Su Casa (已搬遷)

上星期趁放工放哂閃，搭車去咗石門探探美食寶藏。入到去，感覺個環境都算寧靜，落地窗邊嗰座位差唔多成為我嘅專屬位置😋。先來講講佢哋嘅生蠔，原來就嚟自愛爾蘭嘅海域。淨係用面前呢兩隻嚼勁足嘅小家伙，我就知道我黎對地方。款款入口，肉質彈牙得嚟唔失露水兒嘅鮮味，一啖生蠔，滿足感滿分！而佢哋嗰碗南瓜湯，叫我點都忘唔到。用蒜蓉包蘸嘅剎那，濃濃嘅忌廉味道同絲絲甜意直撲味蕾，簡直惹味到不得了，流哂口水🤤！而啲薯條，我要話你知，真係用心炸！外 crispy 內 fluffy，黐黐地咬落去真係夠曬哂味。撇開呢啲，還有個牛扒，啊，真係一擊即中！五成熟嘅牛扒嘅口感剛剛好，肉汁滿滿，略帶炭香，嗰種彈性夾帶嫩滑交織在口中，實在令人食指大動！整體嚟講，呢啲都只係開胃菜，食到最後嘅甜蜜─Flat White，精湛嘅拉花加上濃鬱嘅咖啡香，平衡得宜，係呢一餐嘅完美收場。嚟石門嘅你，如果錯過呢個小天地，真係會悔咗！簡單嚟講，呢次體驗完全喺意料之中加分呀，這裡唔只係有冧爆嘅食物同服務，仲有搞得掂嘅價錢比值，正啦！下次一定仲要再嚟。👌🏼🥩🍰…查看更多

今日行過這家餐廳，心諗嚟頓平民化嘅西餐歎下。嘩！一落口嘅生蠔，新鮮得滯，每隻都肥美得黎有海水嘅清甜，啖啖肉，咬落去彈牙得嚟，真係叫人回味🤤。講到湯，就普通啲，得啲水水，湯底味道薄弱咗啲，蒜蓉包就香脆得嚟，外皮烤到啱啱好，撈面包重點呀！意粉部分，跟住來個龍蝦汁意大利面，啱晒我口味，咸香嘅龍蝦汁配得剛剛好，啖啖滋味。至於忌廉汁意粉，濃郁得黎又唔死膩，味道幾好㗎！環境方面，掂過一張梳化，坐得舒服，服務員都幾貼心，唯一就係等菜等咗啲時間⏱。總括黎講，食物表現同服務質素都算值得稱讚，下次有機會，會再黎試下其他菜式㗎。👍🍴…查看更多

第一次來這家餐廳覺得不太舒服，柯打了幾樣食物， 等了25分鐘還欠其中－樣未上菜，經我們追了幾次之後，最後回覆我們原來漏了單，我們O了咀，激死我們了。食物質素也很差，蕃茄湯和蒜蓉包弄得很鹹，豬扒弄得也很乾沒有肉汁，意粉味道也－般，這個收費覺得非常不值，下次不會再來光顧 …查看更多

今日嚟開石門做嘢，同朋友揀咗呢間望落有好多好評嘅餐廳。我哋叫咗All DayBreakfast （$138）- 雞扒都幾大塊，但係調味都幾重手，齋食都幾咸。- 牛角包好大個，同埋都幾鬆脆- 茄汁豆識落有少少，似係未煮淋嘅黃豆，唔係平時食開嘅茄汁豆。- 炒蛋都算大份，但係食落好鞋- 藜麥沙律冇乜汁，沙律菜都算新鮮嘅餐湯：蘑菇忌廉湯 （+$18）不過不失，唔算好香蘑菇味，亦都唔係好滑，要加錢先有呢個質素就覺得唔係太值得叫。虎蝦龍蝦汁意粉 （$88）意粉煮得太稔，冇晒意粉應有嘅口感，虎蝦得四隻，而且Size比較細。餐飲：菠蘿奇亞籽特飲 (暖)飲落幾清新，菠蘿味都好出，加埋啲奇亞籽又幾夾，係稍為甜咗少少…查看更多

