Spice of India Restaurant

Best indian restaurant in ladies market, Mongkok. Can get varities of indian food and good service.The food is amazing! Did not understand some terms on the menu, Staff warmly explains and recommends according to your preferences.Had a great experience after a long day of school. Portion size is also very generous. Would definitely try out their happy hour menu if it weren’t a Thursday night!Overall great service and delicious food. The restraint is clean and spacious.One of the best Indian food I’ve ever had!!Food was awesome and authentic. Especially combination of biriyani and lamb curry was beautiful.Most importantly staff were very friendly and kind.If you want something authentic, here shouldbe on your list!!…查看更多

本身行過想食咖哩,但係見到旺角咖哩評分好低於是就想睇下仲有咩咖哩可以食,喺google地圖發現呢一間於是有試一試結果有驚喜,佢個瑪莎拉羊肉好好食羊肉燉到爛曬入曬未個瑪莎拉酸酸辣辣,辣度亦都唔搶風頭啱啱好少少地勁送飯或者餅,個羊肉吸曬瑪莎拉嘅味道,最後餐飲方面我叫咗一個瑪莎拉奶茶整體嚟講不過不失有香料味我個人就鍾意辣少少有啲胡椒喺面不過佢冇,不過嗰個整法都唔同嘅 價格方面我食咗110蚊 加咗十蚊嗌個瑪莎拉奶茶,你話抵食嘅話我覺得還好但係如果味道方面同埋風情上就真係唔錯嘅行過諗唔到食咩可以試下開下胃口佢個位置都算方便廣華街對面行入去就係我覺得行過可以試一試唔使成日走去嗰個旺角咖哩👌🏻…查看更多

旺角最強印度咖喱店，叫咗個牛肉，嗰種勁多香料甜辣酸混雜嘅咖喱氣味真係令人欲罷不能。太好食，只可惜太少人知希望有多啲人知道黎食，鍾意咖喱㗎你一定唔可以錯過，晚餐牛肉咖啡 黃飯$88…查看更多

喺旺角開嘅印度咖喱店人氣唔會比尖咀高、但都試一試睇下。舖面一般、但有啲大卡位。【 Keema Matar 】見到有款免治肉青豆、幾有興趣叫咗。呢款第一次食有新鮮感唔錯。【 Chicken Masala】呢款好一般【 Basmati 】【 Naan 】呢個真係令人驚訝切開面頭嗰一兩塊Ok、之後就係咁樣☝🏾Have You Ever Seen Like This? How come ?!另一半係爛嘅、見到都唔開胃。我冇食哂、等佢自己睇返°我從未見過印度舖整Naan可以整得咁差嘅。話晒佢哋自己國粹之一都可以咁、咁即係叫我唔駛再嚟啦係咪？！P.S set meal 加野又話有優惠又計我正價、一轉一轉配搭就唔識計返優惠價俾客...試菜完畢、冇下次～👋🏼…查看更多

