Sogo Cafe (已結業)

初二去銅鑼灣接咗肥髀先食午餐，落崇光地庫搵食，見呢間日式西餐廳外觀唔錯，門外有餐牌架，點知見到將會結業通知！感到可惜！入內好似舊時酒店西餐廳，花布單人梳化小圓枱！枱面嘅瓷糖罐都好雅緻！播住輕音樂，半滿都唔嘈雜！食物西式為主，款式唔算多！有三層afternoon Tea set!肥髀想食牛扒！叫一份分享餐湯：蘑菇忌廉湯：非常熱，忌廉滑，有粒粒蘑菇，好香蘑菇味！餐包：普通牛油餐包，烘熱咗，但麵包較乾！唔搽牛油食略乾扒美國安格斯肉眼配燒汁（$278）賣相靚，牛扒唔算厚，做到叫嘅5成熟，不過唔似肉眼，反而似西冷嘅質感，牛味濃，啲筋位都唔韌，配淡燒汁剛好，唔會搶走牛扒味，配菜蔬菜幾特別用旺菜、翠肉瓜同蘑菇片（似日式家常菜）蔬菜太淋！味道唔錯！薯仔燒過，質感略乾！自動跟多碗燒汁同芥辣！細心！味道幾好！迷你香蕉班戟（跟餐升級$19）賣相靚，班戟薄，入面忌廉滑，香蕉熟香甜，好味！萊斯特級牙買加藍山咖啡（跟餐升級$46）店員介紹好坦白，話佢哋用中級藍山咖啡，唔會好濃，微酸！上菜嗰下好驚喜，嗰個銀托盤好靚！（即刻高級晒）上面白瓷杯加牛奶罐好雅緻！咖啡夠熱，加埋奶及啡糖飲好香濃！剛好平衡了正餐嘅油膩感！店員斯文有禮！呢度速度唔快，悠閒但唔係hea! 只係上菜唔會急，慢慢等，呢度嘅整體速度唔似香港咁快！會好快回應招手！舊式日本西餐，可惜做到2月底就結業！…查看更多

有生日免費餐便試下此餐廳，地點在超市那層，我們坐下便發現冷風位（入坐時還有80%吉枱）而要求調位，餐廳經理居然回覆其他坐位是留給熟客的，印象巳大打折扣，信用咭公司請重新考慮合作餐廳好了。一個牛扒套餐要$3xx ，龍蝦湯水汪汪，而是日餐湯更是超難飲，只有牛扒還可以，但其他食物不值一提。二人以上就無需來，同一價錢會有更多選擇。…查看更多

不要來這裡下午茶，佢地隨意變更時間！本來應該是2奌半，但佢地話午市末完，要將下午茶時間延遲可能到3點！明明應該是2奌半的，鐘意就隨時變。叫客人本意來下午茶的要久等，真離譜！…查看更多

今日到了SOGO cafe lunch, 叫了個銀鱈魚套餐, 有湯有小菜有飯，味道很好，湯是雜菜湯，不鹹不淡。炒雜菜，銀雪魚個汁很鮮味。地方很舒服，不過人太多，很嘈雜，食物是不錯。…查看更多

SOGO行就行得多，去食SOGO CAFE就第一次喇水準真係好一般賣相也是好一般意粉軟硬度來得剛剛好，夠曬熱，但如果配料多D會好D，因為真係食意粉，面頭條沙律菜好似夾硬掉落去咁，賣相有D影響食物既感覺。件魚真係成塊排咁大，係魚柳來既，無骨既，但魚味就無乜，勝在啖啖肉而魚下面就係一碟絕對會食得飽既三色椒，番茄仔同埋飯飯覺得味道上略咸左少少整體一般…查看更多

下雨天，我與妹妹來到中環食個Lunch,食完一餐豐富的印度午餐Buffet後，搭港鐵去到金銅鑼灣Sogo逛街，其後停下來經過Soho cafe 歇下腳飲杯咖啡。去到一間日式cafe,總是愛上飲杯日式的炭燒咖啡，我個人點了一杯萊斯一級炭燒咖啡（$48），店員用虹吸壺煲煮咖啡，上枱時店員也為客斟倒咖啡，夠晒熱辣辣 咖啡香氣撲鼻，咖啡味道都好濃郁，口感都比較強，帶有一點甘香微微天然咖啡苦澀，就只覺有好微弱的天然咖啡酸味，好香醇，飲落順喉舒適。咖啡豆都較有質素，在此店飲下咖啡看下書而消磨下時間都是不錯的好地方…查看更多

Sogo cafe閙市歇腳處若是來Sogo 或附近購物，可先來此吃早餐，cafe 開十點，吃完可以去買個夠。Cafe 以前訂了多本日本扮靚雜誌，近期不知何故欠奉，大約是省錢吧😁此cafe 菜式其實好一般，沒什麼特別，服務一般，部分職員倒是常與熟客聊天，若你是熟客一定好滿意😝今天如常點個早餐，多士可改麥麵包，這個值得一讚。若要求不高，此cafe不失為一個歇腳處，休養生息一下再去血拼😜…查看更多

