Spago

一行人預訂了這家意大利餐廳，環境是燈光昏暗，裝修有情調。食物選擇豐富，我們享用了以下美食：辣肉腸薄餅（$158）辣肉腸有鹹香之餘，只算微辣，易入口。蕃茄醬清新怡人，餅底香脆。蟹肉蝦肉意大利飯（$168）份量極之多，夾雜了新鮮的蝦肉及蟹肉，味道帶點海鮮的香氣。飯粒外軟內硬，充滿口感。肉醬千層麵 （$168）剛烘焗的千層麵，溫度極高，蒸氣冒起，香噴噴。牛肉醬味濃，千層麵嫰滑。燒西冷牛扒（300克）（$248）擺盤精美，牛扒煎至5成熟，仍鎖緊肉汁，質感嫰滑，肉紋整齊。配菜的薯條香脆但不算油膩，其他蔬菜爽口。意式慢烤豬腩肉（$188）入口出奇軟滑，肉質一梳梳，亦吸收蜜糖汁的甜美，絕對有驚喜，一吃難停。意式朱古力蛋糕（$78）溫暖的朱古力蛋糕，味道極濃。配了一球微甜的雲呢拿味雪糕🍦，冷暖交融，是最高享受。法式焦糖燉蛋（$68）表面焦糖香脆，燉蛋軟滑，甜度適中。服務方面，店員人手充足，效率高。…查看更多

繼上次試咗SPAGO嘅Happy Hour之後，今次決定再encore，除咗Happy Hour飲返杯，仲叫埋個Pepproni Pizza🍕，睇吓佢哋嘅食物質素如何！Happy Hour去到9點，嘢飲$45起，真係抵飲！環境方面，室內室外都有位，無論想cozy定開揚都滿足到你！服務態度依然好好，職員好細心周到👍🏻！我哋叫咗杯House White Wine ($45) 同Gunnies ($55)，House White Wine清爽易入口，Gunnies Gin味十足！主角Pizza🍕終於出場！Pepproni Pizza餅底薄脆，配料份量都幾足，味道唔錯，不過略嫌芝士可以再多啲！整體嚟講，SPAGO嘅Happy Hour同Pizza都幾唔錯，價錢合理，環境舒服，嘢飲選擇又多！灣仔海旁附近想搵地方chill吓，SPAGO絕對係一個好選擇！#思思賢 #Chillmybabe #灣仔 #wanchai #happyhour #收工 #放工 #飲酒 #chill #SPAGO #wine #beer …查看更多

多人聚會，可以嘗試不同套餐精選當點餐後先上烘熱的麵包🌟每日一湯（羅宋湯：味道淡淡及有少量蔬菜）🌟前菜✨菠菜芝士焗蠔很新鮮肥美的蠔，配上香濃芝士🧀菠菜忌廉一起焗，別有一番風味✨煙三文魚凱撒沙律🥗新鮮的沙律配上煙三文魚，清清地將胃口打開🌟主菜✨香烤肉眼拌龍蝦龍蝦🦞好易就拆下，啖啖肉，肉眼扒5成熟，嫩肉可口亦可以食到飽✨西班牙黑毛豬扒豬扒軟硬適中亦可配上醬汁，味道別有一番風味✨香烤魚柳魚柳鮮甜再配上醬汁，更味道可口🌟甜品✨朱古力果仁蛋糕🍰味道濃厚的朱古力配上果仁又有嚼口總括來說：環境寬敞、服務有禮如果有優惠時 $298/head份量和食物質素CP值都幾好…查看更多

性價比幾好既餐廳for 晚餐celebrations餐廳位置灣仔, 位置算方便易搵。前菜: 本來想食鵝肝配香煎帶子，結果冇晒鵝肝，換左做豬腩肉，煮得好腍好食，帶子熟度都做到半生，好有口感。主菜: 龍蝦意大利飯同肉眼扒配龍蝦都係正常西餐質素, 並唔係「扒房」質素。勝在份量都ok, 配埋送既麵包同甜品都幾飽。總結: 餐廳環境幾光猛寛敞，如果有優惠時 $298/head 份量同食物質素性價比都幾好。可考慮for celebrations食…查看更多

