SOS CSW

营业中

休息中

啡好飲，咖啡豆好抵，店面比較細但五臟俱全。店員好好，次次都有耐性介紹啡同豆。平日都係返工中間鼠出嚟嘆杯啡就走，係長沙灣呢個又嘈又忙嘅大街有個淨土真係好好。希望有一日可以多啲時間試吓意粉同bagel，賣相好吸引！

一直以來都搜羅好食嘅手工意粉，偶然發現到呢一間，正正就係我好鍾意食嘅寬面手工意粉，好有咬口，基本上四隻意粉都試勻晒，最驚喜嘅係我唔鍾意食蕃茄意粉呢間都整得好好食，連同我一齊去嘅朋友仔都話一試愛上冇誇張🙈同埋其實呢間嘢最主要係飲咖啡？可惜我唔太飲咖啡，但佢有杯泡泡茶都好好飲係有驚喜，另外夜晚仲會有酒，餐廳外面仲有幾個座位，同兩個朋友坐喺度小酌一杯傾吓偈都幾chill～仲有試過佢哋嘅焙茶巴斯克蛋糕，唔會太甜都好好食～

主力畫香港本地小店美食~菇菌忌廉手工意粉 $108Mushroom Cream Sauce Handmade Pasta特調黑朱 Dark Choco $48偶然想搵間cafe坐低畫畫✍🏻發現呢間開到凌晨十二點嘅迷你咖啡店坐落寧靜住宅區嘅街角 喺度飲嘢幾有feel🤙🏻除咗咖啡之外仲有手工意粉、貝果同蛋糕賣手工意粉係闊麵 厚度適中 有咬口菇菌忌廉醬採用新鮮蘑菇🍄‍🟫草青味偏重 中意菇味嘅會覺得正！.Expect特調黑朱會好濃黑朱古力味🤣原來係落重奶嘅朱古力 好滑 但比奶味搶咗fo.8:00pm後開始供應夜啡 仲有cocktail飲🍸可以request調酒師按個人口味推薦飲品啱晒一班朋友食完飯🕺🏻搵下場繼續吹水！.評分💫：味道：3.5/5環境：3/5 價錢：4/5

平日比較少會到長沙灣因為工作緣故 所以來到這附近打算先食個早餐飲杯咖啡再工作找找才知道這邊比較少開得早的咖啡店在Google map找到這間店就進去試試 沒想到很有驚喜🤩🤩首先店員姐姐很親切友善會主動介紹剛出爐的麵包🍞那天剛好是牛角包新鮮出爐所以就叫了個原味牛角包🥐配dirty☕️（$58）牛角包🥐因為新鮮出爐 口感不錯 已且灑上了糖粉 即刻令牛角包昇華了不少最驚艷的是杯dirty 雖然較預期細杯但咖啡味濃而香 且夾雜一點點酒香店員姐姐還會介紹咖啡豆的口味感受到無論麵包還是咖啡店員還是很用心製作❤️❤️❤️所以…我之後一個星期又來了今次剛出爐的是辣肉腸Bagel🥯本身好怕食辣肉腸 因為好多時都偏鹹但Bagel鹹到適中 而且外脆內軟加一點點的煙韌感 讓我對辣肉腸有新的體驗如果下次再去長沙灣一定會再次幫襯

呢個角落頭舖一直係做cafe，最近發現轉咗手，睇睇個menu，竟然有自己造嘅手工意粉，決定試下。揀咗鮮蝦番茄汁意粉，加多杯熱Mocha。Mocha到先，咖啡師妹妹話佢哋有姐妹店喺寶琳，用嘅咖啡豆係自家炒，朱古力醬都係自己拼配煮，係好香濃嘅黑朱古力風味，唔甜好啱我口味。舖頭係開放式廚房，所以一開始煮意粉就成間舖都好香。嚟到賣相唔差，茄汁唔似現成嗰啲咁水汪汪，勁掛汁；蝦似係新鮮蝦，都有幾多隻；重點係意粉真係彈牙，雖然有少少厚薄不均，但手工製食得出用心，有啲粗糙仲有feel。入咗佢哋IG睇下，今期有濃酒版嘅Tiramisu，忍唔住叫埋⋯⋯賣相係傳統風格，Cream打得好靚，偏濕潤，而啲手指餅吸滿晒咖啡同酒味，食完條脷有少少麻感，證明真係重酒！不過冇人同我share，淨咗啲cream食唔晒，有啲唔好意思。小店細細間，但真係好俾心機。唯獨想講舖頭冷氣有啲大，以前見過呢個舖位可以打開晒啲窗，變半露天咁，好期待遲啲佢哋都咁做，一定好舒服！希望你哋加油！