話說開啓了SOGO BOC 都幾年，而另一張BOC Infinite 咭也有生日到酒店優惠，再加上有每年生日都是honey 請食飯，（覺得自己生日反請人食怪怪的，因為我係咭主，我埋單）所以咁多年都無用過。之前有友人慶祝結婚紀念日試過另一間，所以就選了這間好幾次經過都無入去的cafe.Honey 先到拎了位，可惜sofa位和隔壁4合一拆開2張枱還有隔壁2位女士好嘈，辛好後來搬到中央大椅子的枱⋯⋯因為生日飯的關係只有魚柳或黑毛豬選擇。因honey choose 魚柳餐，所以我選擇了黑毛豬。近來熱愛的Pokemon , SOGO 都係pokestop而附近有gym,近來食飯之餘當然看下有無Pokemon 捉。而今晚食飯的時候時候 我就捉到亞洲地區限定「火蔥鴨（我都係鈡意叫京蔥鴨） 之前試過見到捉不到，今次又出現 仲升哂cp 由最初cp1xx now cp4xx @ 5xx , 仲見到2次， 呢歺飯因你而再高興萬分 今晚我仲可以用黃黑ultra ball 捉 可惜興奮到忘記開番AR 影相 唔係同你合照 之後出穿山甲就開來影一影🙆🏻🙆🏻😻😻😽😽…查看更多

叫左個白汁蝦肉意粉，白汁味好濃我最鍾意食呢隻意粉，質地煙煙韌韌，白汁味入曬意粉到，好味。蝦肉好爽口，不過味道淡左d洋蔥牛肉伴多士。洋蔥味好香，牛肉好嫩，好惹味，炒得好有穫氣，多士好脆…查看更多

同朋友行街攰攰哋, 走入Sogo Cafe hea一hea, 這是第一次來, 以前行sogo時, 都是主要入UCC飲杯咖啡, 都不知原來有一間叫Sogo Cafe。入這餐廳第一個感覺, 就係.......嘈~~ 見到客人的年齡層比較年長, 外觀感覺亦頗上等, 但冇諗過好似茶樓咁咁嘈~~講完題外話, 便入正題。我們兩人點了一份優雅下午茶, 主要是三文治及甜品為主。最低層是有鵝干, 煙三文魚, 魚子及鮮果蝦....等在底層配以法包片, 鵝干的味道有點像三X牌午餐肉, 我一向對鵝干都較抗拒, 但覺得呢個幾好味喎 煙三文魚不算特出, 過得去啦, 我唔食魚子, 所以no comment  至於鮮果蝦, 是以一個小碗盛住沙律菜及一隻蝦, 蝦是冇味的, 菜有點苦, 唔like最上層是以蛋糕甜品為主。Brownie好味, 唔會太甜  牛油鬆餅外層較硬, 但都富有牛油味, 都不錯 迷你鬆餅像是孖寶蛋糕, 唔like 芝士蛋糕味道都算OK, 都夠軟滑~ 講到呢度, 見到個餐牌冇寫芝士蛋糕, 但點解隻碟上面有既 ????? 當時見到都有不少客人點了這set下午茶, 食到咁上下時, 見到其他枱的最上層有兩個玻璃杯裝著的奶凍, 我們便立即問服務員那是什麼, 那時她才回答因為剛好賣哂奶凍, 才搭了兩件蛋糕來 :( 其實送來前是否應該問一聲是否想換其他, 又或是簡單通知一聲都好吧~ 講完最低層, 之後講最高層, 點解唔順住講中間嗰層既? 原因係你估都估唔到, 就係侍應生把整set下午茶端上來時, 竟然漏了中間嗰一層, 真係冇諗過會有咁既情況出現, 食食吓時才發現每枱都是三層, 但我們的是兩層, 所以才追問並補番給我們 中間的一層是三文治, 分別有芝士三文治及火腿三文治, 這樣的三文治應該最穩陣, 照理不會不好吃的, 但....三文治有些部份的麵包是乾咗的, 這份三文治真係連茶餐廳的質素都不如 :(:(:(:(慶幸服務員的態度算OK, 要不然更谷氣~~ …查看更多

今天實在是太豐富的節目, 不停的食及飲, 行街行到攰, 又飲嘢啦, 哈哈. 係SOGO行街, 所以係SOGO飲嘢.我們都分別飲果汁, 名字都好特別的, 愛伴, 綠野仙踪, 好得意的名字, 朋友叫左杯愛伴, 我叫左杯綠野仙踪, 愛伴原來係橙汁加蘋果汁等, 都好FRESH的, 幾好飲, 賣相都好靚的, 真的是鮮搾的, 同埋好大杯, 我的綠野仙踪就係奇異果加菠蘿等, 酸酸甜甜咁, 幾好味的喎, 好多奇異果子的. 賣相都好靚.有一個朋友叫左杯維也納咖啡, 大杯. 同埋好多CREAM的. 仲都話好味, 夠香咖啡味道. 加埋D CREAM一齊就啱啱好啦.另外兩個朋友飲花茶, 一個飲奇異果, 一個飲玫瑰, 成個壼上的, 用火暖住的, 仲要好大壼, 朋友話奇異果都幾好味, 但玫瑰就好甜的呀.這間餐廳都幾舒服的.…查看更多

