Stimulate Cafe & Restaurant

對我來說，入屯門有點山長水遠，趁這天跟家人忙完事情後，就來盈豐商場這邊吃個午餐。這邊都有不少CAFE，見Stimulate Cafe & Restaurant午餐多選擇，而且價錢都合理，就試試吧﹗套餐包湯或沙律、主菜、飲品(凍或熱的柚子蜜/美式咖啡)，凍的美式咖啡不錯呢﹗起初以為自己誤會了，原來湯連餐包或沙律都是可添加，這天的餐湯是雜菜湯，比較甜；沙律是冰菜，太貼心了。喇沙卜卜蜆意大利飯$88，意大利飯的軟硬度適中，不會過腍，微辣中帶點椰香，有約十粒卜卜蜆，都幾大方，絕對對得住這價錢。明明同行家人吃不到辣，奇怪又再點個辣的，韓式芝士泡菜炸雞煲仔意大利飯$108，炸雞粉漿不多，炸得可口，加上韓式辣醬，好惹味﹗而這飯呢，別看這煲仔容量小小的，都幾飽，飯粒也是用泡菜汁煮過的，所以是貫徹的泡菜辣。炙燒豬腩卡邦尼粗管粉$88，豬腩炙燒後，脂肪部份都變得軟滑，油香十足，卡邦尼的濃稠度恰恰好，微濕潤不黏口，Q彈的粗管粉正好盛著醬汁，推介。澳洲豬西冷(2件)配薯菜及甜薑汁$188，豬西冷煎得香口，入口軟嫩多汁，肉汁香甜，配上甜薑汁，蠻特別的﹗薯菜有冰菜、粟米芯、脆玉瓜、一口蕃薯、薯仔，配搭豐富，好心誠意。…查看更多

其實建生附近既餐廳都好難經營🥺最近經過見到原來開左間新西餐廳 上IG睇先知原來11月開😳竟然而家先發現呢間cp值超高🥺一定一定要book位‼️‼️♡是日餐湯及餐包 無限量供應‼️‼️套餐仲包餐湯餐包同野飲😳實在太抵食‼️是日餐湯係南瓜湯 飲落都幾smooth😋唔夠喉仲可以飲多碗添 餐包竟然係黑糖包夾住塊牛油😍食落仲有少少溶左既黑糖咁 好好食🙊忍唔住refill多幾個食添🫣♡龍蝦汁大蝦粗管粉 $74超推🧡好少會見到有粗管粉食🫣口感幾好唔會太硬太淋 都算幾掛汁😋龍蝦汁都算幾濃 稠度啱啱好😌足足有4隻蝦咁多‼️而且都頗大隻 口感爽口彈牙 帶蝦既鮮甜味😚整體黎好得💯♡雲南牛肝菌寬條麵 $68都幾唔錯🤤好濃郁既牛肝菌味 仲加左啲切到好細粒既翠肉瓜同菇🍄‍🟫食落更加有口感😋寬條麵掛滿汁 好creamy 但又唔會好滯😳寬條麵食落會比較冇咬口 但唔會太淋😝♡韓式芝士泡菜炸雞煲仔意大利飯 $98呢個意大利飯超有驚喜🤩佢地仲有啲main係fusion菜😋試左呢個韓式意大利飯勁好食😍首先佢賣相已經好邪惡😈上面放左一塊芝士🧀同kimchi🤤撈匀嗰下不得了 我已經都流緊口水🤤少少辣辣地 偏多汁少少 但好好食😋唔係好識形容有幾好食🤣嗌個黎試就知有幾出色😝另外再配左3隻炸雞仔 熱辣辣 好香脆 肉質都唔會太乾😚♡芒果牛油果蟹肉他他 +$48怕嗌4個set會太飽既關係 同埋想留返個肚食甜品 所以嗌左個小食😋跟餐只係加48蚊就可以食到呢個芒果牛油果蟹肉他他😳估唔到超大份 仲唔錯添🤭芒果令到成件事好fresh🌼食落仲有啲脆脆好過癮 以前菜黎講好開胃😚♡焦糖燉蛋配雪糕 +$38♡ Tiramisu配雪糕 +$42嗌甜品仲可以套餐加購 真係抵食好多😝甜品就冇想像中咁出色 正常發揮🙈焦糖燉蛋偏甜左啲 tiramisu食落就感覺未解凍得曬咁🙈反而個芝麻雪糕好出色 幾濃芝麻味🤤📍Stimulate Cafe & Restaurant (屯門)屯門良德街3號豐連地下5號舖…查看更多