節日浪漫, 去了灣仔海旁的三里屯, 這裡有多間餐廳及酒吧可以選擇, 環境中尚, 價錢實際, 今晚去 SPAGO,  感覺系間有誠意的餐廳.  接待員及服務員相當有禮.檯上的設計, 用了紅玖瑰花瓣, 簡單又帶點浪漫.   我們點了  Set dinner ,  套餐包括  4個  course.   還送意大利氣泡酒, 紅, 白餐酒.落單後, 服務員即送上自家制麵包.接著送上意大利氣泡酒, 紅酒.前菜： 3揀1 ,   我們各點一款.菠菜芝士焗蠔,  焗蠔好大隻, 芝士味香濃.    生蠔鮮甜美味, 伴上菠菜芝士和忌廉汁, 好好食. 24 小時慢烤豬腩肉伴香煎帶子, 擺碟靚.烤豬腩肉, 外皮香口, 肉質稔滑, 伴上巨型帶子, 組合非常好, 口感有層次.  帶子煎得又香又滑. 主菜：6 揀1朋友點了  香烤牛柳伴鵝肝,  配上烤蔬菜和燒烤汁. 餓肝煎得香脆可口,  外脆內軟！  香烤牛柳剛好五成熟, 肉質鬆軟而豐腴, 牛味濃郁, 沾上特製烤汁,  很 好食.法式油封鴨腿,  一個好正宗的法國菜.  擺碟好美,  鴨肉煮得好稔, 保持鴨香味而不油膩,  皮酥肉嫩.餐後甜品：朱古力蛋糕, 朱古力不會過甜, 雪糕香滑美味. 還有咖啡/茶,  大家都點了熱熱香濃的檸檬茶. 這個晚餐份量足, 由前菜 主菜鴨,  至甜品,  都好滿意. 食物及廚藝有水準,  節日價錢實際, 招呼友善, 我們會再來.…查看更多

一班同事lunch 約了12:45 準時到，落完order 13:50 先食到主菜 ，10分鐘食完後趕返去公司。 甜品都無時間食。無下次 sorry no next time Wait too long for food during lunch time 環境好吵，細檯都聽唔到對面講野。好想快點走Noisy environment cannot casual talk and just not the mood of good restaurant want to leave while awaiting food …查看更多

Set dinner 個湯（西蘭花）同熱嘅麵包(+黑醋橄欖油）已經好好食。頭盤叫咗帶子+鵝肝，帶子上面有魚子醬，鵝肝上面嘅果醬酸甜適中，所以唔會漏。主菜叫咗龍蝦+牛扒/羊柳(薯菜係烤蘿蔔/南瓜/西蘭花/薯蓉/薯條）龍蝦唔係好大隻但勁多汁好好味，感覺用好濃嘅湯烚過咁，肉太多食到好飽。甜品係熱chocolate fudge cake+vanilla ice cream 每人$298（未加一）好抵食。Happy hour 飲品$45…查看更多

今日嘅午餐揀左呢間餐廳，佢嘅set lunch由$138起，性價比非常之高，西冷都係$159，同埋環境好舒服，座位之間都唔會太近。今次叫左Fish Fillet，前菜揀左湯，今日嘅餐湯係紅蘿蔔湯，初初驚會好重蘿蔔味會唔岩飲，但最後成碗飲哂幾驚喜，佢跟餐會有埋1片麵包，佢個質感好好食！！主菜嘅魚有兩大塊，煎到好香配埋個檸檬牛油汁係絕配，最欣賞嘅係佢嘅配菜，樣樣都好好食煮得好入味，個南瓜係超級林同埋甜！最後可以揀甜品或者飲品，因為太飽嘅關係所以揀左咖啡，未有機會試到佢嘅甜品，下次會再試試。…查看更多

好有質素嘅意大利餐廳，我哋因為太夜食，叫咗個set dinner同我個朋友一齊食，個risotto海鮮飯好味道，食材新鮮，除咗味道之外，擺設都好靚，色香味俱全正宗意大利餐，環境氣氛都非常唔錯！…查看更多