本來冇諗住咁快再食，但上次嚟見餐牌有芝士菠菜，礙於佢較貴（$95），冇食到，加上想帶老人家試下印度菜，於是星期日再過嚟。以為星期日lunch時間鋪頭會多人啲？嚟到時都係得1-2檯客。以為假日冇set lunch？佢不但止有，menu同價錢仲同平日一樣添。今次3個人，試另外2款午市套餐，加配芒果乳酪，仲散叫芝士菠菜。西式蕃茄湯：餐湯唔係上次黃色的豆湯；好香蕃茄味，似茄膏，辣辣地，開胃咖哩牛肉：好似係最貴的套餐，但亦只係$63；咖喱香但唔辣，辣度低過餐湯，都好食Green onion naan：同上次一樣，好食雞肉炒飯（冇影相）：呢個餐$55；我冇食，炒飯睇落去唔算係粒粒分明，有少少「淋pat pat 」咁，少少失望，而且冇乜特色芝士菠菜：$95，但唔大碟架；佢用料始終簡單，亦唔係貴價食材，所以真係有少少貴；好食，味道非常溫和，易入口；硬芝士似豆腐乾，食落同其他印度餐廳好似有少少唔同；配烤餅食唔錯，只係接近2個set lunch的價錢，性價比唔高~~芒果乳酪：跟餐加$20，推薦！飲品濃稠，有芒果味，老人家都話幾好飲如果今次冇散叫，只係安安分分點午市套餐，我會覺得超值，始終係假日出街食飯，唔少食肆都會有weekend menu，而呢度就同平日一樣，明碼實價，免收加一。點餐時，因為我哋點的其中一個餐係雞肉炒飯，所以，我問老闆（估計係）呢個餐仲有冇得配naan，佢答話個餐係飯，冇得額外再跟白飯/原味烤餅/green onion naan；於是，我哋就話咖哩牛肉果個餐就跟green onion naan~食物送上時，發現老闆好慷慨，送上2大件（切成8小份）green onion naan。當餐湯送上後，因為我哋係3個人2個餐，所以只得2碗湯，我問老闆攞多隻碗，諗住share，但佢聽到我話要碗，就直接話俾多碗湯我，所以我哋最後唔使分，可以一人一碗。今次帶埋老人家嚟，喺食嘢過程中，老人家講咗好幾次：「咁樣做唔做得住架？」因為餐廳客少，加上價格咁抵的話，都唔知賺乜喇~~雖然喺食物方面，今次的雞肉炒飯望落好似麻麻，而呢度的咖哩可能要遷就香港人口味而唔太濃烈、唔太刺激（有啲人可能會覺得溫溫吞吞咁），不過，整體嚟講，餐廳的性價比喺而家的消費下已經無得頂，希望佢越做越好啦！…查看更多

同狗狗爸爸超肚餓行經通菜街，見呢間餐廳有素咖哩set lunch🍽️，毋須加一，仲無限添飯🍚（亦可以揀原味/薑蔥烤餅），馬上入去坐低。通菜街兩邊勁多食肆，有新有舊，搵嘢食唔難，但好少見有咁經濟實惠的選擇，好似素食咖哩午餐只係$52😮！餐湯🥣：細細碗，稀稀哋，少辣，好飲；似豆湯，估計有雞湯底；我食旁邊素，今次照飲，下次會問下成分先土豆甜玉米咖哩🍲：咖喱杰身，小辣，易入口；粟米都多，薯仔一般咖哩雞肉：狗狗爸爸點；咖哩入面有切塊薯仔；咖喱冇我果款咁辣，微酸，同樣好食原味烤餅🫓：切成4小件；因為有太多嘢食，外帶咗Green onion naam🫓：有人譯「薑蔥烤餅」；餐牌得英文，我以為係用普通洋蔥製作，原來係用青蔥，之前未食過，覺得幾特別，有新鮮感；饀料豐富，蔥有咬口，有飽足感白飯🍚：冇影相；係呀，仲有碗飯，因為落單時點咗飯同薑蔥烤餅，但老闆送錯2款烤餅，佢話如果食到，就唔使退啦，佢再俾咗碟飯我哋整體嚟講，餐雖裝修有異國色彩🤩，好似進入咗另一個國度，雖然陳設舊舊哋，但有特色；洗手間🚽同通道乾淨企理，衛生程度ok；老闆好人，唔計較，除咗送白飯俾我哋，我聽到隔離檯客喺餐牌點咗個主菜後，問佢印度奶茶係點整同咩味道，佢二話不說就話送杯佢試；午餐🍽️，雖然唔包飲品，但罐裝汽水🥤只係加$6，午市仲唔收加一。食物的味道唔錯😋，性值比極高💯👍🏻。睇番Openrice，雖然少食評，但一致唱好。當我哋食嘢時雖然只得1-2檯客，但見有南亞裔人士幫襯，啲食物應該幾正宗。離開餐廳時，見外面玻璃門貼咗3個廚師🧑🏻‍🍳🧑🏻‍🍳🧑🏻‍🍳的來頭，佢哋都喺酒店工作過。呢度的晚市套餐亦唔算貴，希望快啲有機會再嚟試下🙇🏻。…查看更多