因為工作需要的關係，山長水遠入到屯門，慶幸同組組員是在屯門居住，正所謂「地膽帶路唔使用腦」，工作地點附近是戶外的「美食廣場」，選擇尚算豐富，連近期大熱的雲在線都是在呢邊🤭原本都想［潮聖］雲在線的，不過怕不能坐太耐，便決定食西餐，選擇了呢間性價比非常高的《Stimulate Cafe & Restaurant》！餐廳由門面到店內似是工業風格，配以水泥外牆及黑色傢具配搭，呈現出酷的感覺😎。午餐時間，一百蚊唔洗就可以品嘗到兩道菜連飲品，仲罕見地前菜中有兩選是可以任食😳包括《是日餐湯和餐包》&《素沙律》，小妹三人都沒有「二刷」前菜，因為想留肚給主食😙APPETIZERS🩶 是日餐湯和餐包蘑菇濃湯配牛油餐包，足料又濃郁的餐湯，飲得津津有味😍🩶龍蝦湯及餐包（升級+$30）比較富貴的男組員大讚龍蝦湯味道香濃美味🤤🩶 素沙律冰菜原來都可以做沙律😲大開眼界，估唔到又幾爽口喎！Main Course 🩶 蔥燒厚切豚肉饅頭漢堡配炸薯角好少機會食到饅頭漢堡🤭睇嚟餐廳有意中西合璧，呢道看似中菜但卻以漢堡形式出菜已經夠特別，呢個配搭非常夾架，蔥燒醬濃、豚肉好香騷，味道口感似東坡肉，大大件的炸薯角疑似有灑上辣味香料，令其入口有點Hot 🔥 🩶 雲南牛肝菌寬條麵小妹估計是使用來自雲南的牛肝菌🤭香濃美味😋份量相對唔錯，價錢更不用$70，真係非常抵食❣️🩶 龍蝦汁大蝦粗管粉店內推薦排行榜的第一位🥇每條都有龍蝦汁超好味，可惜粗管粉未夠熟，有點硬，其實係咪可以同餐廳講煮返腍啲會好啲🤔整體來講真係好抵食，雖然距離非常遠，但係對於小妹嚟講係一程車就可以到達🤭希望日後有機會帶埋屋企人嚟食😆😆…查看更多

湯同麵包仲有沙律好食！蟹粉蟹籽義大利飯係好味嘅，D飯好淋😂另外一個乜野馬來沙爹雞柳粗管粉原來係有蝦片😂仲因為自己叫錯野食 但係個人覺得麻麻地 D粉超硬⋯ D野食好有特色有別傳統😂…查看更多

今晚同屋企人出街食飯，但係又唔想去太遠嘅地方，試吓屯門本區有啲咩好食先，其中有一間我身邊好多食過都覺得唔錯，今次就真係過嚟試吓先餐廳位置有啲偏僻，唔係成日入嚟屯門，都唔知道佢係邊個位慢煮羊肉叉燒呢個叉燒，令我非常驚喜，就係真係做到叉燒嗰種燶邊嘅感覺，而且佢嘅肉嘅顏色，明顯表示佢真係經過慢煮，所以佢嘅紅色係非常之均勻，而且肉質非常鮮嫩，再加上帶有少少嘅羊臊味，真係一個非常好食嘅菜式👍👍👍呢個明太子蟹肉菜式，味道亦都有驚喜淡淡嘅蟹肉好鮮味，而且加埋芝士再加埋一啲我唔知係乜嘢嘅醬同埋菜，入口非常爽甜❤️總體嚟講全部菜式價錢唔算平，但係全部物有所值…查看更多

