Simplylife Bakery Cafe

营业中

休息中

+tasty bread and butter+tasty soup+nice ambience and atmosphere +fast service +nice desserts +tasty drinks+tasty fries and beef burger-too small table-limited options for vegetarians -uncomfortable chairs -rice with goat cheese was so so

周日中午12點半剛好排2個人，等左一陣就入座，但到食完1點半就超多人排，諗住假日呢邊少d人，但都好快食完好快有位，上菜落單都有效率，服務都幾好。車打芝士牛油果醬牛肉漢堡配薯條 $14X芝士唔夠溶，但都咸香濃郁，配牛油果醬好creamy幼滑，牛肉漢堡味道重，都多肉汁同厚身，而且唔太油。啤酒脆漿炸魚薯條 $14X好脆身嘅炸衣，魚肉扎實嫩滑，唔會腥，肉質一絲絲雪白吸引，又估唔到咁西式咁好味。但個沙律太清太乾，想多d醬汁會滋味d，唔使食到口乾乾。南瓜湯偏甜要配多d牛油麵包，呢度d麵包好味，但烘得燶左d。凍茶幾清爽，有果香，但唔夠凍。

Overall ok. Burger taste little different than other simplylife maybe because of different type of meat. Quality was similar. French fries and avocado pretty good. Service went smooth, However, May need to improve the coffee quality and it wasn't as good as I expected.

天氣太熱，想吃些酸酸辣辣的東西，原來西餐廳都有冬蔭功海鮮飯，味道還不錯。在這裡吃晚餐很舒適，人不多較安靜，本來很喜歡這裡的面包🍞，法包和酸包都做得好，但今日的法包不脆，酸包就正常。今日點了冬蔭功海鮮糙米飯，海鮮有一只大蝦，一只青口，兩塊魷魚和幾只蛤，糙米飯🍚用冬蔭功湯煮好，加上海鮮，鮮香惹味，引人垂涎，雖然份量不大，但這炎熱的夏天，也不需要太大份量。美中不足的是，塗面包🍞的牛油融了，提供凍凝的牛油應該不是難事。

天氣炎熱，在天馬公園玩了一會兒，要找個冷氣地方降溫。去了Lab Concept 的Simplylife, 食個dinner. 輕鬆選了蟹肉沙律及黑鱈魚。Set dinner 有餐湯或沙律選擇，有跟餐飲品。蟹肉沙律沒有特別之處，菜的種類比較普遍，蟹肉唔腥而已。而所謂的煙肉汁，小小酸以中和煙肉的油膩，其實亦不算特別，只是噱頭伎倆。反而黑鱈魚，煎到魚皮脆口，有足夠的魚油，油香肉嫩，處理得好好。這個有驚喜！餐飲配凍飲石榴茶，亦是不錯嘅選擇。

今日行過呢度下午茶，有蛋糕set，看到櫥窗蛋糕賣相很是吸引，於是點了個好特別嘅蛋糕，包括係紫薯薑味蛋糕，同埋哈密瓜伯爵茶蛋糕。首先講吓紫薯加味蛋糕，賣相好靚，有啲似Checkers, 一格一格。分別有紫色綠色同黃色。紫色分別有紫薯海綿蛋糕，同埋紫薯茸。而黃色則是薑茸，綠色我相信係綠茶海綿蛋糕？其實唔係好食得出綠茶味，但因為佢上面綠色嗰塊朱古力有點點綠茶味，所以覺得應該係綠茶味蛋糕。整體來講，質地幾軟綿，味道稍甜，我相信係姜茸同埋紫薯茸部份比較甜，稍微略嫌紫薯同薑味唔算太突出，可以再突出多啲。但整體來講可以一試。至於哈密瓜伯爵茶蛋糕，則頗為失望。基本上唔係好食到哈密瓜同埋伯爵茶嘅味道。白色部份相信係白朱古力慕絲，真係比較甜。啡色部份應該係伯爵茶味慕絲。好可惜其實唔講唔知佢係伯爵茶味。至於黃色部份應該係好薄嘅海綿蛋糕，基本上博都唔係好食得到。而橙色部份應該係哈密瓜蓉，質地好特別，有少少沙沙地嘅感覺，唔似舞獅。呢一層係唔甜嘅，有些微嘅哈密瓜味道。最底層即係普通嘅餅底。不過如果全部一齊食嘅話其實基本上係食唔到伯爵茶同哈密瓜味道，只係一個甜字。