咖喱汁濃厚，香料味唔會好重，如果你係初試印度菜唔知岩唔岩自己口味，可以一試。肉食份量唔算好多。淨係份汁已經夠晒送份薄餅同油酥餅，個人比65分！味道可能唔及尖沙咀重慶，都及格啦。白咖喱羊，味道溫和，香滑。辣椒雞，味道重少少.......印藉侍應問我地食唔食辣......完來唔係好辣，等等仲好期待！幾開胃。天多利燒雞，講明唔好燒咁乾，做到野，可惜味道偏淡。細細件果個脆片加埋個薄荷醬，好味。原味薄餅＋酥餅，一定要食原味先試到咖喱既香/濃，如果叫蒜蓉/芝士就爭少少喇。印度啤，清清地 幾好飲。$25/支，經濟！唔計啤酒，食物只係$460。…查看更多

店面好乾淨，咖哩雞/牛份量足，個人覺得雞好食啲。另外，香蒜烤餅都好好食，有啲蒜粒係面勁香，至於Papad都好好食，足料又香脆👍個人覺得呢間係間用心既小店，店員會間中行過來問啲食物好吾好食😆😆。…查看更多

🥘ᴄʜɪᴄᴋᴇɴ ᴄᴜʀʀʏ｜咖喱雞配Naan💰$（跟lunch set）🥟sᴀᴍᴏsᴀ｜咖喱餃💰$35🐟ғɪsʜ ᴛɪᴋᴋᴀ｜香辣燒魚塊💰$98🥭ᴍᴀɴɢᴏ ʟᴀssɪ｜芒果乳酪💰$35.⚡️🇮🇳印度菜素來出名香料豐富，今次興致勃勃走去旺角試下，對🥟咖喱餃印象深刻！外層炸得金黃酥脆，目測內饀有薯仔+扁豆🤤，配上薄荷醬食恰好平衡油炸嘅膩，絕對會食過翻尋味🥰.⚡️食印度野必嗌🥘薄餅Naan，呢款Naan都幾香口，配食嘅咖喱偏向香港人口味，香料味唔係特別重；🐟香辣燒魚不過不失，有機會下次會試牛/羊～.⚡️PS店主好nice好好客～…查看更多

餐廳有set lunch 同set dinner 當日食夜晚set dinner 可以揀一個主菜配薑黃飯或者烤餅naan 😋😋加配lassi都係$15, 抵飲！！叫左芒果同香蕉兩款試下，香蕉味好出好新鮮， 芒果個杯甜度岩岩好之後叫左個前菜小食：咖喱角雜匯 samosa chaat係薯仔咖哩角加上鷹嘴豆奶酪同埋一啲醬汁識落酸酸地好開胃👍😝😝到主食有瑪莎拉雞同咖哩牛尾咖喱牛尾必試！！！炆得入味而肉質嫩淋而薑黃飯加入香料一齊煮，喜歡香料味既人值得一試👍👍老闆迎合左香港人嘅口味，所以兩款咖喱都唔係太辣😌😌…查看更多

👧🏻😋👅🍽✨通菜街有心印度菜🥰-Spice of India Restaurant 🇭🇰 旺角通菜街2A號鴻光大廈地下M舖 🇭🇰-🇮🇳有卡位環境好！雖然樓面唔算好多人, 但都好有反應同快手, 出餐都好快趕時間都可考慮🇮🇳 門口貼左set dinner menu但入到去係只俾a la cart menu 🤣 記住要問佢拎或者好似我咁影左出面直接叫先醒目🤭-🍛🐟🫓 Fish Curry with Naan 咖喱魚配印度烤餅 $85💯黃咖喱唔算好重香料味, 但好香甜, 魚柳較腍身好索汁💯Naan有三大塊勁開心, 每人都食到一塊半, 發酵成熟超級外脆內軟熱辣辣好正-🍛🐐 Lamb Korma with Pulao Rice白咖喱羊配印度黃飯 $90✨好似冇乜見過印度餐廳有白咖喱, 原來係用白腰果整嘅好重果仁味✨羊肉份量唔少, 大大舊但又好腍-🥭🥛🍌 Mango Lassi $15 （飲咗兩啖先記得影😂）Banana Lassi $15💯Mango Lassi就間間印度餐廳都有, 佢呢個比起我飲過嘅冇咁酸, 芒果係扁身香甜嗰隻嘅味, 好飲💯Banana Lassi就比較特別, 食得出係用咗比較生同酸嘅蕉, 同濃味咖喱好夾, 不過飲完芒果再飲香蕉就覺得酸🤣 掉轉OK-…查看更多