一碗湯便可以突顯廚師細微之處，今日有幸經過此餐廳，質素比Bean、owens 更好，價錢更優惠！今日第一次食set lunch三重蟹肉意大利飯（唔記得有冇打錯字），本身想試食評出名的龍蝦汁蝦飯,侍應話呢個蟹粉意大利飯比較好味。價錢係$74另加一，另外包某些飲品。我選擇餐湯及黑糖包（原來真係任飲任食），今日係蔬菜湯，點知來到好我覺得明顯係蘑菇惹菌湯，真材實料，充滿蘑菇粒，一粒粒的口感，足料、夠味、有誠意，我很滿意！黑糖包是熱，要讚！飲完一碗我再問侍應再添一碗，點知侍應說已經賣完，然後送上另外一碗西湯，我飲落去係南瓜蘿蔔西湯，非常Creamy！忘記影相添！總之質素媲美及勝於尖沙咀的的西餐廳有突！意大利飯來了！份量足夠兩個人吃！而且上邊充滿魚子，口感非常豐富！吃到三重味道！2個字，美味！我另外加錢要雪糕配Tiramisu ，本人是對Tiramisu有情意結。一上碟很漂亮，我以為有位男生向我示愛的擺盤，心心眼！而且份量很大！依間店廚師唔會慳食材，真係好大份！連雪糕球都好大個！係介乎乒乓波與網球中間嘅份量！至於味道方便，我下次會試其他，雪糕係好食嘅，至於Tiramisu個人比較喜歡馬莎，馬莎比較有咖啡豆味，香得來不是苦澀的味道。這間的Tiramisu的cheese及cream食得出是高級來貨，但係唔係我鍾意嗰隻芝士，我覺得比較似雲呢拿味，而且佢用嘅咖啡蛋糕我覺得好似⋯冇咩咖啡味，琳琳地，只有少量黑咖啡豆的味道來自於咖啡粉。純屬個人建議，我相信實有人喜歡！…查看更多

6點開門 估唔到一入到去就已經差唔多fullFusion西餐 意粉risotto牛扒等都有每一個主菜都可以配湯餐包或者沙律兩樣都可以無限添 仲有一杯嘢飲揀咗凍柚子蜜 正正常常 另外要加一餐湯係南瓜湯 有啲辣都幾重黑椒味另外餐包似提子包啲friend配個湯點黎食都幾好沙律就比較特別 有冰菜食 好爽口配埋沙律醬仲有啲青瓜同車厘茄👍🏻雲南牛肝菌寛條麵 （$68）都幾大份 好香牛肝菌味個汁味道適中 唔會好鹹寛條麵口感好特別 好似手工造又好似機製😂 但都好食嘅仲有d翠肉瓜粒 增加口感蟹粉蟹籽意大利飯 ($74)呢個好食d 又係好大碟雖然一開始好似唔係好好收汁不過食食吓又覺得呢個濃稠度啱啱好個味又係較得好好 有d蟹肉D飯軟硬適中 由粒粒分明 好食！人均都係70幾蚊真係好抵食！…查看更多

☕️ 屯門篇 · 別開生面系列 Stimulate Cafe & Restaurant📌 今日冇做gym，純粹同老婆撐枱腳放鬆吓心情～特登揸車嚟到屯門，揀咗呢間主打西式簡餐嘅 Stimulate Cafe & Restaurant。餐廳環境寬敞舒服，坐位夠開揚，好啱想靜靜傾計嘅兩口子。食物方面擺盤認真，外觀吸睛，我哋叫咗龍蝦汁大蝦粗管意粉、紐約客牛扒、兩款餐湯，加埋Americano同Latte。味道方面偏向創新，有幾樣食落去比較特別～可能係我哋口味慣咗傳統style 😅 但相信鍾意新派風味嘅朋友會幾有驚喜！⸻📍 餐廳資料：Stimulate Cafe & Restaurant屯門良德街3號豐連地下5號舖📞 5362 4557🍴 主打西餐／咖啡店🚘 自駕前往方便，近V City／屯門站步行約10分鐘📅 用餐日期：2025年7月8日💰 總消費：$290（2人，已連加一）🧾 人均消費：約 $145⸻🍽 餐點內容：　•　轉轉蝦湯＋包　$30　•　蕃茄湯＋包　$30　•　龍蝦汁大蝦粗管意粉　$138　•　紐約客牛扒　$74　•　Americano（凍）$34　•　Latte（熱）$44⸻💑 情侶位推薦指數：⭐️⭐️⭐️（3/5）👉 環境靚、氣氛舒服，食物造型出色～如果你地都想探索下屯門嘅新派cafe，可以一試！⸻#屯門 #StimulateCafe #情侶撐枱腳 #西餐廳 #咖啡店 #龍蝦汁意粉 #牛扒餐 #咖啡控 #拍拖好去處 #別開生面系列 #香港情侶 #屯門美食 #eatingwithcowcow…查看更多