週末晚上與友人到訪，失望離開。🤥食物：雜菜湯及蒜茸包、青口蒜香羅勒扁意粉、煙三文魚蘆筍意大利飯、凍菠蘿奇亞籽綠茶【優點】- 餐廳好大間，可以任揀位，座位好鬆動- 餐廳準備極多小禮物照顧兒童，眼見有蠟筆畫畫、汽球、扭蛋，侍應亦非常主動關心小朋友，十分適合想襯食飯休息下嘅父母🫡【缺點】- 餐廳客人唔多，但主菜上菜速度比預期慢- 超港式西餐風格：🥣雜菜湯好濃「茄膏味」🍝扁意粉第一碟不能接受，係烚青口+蒜粒+三色椒+烚意粉，反映過後侍應堅持換第二碟，第二碟見得返羅勒葉，少咗唔關事嘅三色椒，但味道依然一般🍚意大利飯變成白汁湯飯，煙三文魚全熟混入湯飯中🍹飲品用奇亞籽本應係想sell健康(?)，但太多菠蘿醬，極甜【小結】埋單人均一百七十，各人有各自標準，呢個價錢配呢個食物質素，唔係親子嘅我就不接受了。…查看更多

簡單食個lunchʕ •ᴥ•ʔ一🐾黑毛豬鞍番茄義大利麵｜$129男朋友必點所有餐牌上嘅黑毛豬，所以見到廚師推薦有，佢立即叫左。豬鞍有兩大塊，唔係話好厚身個款但係食落都有肉味。另外鍾意佢個番茄意粉好多番茄肉，唔會好鹹，好開胃一🐾雞肉菠菜什菌忌廉義大利飯｜$88因為睇完超人回來了gary整個嗰飯所以叫左。整體都幾香creamy，雞肉份量都不少，多到我食唔晒一🐾菠蘿有機奇亞籽綠茶｜跟餐好鍾意飲，叫左熱飲都好都唔會好甜，有菠蘿肉同埋奇亞籽，味道好清新，同埋份量好夠，如果凍飲應該幾爽～一 🚏 Su Casa (沙田)沙田石門安群街一號京瑞廣場二期地下G03號舖一🧍🏻‍♀️🔖餐廳環境係綠色，好柔和，對外都係落地玻璃，陽光可以直射入餐廳，如果好天嘅話推薦大家坐靠窗。而且非常貼心係，每個食客入餐廳前，都需要噴1:99落鞋底，而且坐底坐之後侍應仲問洗唔洗比埋信封裝口罩，so貼心服務💕一…查看更多

星期六揸車搵食一定要搵個有停車場泊車嘅，去到石門，就諗起京瑞廣場，泊完車之後因為有啲趕時間，決定響地面求其搵一間食就算，見到佢午餐set lunch響京瑞價錢都屬於中上🤔，不過趕時間就食咗先算啦叫咗一個午餐，同一個All day Breakfast，嘢食10分鐘到就上碟，賣相真係唔錯 個意粉係食得出醬汁係調配出來，唔係罐頭，味道屬於OK，但意粉唔太掛汁，以價錢來講，性價比未算高🤔。另外All day breakfast 相對更加失色，尤其是個牛角包，同普通連鎖麵包店差不多🤷🏻‍♀️，炒蛋亦不夠滑，雞扒亦都係一般:(整個早餐比較好食係個沙律同埋蕃茄最後飲番杯Latte,🤭有拉花嘅，但味道都係一般，整體嚟講，呢個價錢，食呢個質素，都係性價比唔夠🤷🏻‍♀️或者可能佢有其他更好食嘅嘢未發掘到，不過未必有下次Lu …查看更多

食物一般,普通茶餐廳的食材,卻收高級食府的价錢，价钱超贵，物不所值，服务态度不好，餐牌標明是全日早餐，但早餐只提供到11:30.把同樣食物改改名稱但加价一倍,考立名目.還點了一個意大利飯,也不行，只有飯和兩條配菜,收費要差不多$200,物不所值.冒名而來,望而歸,沒下次。…查看更多