話說姑姐有生日優惠 所以就陪了她一起來這家cafe 進去時看見有幾個人有門外排隊所以對這家cafe都有一點點期望:-) 首先來的是姑姐的牛柳粒意粉我嘗了一點 感覺沒什麼特別....都是意粉味吧😂而我就點了個牛扒我記得價錢好像是around $250 (不知有沒有記錯所以都有一定期望怎知....-_- 份量細到一個點....我要利申我並不大食 是正常女仔的食量但連我也不夠飽欸........而且伴菜是一些熟的菜和南瓜 (還挺熱的....味道真的有點不太配那牛扒....餐飲我點了玫瑰花和一些水果一起的茶可以加水 味道酸酸的 叫做還好吧...總結 這家店的性價比較低... 而且份量較小.... 希望日後會改善吧.....…查看更多

周末早上到這裡，其實都不算是早上了 (十點多鐘還算早上？) 因為慳妹想找個地方靜一下，嘗試慢活。走到SOGO地庫，看到這間店的裝飾有點兒優雅，找到一個清靜旯旮，點了一個早餐：磨菇奄列烘多士，配上熱奶茶。先端來熱奶茶，由侍者慢慢地逐件放置每件餐具：熱奶茶﹑銀色奶瓶﹑高身銀茶壺，還有一個精緻的銀隔茶渣器。整個感覺很優悠閒，我已經準備心情慢慢地享受這杯奶茶。奶和糖的份量自己來，小妹較喜愛多奶，入口來有多一點香滑的感覺。而這個蘑菇奄列，味道較為清淡，不過蛋煎得七八成熟，內裡仍有少量蛋漿，增加層次感。另外有蕃茄和青瓜各一片作為配菜，不如將它們放入兩塊烘多士中間，當三文治吧！因為周末早上的人潮不多，所以可以慢慢吃﹑和看書消磨一點點時間。這是一個幾好的經驗。…查看更多

大家都去過日式百貨公司，無論在香港又好，日本又好，日式的百貨公司，有野買，也有野食，當然，場內有不少餐廳 (有的是自家品牌，也有外來品牌進駐場內的)。是日，晚上在銅鑼灣想食下牛扒...(有好多選擇啊，為何要來 Sogo?)，自問得好，我也不知自己為什麼會來《Sogo Cafe》，而為的，只是想鋸扒。大概是，我想感受一下日本感覺的非日式西餐罷了。於是，我落到 Sogo 的負二層，在 Supermarket 的出口，找來這《Sogo Cafe》品味及點評一下。的確，這兒是一家正式及正宗的西餐廳，除把 "Sogo" 掛在店名上之外，我看不見日本的氣色，不過，這是我那一次在京都伊勢丹尋食時，尋找拉麵小路時經過一間百貨公司西餐廳，這《Sogo Cafe》，甚至是我之前去過的《Cafe S》同《La Serene Caffè》的感覺一樣。是晚，我為的是牛扒，而在檯上，有一個期間限定的推廣，是扒澳洲穀飼和牛配紅酒汁，店方推介，而且是澳洲和牛，感覺是值得一試的。牛扒，200g 的牛扒，亦即是大概7安士的牛扒，牛扒看起來好像很細，但是厚切的一片，雖不能滿足一名大漢，但對女士來說，是一個剛好的份量。其賣相好，可以讓男生女生，好有儀態，好有氣質地品味這一塊牛扒。食牛扒，我喜歡 Rare，這牛扒師傅的確做到了外熟內生的牛扒，這牛扒其實不需要伴汁，因為自身的肉味已經夠香濃，肉質腍，是和牛的特徵，肉味濃，也是和牛的特徵，這扒的感覺，雖不是最上等，但200多元帶給的感覺，已覺得值。Pancake 做甜品，是香蕉 Pancake。這是日本式的 pakcake，好多 cream，甜味道是比平時食開的高，雖是甜，雖是 creamy，但沒有肥的感覺，是一個令人開心的水果 pancake。咖啡，用上了日式的沖調法，這咖啡感覺就是滑，而且味濃，濃香滑的咖啡，不需要加奶糖，深深地，慢慢地細味咖啡的甘香就好。令人滿意的一餐，環境寧靜，感覺舒服。這也許是日本人的西式飲食享受之一，食物雖不算好食都要大叫 oishi，但充滿水準的食材，不俗的味道，已經是可以令我小讚美。若今餐配上紅酒，感覺會更寫意。…查看更多

是日慶祝友人生日，因為有sogo生日咭的關係，地點選擇了sogo cafe．週末下午六時多，不用等候便可立即入座．cafe帶著日式西餐廳的格局，燈光柔和，也算坐得舒適．筆者點選了risotto with mushroom．賣相不錯，試一口，risotto軟硬度適中，帶有咬口．白汁的味道也頗為香濃，感覺creamy.　加上火腿絲，蘑菇片，也挺美味的．吃飽飽，是時候看電影．…查看更多