅濃郁香氣完全征服咗！🤤 一入到去已經聞到陣陣誘人香味，知道今餐一定唔會失望 🎉 2週年祭特別推出香港限定口味，融合埋港式元素，真係創意十足！每碗湯咖喱都可以配飯或者麵，仲可以按個人喜好加配料，自由度超高 港式風味牛腩湯咖喱 - 將傳統港式牛腩融入札幌湯咖喱，tender到不得了 芝士漢堡扒湯咖喱 - 芝士香濃，漢堡扒juicy，配埋香濃湯底真係perfect match 蔥香烤牛舌 - 夠哂爽彈，蔥香撲鼻，一試難忘 燒咖喱蜜汁豬頸肉 - 甜蜜香濃，肉質軟腍，配上特製醬汁食真係層次豐富 每碗都有幾款唔同蔬菜做配菜，賣相繽紛得嚟又營養均衡，絕對係旺角必試美食…查看更多

一上朗豪坊foot court嘅電梯，就會見到呢間紅色招牌嘅日本餐廳。我成日經過見到門口嘅餐牌都覺得好吸引，今日終於扚起心肝，走入去呢間餐廳。出面個menu個沾麵其實都好吸引我嘅黑松露油加雞蛋沾麵，肯定好香，但我自己又想食肉，所以最後都係叫左招牌咖喱麵😆我呢d選擇症候群患者最方便就係叫個咩都有嘅套餐食，好食嘅時候，先再光顧其他🤭今次我就叫左個special 湯咖喱，滿足晒我4個願望入面有雞腿肉，唐揚炸雞，炙燒豚角煮仲有超巨型司華力腸（個嘴差d唔夠大🙃）肉都係正常發揮，不過最開心係有唔同蔬菜係碗麵入面，滿足為食嘅同時，唔會連健康都放棄埋🤗南瓜，茄子，西蘭花，粟米都令到成碗麵顏色好繽紛，當場食慾大增。今次自己一個食有d趕，希望下次叫埋朋友一齊食，可以叫多幾款野食。其實甜品我都好想食架🥹🥹不過真係好飽…btw 我另外加錢叫左溶岩芝士個waitress係d客面前拎住個mini煎pan倒d芝士落我碗麵度所有客望住我麵嘅當下，都幾過癮🤭🤭…查看更多

2025.08.10我在朗豪坊店吃了個咖哩烏冬，湯嘅咖哩味一般，而且𠆤湯都幾油膩，但最可怕是夾到嚿1-2吋嘅肥膏出嚟😱，第一次食日本野係咁，係咪唔小心跌咗入去架？…查看更多

下午茶時段見佢無乜人，但睇menu都啱食，即管入去試下啦～叫左一個甜品，芭菲杯$4X叻外叫左個set，個set居然$38，但有3款小食一個2沙律，雖然都應該係買返黎餃子年糕同炸物，但擺盤都叫有小小誠意呀，唔係一碟放晒就算，而且味道中規中矩，個年糕其實有驚喜，甜而煙韌，呢個係unexpected嘅。雖然我唔係咁喜歡年糕。每個下午茶都包一杯百香果茶，唔駛加錢，以上係一人食，但飲品筀有人share，咁2個餐一個人都叫夠嘅。但如真係hea下抖下，如你唔太肚餓，只想坐低一陣飲小小嘢食小小嘢，呢到真係唔錯。環境又夠靚，坐得都算舒服嘅。…查看更多

Suage北海道湯咖哩今次要介紹一間喺旺角朗豪坊4樓有一間食日本咖哩嘅餐廳叫「Suage北海道湯咖哩」，呢間餐廳店員好有禮貌招呼我，仲話平時都有好多輪椅人士、失明人士等嘅殘疾人士都會嚟幫襯佢哋，佢哋非常歡迎我哋入去呢間餐廳食野，入面通道雖然唔算太闊，但係食客都會好禮讓比我坐近門口位，真係一次唔錯嘅體驗！1.生炸雞脾湯咖哩（輕微辣,Suage原味）$98+芝士片$6+Sapporo生啤$48（9/10）呢個生炸雞髀湯咖哩個雞髀好脆，入面雞髀肉唔會鞋柴，好嫩滑，咖哩辣度唔算好辣，又唔會好甜，店員仲介紹埋北海道人經常飲咖哩湯用嚟保暖，咖哩湯只係少少辣，湯入面有大量蔬菜同豬肉煮，飲得出最多係切碎咗嘅洋蔥，湯係熟成咗12小時，我再加咗芝士片，佢哋喺芝士片上面火燒咗少少，成塊芝士片唔會話溶哂。飲品揀咗Sapporo生啤，只係$48一杯，如果無聽錯店員講嘅話，佢話第二杯係$28，都幾抵飲！2.黑松露極旨蛋拌烏冬（轉拉麵）$110+脆炸雞皮50g $22+巨峰乳酸梳打$26（9/10）呢個黑松露極旨蛋拌烏冬個烏冬轉咗拉麵，有一碟係松露油，另外一碟係日本蠔油，拉麵上面有兩隻生雞蛋，雞蛋係用咗日本蘭王，零舍特別香！再追加咗一碟脆炸雞皮，呢塊雞皮食落去脆卜卜，唔會好油，一共有50g咁多添！飲品揀咗巨峰乳酸梳打，甜度啱啱好，梳打唔會太多氣，唔錯！3.蔥香烤牛舌$38（7/10）呢碟蔥香烤牛舌個牛舌有少少韌，一共有4塊牛舌！2人總共價錢$352，其他有加一服務費！個人口味總評分：8.33/10  @soupcurry_suage_hk @langhamplace  地址：旺角亞皆老街8號朗豪坊4A樓1號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#Suage北海道湯咖哩 #Suage #北海道湯咖哩 #日本咖哩 #旺角美食 #旺角好去處 #香港美食 #無障礙餐廳 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