3-5-2022(Tue)有新同事返工,老闆MP話食晏,就book咗呢間3張枱,睇完menu,我決定要$168.00嘅炭燒加拿大無骨豬扒配燒汁,加$18.00要是日餐湯配蒜蓉包,再加$48.00要精選生蠔2隻,原本想加$15.00要鮮橙汁,但係果汁先生嘅,即刻唔要,要返暖菠蘿有機奇亞籽綠茶.女同事ET就要$188.00嘅炭燒美國特級牛肩扒5成熟配燒汁,都係加$48.00要精選生蠔2隻同飲暖菠蘿有機奇亞籽綠茶.首先係我哋是日餐湯配蒜蓉包到嚟,湯係粟米忌廉湯,粟米係打到爛晒,有唔太濃嘅粟米味,鹹淡亦適中.味道:3分蒜蓉包好油亦軟熟.味道:3分精選生蠔到嚟喇,係南非嘅,唔太肥美但又唔削,ok.味道:3分暖菠蘿有機奇亞籽綠茶到嚟,都係同以往一樣,唔會太甜同有新鮮菠蘿肉.味道:3分等咗都幾耐, 炭燒美國特級牛肩扒5成熟配燒汁到嚟,ET切開睇,唔似5成熟,似7成.最後我嘅炭燒加拿大無骨豬扒配燒汁到嚟,睇見佢好厚,起碼有一吋,呢個燒到外面好脆,全熟嘅肉唔會太乾,ok 嘅.味道:4.5分炸薯條就正常冇問題.味道:3分上次食評係2021年2月17日刊登嘅呢篇: https://www.openrice.com/zh/hongkong/review/yeah-%E7%B5%82%E6%96%BC%E5%B9%AB%E8%B6%81%E8%BF%94%E4%BD%A0%E5%96%87-e3935190呢篇食評只計我嗰份.環境係4.5分,抵食係2.7分…查看更多

5月14日，約了三位家人食飯，月初嚟過Su Casa，印象Okay，就去番呢間吧！叫了必食生蠔、鵝肝多士，我Order了每人4隻生蠔，每人一份鵝肝多士，這兩樣依然沒失望。唯主菜的炭燒牛肩扒，叫五成，上檯後，我細佬切開，比我們看到，七成都唔止，他說好嚡、好難食。我叫魚子三文魚飯，初頭幾口，味道都唔錯的，食多幾啖，開始有點膩了。表姐叫了意粉，吃了幾口已停手，最後她帶外賣盒拿走（唔知原因，係太飽？還是唔好意思，唔想浪費？）表弟叫了無花果豬扒，他全部食曬，是很好味？還是因為等得太久？太餓？這個就不得而知了，只知道佢等到好冇癮。翻看照片拍攝時間看，由18:35上餐湯，呢份主菜要一而再催單，19:30才上檯。今次試埋炸軟殼蟹，很酥脆，味道都Ok的。也試了這兒既Cake，我與表姐也是Order柚子芝士凍餅，味道清新，甜度剛好，不會很漏。兩位男士都是叫藍莓芝士凍餅，有食曬，應該都唔差。但比較上一次過嚟，當時只得三、四張檯，主菜水準及上檯時間較快。今次係星期六晚過嚟，人太多，等候時間太長，主菜也較失望。埋單＄2,300幾，呢餐係我幫表姐補祝生日的，本應開開心心的，就被等候主菜既時間及主菜既水準，破壞了大家心情。總括兩次過嚟的經驗告訴我自己，假期人多不要來，即使再來，都唔敢再叫主菜，叫多一些生蠔或小食好了。至於侍應服務，態度是Okay的。…查看更多

與大表弟食飯，他公司在石門，就過嚟石門搵食，在Openrice看到這間Su Casa，咦～有生蠔食噃😍🤤，就呢間喇。 晚上18:00到達，單從外面看入去，吓？咁似茶記既？？安慰自己，既然人都到咗，唔好諗咁多！ 進店後，安排了坐弧形卡位，再細心看看，原來環境都唔差的，出嚟食晚餐，食物、服務及環境都好緊要的嘛！😂 主食，我們叫了帶子南瓜忌廉意大利飯（好好味）、無骨豬扒配薯菜，另叫了8隻生蠔（有4隻跟餐加錢點的。／有4隻額外點的，買一送一）、炸蠔、香煎鴨肝配多士Share嚟食。 埋單連加一＄858，以上每款食物都做得不錯，連餐湯也好好飲（平時在外面餐廳，那個餐湯，我都係飲兩啖便放低，呢間既餐湯都被我飲光😂）及即磨咖啡（有豆香）。 【後話：把食物照片傳比女兒，她即刻呱呱嘈，冇佢份🤣，好喇好喇，等她放回港暑假，再帶她過嚟吃好了。】 …查看更多