隔離游完水過去食，好方便就腳。食晚市，5:50分到門口宜家好多人排隊，食物質素好好，埋單兩個人唔洗500，呢個質素出面食應該要700幾。所以性價比非常高，環境舒服坐得唔擠逼👍🏻…查看更多

其實已經唔係第一次食呢間餐廳⋯今次見6月出新menu.同男朋友心思思又黎食一次啦！ 好啦～ 夜晚8點幾都仲叫到 每日限量發售的台式香菇滷肉鹽酥雞煲仔大利飯，就叫黎試下佢。 用意大利飯嚟整台式嘢，味道又幾好食比想像中更加match ⋯但兩嚿鹽酥雞啲皮厚到不得了⋯又厚又硬（並唔係脆）⋯⋯ 跟住，男朋友上次食過紐約客牛扒$138覺得還好，今次一於試下佢既美國極黑牛肉眼（$328）。由於係佢成個Menu最貴嗰個餐，所以都有啲期待！咁睇搜尋網站都知，極黑牛已經係都幾靚既牛同部位都相對比較淋身 結果大大既失望呀！佢上碟已經切好咗（已經覺得古怪⋯因為上次屋企人嚟食係要自己切，而且上次屋企人話好好食）， 點知⋯⋯ 原來係相片右手邊既底有好多肥膏/根⋯ 所以要切好比我。 掩眼法。大家睇下下面張相就知⋯ 一嚿牛扒裏面有超級多肥膏。 咁都可以出比客。 而且其他有肉既肉質超級嚡🥹⋯⋯ 並非佢聲稱油脂比較均勻⋯ 而係油脂喺歸曬邊⋯ 唔知佢用咩煮法啦⋯⋯ 反正d肉系唔好食ga ! 呢碟main dish 就收$328 完全覺得性價比係零。 我中途發現原來牛肉下面全部都係肥膏既時候已經有同職員講返，我覺得咁都可以出到菜⋯唔係好接受到！職員回覆： 肉眼係比較肥，今批啲牛返得唔係咁靚。 然後講左句sorry～ 我都回覆職員：ok 我都係同你反映返～ 食完真心唔開心，埋單走人，埋單仲問我哋：咁其他菜ok ma? 咁以上嘅食評包括鹽酥雞我都重複有同職員講多次。所以我唔係食完野喺背後放暗箭。 至於意見接唔接受就睇佢地有幾重視客人。…查看更多

最近朋友生日，佢鍾意試新野，所以我帶佢嚟呢間餐廳試下。呢間餐廳有brunch同main course選擇，我哋揀咗幾款食物，一齊share😋前菜有餐湯+餐包+素沙律，仲要係無限量供應。我哋見到海鮮酥皮盒，好吸引，所以升級試下❤️喇沙三重蟹煲仔寬條麵🦀🍝，有2隻蟹鉗，蟹蓋仲要塞滿蟹肉，好滿足。寬條麵配合醬汁好惹味😍紐約客牛扒配薯菜🥩，牛扒5成熟，啖啖都有濃濃嘅牛肉味，好正😍小食炸蝦多士配喇沙汁🍤🍞，一口炸蝦多士加埋喇沙汁，真係有錦上添花嘅作用😍甜品焦糖燉蛋配雪糕🍮🍦，估唔到係豆腐雪糕，淡淡嘅豆腐味，再加上甜甜嘅焦糖燉蛋，絕配😍飲品方面，我哋叫咗海鹽菠蘿梳打🍹，焙茶奶☕，味道ok。呢間餐廳仲有其他食物都好吸引，下次一定會再嚟試下。…查看更多