今日去咗呢間自稱賣湯咖哩嘅餐廳，衛生差到令人作嘔，托盤上面黑綠色霉斑滿佈，毛絨絨黏笠笠，似幾個月冇洗過，望一眼都想吐！湯咖哩食落去同羅宋湯一樣味，咖哩味全無。份量少得可憐，價錢貴到離譜。最誇張係佢哋連餐具都放喺呢啲發霉托盤上，霉菌孢子隨時吸入，搞到打噴嚏、流鼻水、哮喘，甚至傷肝！免疫力弱嘅人仲可能病入膏肓，真係想拿人命！可大可小！呢間餐廳表面嘅衛生情況都咁樣，唔敢想像廚房入面係會唔會更加惡劣！真係唔知2百幾個like係點嚟。🫠🫠…查看更多

叫左湯咖哩和撈烏冬，兩個主食都ok既，好食既。但另叫左個牛舌同個雞皮就唔好食，明明牛舌係薄身既但就好鬼韌，雞皮就好鬼硬同家鄉雞啲放左好耐又再番炸差唔多，千奇唔好叫＞＜叫左杯野飲都ok既。但個甜品就無咩特別，但真係無張相咁靚，雖然食左幾啖先記得影相，同埋乳酪仲落左柚子，味道好怪，唔係預期諗，感覺失望。衛生方面，烏冬個盤好污糟，個盤又濕又發晒霉，飯入面仲有蛋殼。座位算一般，唔係好逼應該未必會再黎食，比佢好食既有好多。…查看更多

作為一個成日喺旺角搵食嘅人，終於試到超人氣嘅Suage北海道湯咖喱 （朗豪坊4A樓1號鋪）！平時次次經過都大排長龍，今日竟然唔使等位直入，超Lucky！試咗幾款招牌菜，真系堅好味，即刻同大家分享～ #Suage Special 湯咖喱拉麵：餸多到爆！一上枱就嚇親！脆皮雞腿肉串、唐揚炸雞、炙燒豚角煮、司華力腸，全部鋪滿曬碗面，完全遮住曬啲面！雞腿肉串外脆內嫩，炸雞Juicy到爆，豚角煮入口即化，連條腸都勁有口感！湯底系北海道直送香料熬制，濃郁得嚟帶微微甜香，我揀咗BB辣，辣度啱啱好，飲到一滴都冇剩！ 港式風味牛腩湯咖喱烏冬：Fusion驚喜！估唔到北海道湯咖喱都可以咁港式！牛腩炆得軟淋入味，湯底帶少少日式咖喱香，但又唔會太濃，烏冬吸曬精華，超正！如果鐘意港式牛腩又想試新嘢，呢碗必點！ 海苔魷魚天婦羅：脆到冇朋友！外層炸得超脆，入面魷魚彈牙，加上海苔香氣，點埋咖喱湯一齊食，口感層次爆燈！ $28，但是份量十足，有驚喜地抵食。日本特濃抹茶紅豆牛奶：抹茶控必飲！抹茶味超濃郁，紅豆煮到起沙，甜度剛好，飲落順滑，同咖喱好夾！ 百香果檸檬茶：清新解膩！酸酸甜甜，百香果嘅果香同檸檬嘅清新完美結合，食完濃味咖喱飲返杯，即刻Refresh！ Suage 真系名不虛傳，湯咖喱香濃得嚟唔會膩，餸料又多，連蔬菜都新鮮過人（店長話北海道直送！）。下次再嚟一定要試埋其他口味！ Suage北海道湯咖喱地址：旺角亞皆老街8號朗豪坊4A樓1號鋪#suage北海道湯咖哩 #suage #旺角 #旺角美食 #朗豪坊 #日本美食 #日本咖哩 #咖哩 #北海道美食  #咖哩烏冬 #香港探店 #香港美食 #香港好去處…查看更多