今日同同事lunch hour想去一間無咁多人，坐得舒服既餐廳食飯，於是就去左Su Casa❣️ ✨煙鴨胸意式蕃茄闊條麵 $78我地落單後傾左一段時間，好耐都未黎，催單一次，終於送到。賣相唔錯，鴨胸有4-5塊，味道不錯。✨蘆筍白菌忌廉意粉 $68我就揀左是日推介。但連我同事食完，催單催左3次先姍姍來遲😕 等左有30mins?! 幸好我地因為出去開會，預早時間過來食，否則真係趕唔切。以午市時間，候餐過長實在不能接受❕ 意粉份量正常，但白菌真係唔多覺眼😮‍💨 蘆筍得幾條幼幼的🥴 味道唔差，但以$68來說感覺不大值得…✨暖菠蘿有機奇亞籽綠茶以上午餐主菜會附送一杯凍/暖菠蘿有機奇亞籽綠茶。味道帶酸甜，但不會太甜👍🏻 飲落有一絲絲既菠蘿絲同奇亞籽，感覺飲完健康啲🤣👍🏻整體而言，以午市套餐來說，性價比不高，出餐時間偏耐，午市黎講需要改善。但勝在坐得夠舒服。…查看更多

見社交平台有人share, 就趁禁夜晚堂食之前過黎試試我只order左牛扒同生蠔🦪其他嘢唔清楚但係件牛扒，真係好差。食鐵板都好過呢塊$238嘅牛扒。唔知係米今日比較忙，等左8個字，件扒先黎😩😩😩生蠔普通ok.…查看更多

石門站行大概步行1分鐘就到Su Casa西餐廳,見網上話唔只喺西餐廳咁簡單, 仲有即開生蠔食🤩, 就決定試下😝平日4點幾去到, 仲有set lunch, 座位舒服以及可以坐到6:30前交檯, 感覺非常悠閒。點咗煙三文魚香草意粉,餐飲就叫咗暖菠蘿有機奇亞籽綠茶($88), 加配咗餐湯及蒜蓉包($18), 精選生蠔2隻($48), 吉列廣島蠔3隻($24)。🍝煙三文魚香草意粉賣相靚仔, 香草味都足夠, 意粉亦有口感, 唔喺淋身果種, 三文魚兩塊大大塊, 不過太多油, 食到底部啲意粉好多油浸住。🥤暖菠蘿有機奇亞籽綠茶菠蘿已經打碎哂, 但因為太多渣食唔到, 整體成杯嘢甜甜哋, 綠茶味欠奉,無咩特別。🥣是日餐湯喺甘筍湯濃濃嘅甘筍味, 好creamy細滑, 正。🍞蒜蓉包正常法包質地, 蒜蓉味欠奉, 牛油味濃🍽️是日精選南非生蠔(叫咗兩份主菜所以有4隻)好新鮮, 清爽, 食完想再食, 可惜一份餐只可加配2隻。🍽️吉列廣島蠔新鮮即炸熱辣辣, 亦都係食完想再添食之選, 可惜亦是一份餐只可加配3隻。由於撩起食生蠔嘅引頭, 所以另外再叫了愛爾蘭蠔($68)及蘇格蘭石蠔($68)試食, 都係買一送一🍽️愛爾蘭蠔肉身算飽滿, 非常新鮮, 海水味適中, 蠔邊爽脆, 餘韻鮮甜。🍽️蘇格蘭石蠔同樣新鮮, 但比愛爾蘭蠔細隻, 口感彈性, 海水味及金屬味較濃。整體飯餐體驗唔錯, 環境舒適, 服務有禮, 主菜唔算出色, 喜歡食蠔嘅朋友就記住加配吉列蠔及生蠔, 非常推介👍😋…查看更多

🥰由打電話安排生日甜點，真係好用心跟你意思照畫，非常細心有禮😍你畫到果下先叻🤣。入到黎店員親切，見隔離枱小朋友都有畫筆畫紙畀佢哋乖乖坐喺度畫畫 👻 落地玻璃加上聖誕貼紙很有氣氛 🌲大人細路都會開心😚想食生蠔呢度真係無得輸，大大隻即開生蠔鮮甜🦪介紹不同產地各有特色🥂主菜外脆內軟 色香味佳存 很好食恰到好處，醬汁一流💖 生日畫師畫碟非常出色👍🏻服務員貼心盡力，一個眼神秒懂嘅服務😍，大大力推薦。…查看更多