其實在這附近的餐廳及餐牌的設計都好似,我諗緊佢哋其實係咪同一集團Set lunch 價錢定價都不貴,點餐後先送上烘熱了的麵包,今次點了餐湯,係椰菜花湯熱喇喇的味道也不錯主菜我點了魚,略為清淡,加了檸檬就好很多了,反而配菜味道還不錯同事們都叫了牛,見份量也不少配薯條之後他們叫了餐飲我就叫了甜品,係桃味蛋糕加雲呢拿雪糕,蛋糕是暖烘烘的,未係最好味但有誠意啵午飯時間真心見到職員好忙碌,好少執枱但都算幾attentive,見有需要都會即刻行過黎…查看更多

以為Wanch 已夠平靚正，怎知 Spago 也是Hidden Gem。Lunch 是$139起，一看送來的西蘭花湯，我已知沒來錯，份量十足，似時興一小碗，還要得半碗湯，兩啖吃完，那寒酸，令客人未吃主菜已覺得自己身世可憐。這裡的湯祇大，是要熱濃creamy，配的麵包是鬆鬆的，點olive oil and vinegar 非常開胃。我的主菜pea and shrimp risotto 是平實版，蝦不少，大大份，如果pea 是溶在汁內就更好。友人的龍蝦沙律，是大份得嚇人，菜非常fresh and crispy。甜品peach cake 也十分generous ，有ice cream 伴，還認真plating!…查看更多

Lunch time想食西餐，會展附近有幾間西餐廳可以選擇，呢間星期日都開，望入去餐廳環境好高級，中位價錢又唔算太貴，即管試下。蘑菇湯配埋頭盤塊麵包，好飲主菜fish fillet 有兩大塊，食完好飽甜品有雪糕配桃蛋糕，酸甜好味食完指數開心上升…查看更多

Happy Friday放工同d同事chill下，係公司附近灣景中心有好多選擇，最後揀左”Spago”入面燈光柔和，播住音樂，氣氛唔錯，坐位闊落Snacks 好抵食8點前有Happy Hour💰$68 Hot Wings香脆，熱辣辣💰$48 Cajun French Fires香辣粗薯條💰$98 Cajun Calamari 香辣炸魷魚🦑，呢個好味😋💰$158 Proscuitto E RoculaPizza有Parma Ham、火箭菜、Parmesan同Mozzarella 芝士配番茄醬💰$248 BisteccaRibeye配什菜，over cook，比較靭總結會展站一出就到，位置方便，環境、氣氛不錯，適合朋友聚餐，小食吸引，價錢略平，員工夠但游魂😅可以一試！…查看更多

會展站相連嘅商場有唔少西餐廳而且係有outdoor位價錢都唔算太貴 頗適合同同事/老細lunch今次Idiot就試咗其中一間 lunchtime唔需要等位~雖然食物質素一般但3 course lunch set都只係百幾蚊 性價比算高~👩🏻‍🍳Idiots食過就算  ⚡️ Crab Risotto $149賣相唔太吸引 但勝在份量多Risotto比平時偏濕海鮮主要係蜆肉同蟹柳唔太豐富 亦都冇海鮮味Idiot揀咗是日甜品 係朱古力蛋糕配雲尼拿雪糕不過不失 但唔建議浪費卡路里喺佢度:)…查看更多

I recently had the pleasure of dining at a new Italian restaurant and I must say, it was an exceptional experience. Not only was the food absolutely delicious, but the service was top-notch and the prices were incredibly affordable.One standout dish was the chicken parmigiana, which was expertly prepared with an extra crispy coating and bursting with flavor. The Baramundi was also a highlight, with a well-prepared and flavorful presentation that rivalled that of a Michelin starred restaurant.But what really impressed me was the attention to detail in the presentation of both dishes. The stylistic presentation was simply beautiful and added an extra level of enjoyment to the meal.And despite the high quality of the food and service, the prices were very reasonable, making it an excellent value for the money.Overall, I highly recommend this new Italian restaurant for anyone looking for a fantastic dining experience. The combination of great food, attentive service, and affordable prices make it a real gem in the restaurant scene.…查看更多