是日餐湯是羅宋湯番茄味香濃開胃素沙律是冰菜,車厘茄,青瓜片伴胡麻汁第一次生食冰菜口感十分爽脆 但沒有什麼味道比較喜歡普通西餐沙律菜帶有淡淡苦味前菜可以refill所以份量比較少我們吃了兩round這個idea很好不會浪費食物主菜牛肝菌寬條麵味道比較清淡欠缺菇菌嘅香氣喜歡主廚選用特色意麵 另一個主菜是羊T-bone味道不錯可惜兩件都比較肥切去了三成膏脂後肉很少適合能吃肥肉嘅朋友伴菜又是剛才的冰菜和車厘茄還好配了個焗新薯覺得配翠玉瓜有點奇怪好像西蘭花會比較match飲品是凍Americano和柚子蜜合乎期望對主菜略有失望這晚售完的韓式炸雞煲仔意大利飯會否更對胃口有緣再來的話 希望不是只有冰菜來了這小區幾年小店能做出美食 掌握好成本街坊絡繹不絕…查看更多

主食意粉/意大利飯$60/$68（加一）包餐湯餐包/沙律（無限添）、咖啡/柚子蜜（其他飲品半價）餐湯係有誠意嘅蘑菇湯，滿滿蘑菇🍄‍🟫餐包係已夾附牛油嘅黑糖包如果牛油係由自己決定加唔加會開心啲🙂‍↔️我就叫咗蝦醬雞肉粗管粉好香蝦醬味，份量夠晒大份飲品加錢試下草莓抹茶攪勻佢飲第一啖冇乜抹茶/草莓味擺到尾先飲反而就出味啲如果草莓味再出啲，可能會再好飲啲總括嚟講，環境食物同價錢成正比想平靚正食個full西餐，會推薦呢間…查看更多

假期一個人去小店relax下 本身都預咗cafe一定係貴夾唔扺食 抱住chill下嘅心態入去 結果好有驚喜Menu上面樣樣都幾吸引 最後揀咗parma ham guacamole egg Benedict 牛角三文治 跟個沙律 首先 沙律用冰菜 冰菜生食原來係好爽脆 葉身夠厚 水份夠 醬汁除咗日式胡麻醬 仲加咗啲herbs同新鮮蕃茄 好味到牛角三文治 超級足料又大份 味道豐富又唔搶 食到中間有幾啖食到類似開心果醬咁嘅果仁香 推薦大家試呢個！ 啡味道正常 嗌咗expresso tonic $38好抵 平時出面至少$45up 最後雖然好飽 但唔執輸叫多個cinnamon roll加雪糕 造型好可愛 非常滿足特別要多謝侍應們 本身係門口等位嗰陣見到佢地無乜表情 少少惡咁 但當我自備咗外賣盒 想買多個意粉走 佢地包裝好之後再三提醒我個外賣盒蓋冚唔實 仲好好咁加咗橡筋俾我 又提我要小心啲拎 超細心 兩個主菜 前菜任加 有啡 有甜品 埋單唔洗$200 抵到爛 會再嚟！…查看更多

見到網上好多人都讚呢間餐廳，終於搵到時間來試下啦餐廳menu做的套餐係前菜+Brunch/主食+飲品前菜如果揀是日餐湯+餐包或者素沙律，都可以無限供應做完前菜來講，呢個沙律真心唔錯，係用冰菜整的，同平時食到的前菜沙律比，對我個人來講，呢個真係無得輸！！是日餐湯真係驚豔到我，平時我好少飲西湯，但係呢個湯我試飲真係經驗到我，唔係罐頭湯hea客人。餐包，我就覺得味道同outback個黑糖燕麥包好似，我個人來講係好鍾意食！！呢個蟹子蟹肉義大利飯，分量夠，而且一d都唔流，比平時食的義大利飯更對我口味呢個牛扒味道都唔錯，但唔似前面的菜式咁驚豔到我，但都真係唔錯，而且配菜係用冰菜，車車厘茄，脆肉瓜同烤焗薯，就幾match的搭配 野飲本身配美式咖啡/柚子蜜係唔洗加錢，其他飲品跟餐就半價。柚子蜜味道啱好，比較清甜。Expresso Tonic就發揮正常。整體來講，呢間餐廳性價比好高，呢個價錢食到呢個質素，可以再encore。希望餐廳可以一直做落去，比我地呢d普通市民多個高質選擇！！…查看更多