約左朋友仔一齊去金鐘參加MTR 既GO文化導賞遊，行到攰攰地， 見時間尚早， 不如食返個afternoon tea。下午3點左右， 餐廳人流不算太多仲可以坐窗邊位， 一邊食一邊欣賞下金鐘。Tea set 分別係$66 & $58 包飲品我就order左Beef Burger with Smashed Avocado, with Spicy Fries & 限定冰茶。牛肉漢堡被溶化既芝士包裹住， 配埋牛油果蓉， 清新不覺膩，賣相相堂吸引；香辣薯條較失色， 辣味不足。

同埋屋企人去完香港公園，餐廳選擇不多，見到呢間餐廳有位就入左黎。因為我仔仔未到三歲，仲細，所以問下有無BB 椅同埋膠碗（我自己有帶小朋友餐具），侍應話無。去一啲比較出名嘅西餐廳，BB 椅同膠碗兩樣都無，我都係第一次。諗返我上個禮拜六去某西餐廳，有BB 椅、膠碗、膠餐具，仲有顏色筆同顏色紙俾小朋友玩，對比有啲大。咁我order 幾款食物，其中一個係all day breakfast, 裡面有炒蛋。我要求侍應想餐廳將個炒蛋炒熟啲，因為俾小朋友食的話，我都想食物係全熟，以免個仔腸胃唔舒服。侍應話啲食物一早煮好左（我諗類似煮定左，客人有order 就可以快啲出食物），所以無得話整熟啲。我心諗「咪將啲炒蛋放返落鑊炒多幾下⋯⋯有難度嗎？」咁我無問出口啦，我就照order，不過就無俾仔仔食蛋，但有俾佢食其他食物。我真係覺得呢間餐廳好唔flexible, 將已炒左嘅蛋再熟煮啲都唔得，就算叫你炒個隻，都好快啫，炒蛋咋喎⋯⋯？平心而論除左以上2 點，食物質素，餐廳環境係ok 嘅。同埋我地食完碟上食物，都好快有侍應黎收左個碟，呢樣係幾好，而且侍應都係有禮貌嘅。如果只係一班大人黎，或者我個小朋友大啲，應該唔會

星期日行下香港公園，欣賞完好春色，當然要有美食，食色，性也。在金鐘食肆選擇不多，這裡剛好有位，就這裡吧。職員提點用餐時間1小時。🤪好像沒有人排隊呢，不用這麼多限製，感覺不太好。幸好食物不差，效率很高，我選了牛油果醬漢堡包，沙律和果茶，還送脆脆法包。😋漢堡包🍔好大一個，材料豐富新鮮，鮮炸薯條香脆可口，吃得停不下來。😘不夠飽還可以添法包，再大胃王都可以滿足，冰茶也很好喝，不會太甜，滿滿的果香，超大一杯，健康又好味。😘👍

平時在金鐘中午時間都好多人排隊等Simplylife, 今次見人龍唔算太長，等左大概15分鐘，就可以入座。中午時段叫set lunch算係比較划算。$118 另外加一服務費，可以有餐湯/沙律, 主食, 飲品。以金鐘黎講，價錢中等，裝修座位環境又算幾好，味道都唔錯，都幾值得再食！車打芝士牛肉漢堡配牛油果蓉︰個漢堡睇落唔係好大，但係食落都幾飽肚的！牛肉幾鮮味，牛油果味都突出，值得推薦比牛油果控，兩樣味道幾夾呀！

年29放早，路經金鐘，見到Simplylife勁爆，真係咁好味？晚餐就食得多啦，試吓佢個下午茶先。價錢好親民， $66一個餐，有嘢飲。雞肉漢堡配辣薯條 + Latte漢堡包唔算鬆脆，普普通通，雞肉比較硬身，味道一般，薯條反而有驚喜，外脆內軟，仲有d香草味。酸種麵包，蘑菇，菠菜，芝士 配青蘋果沙律+🍋水首先講吓青蘋果沙律，有好多紫椰菜，好爽脆，沙律醬調得啱啱好，整體好fresh👍不過椰菜係多過青蘋果好多，應該改名叫椰菜沙律😝多士加埋熱辣辣嘅芝士蘑菇菠菜，仲有香草橄欖油，非常豐富，兩個字，好味😋

有一次經過金鐘見到呢間野好多人排隊，之後覺得呢間應該好食所以都排隊（羊群心理）😂等咗45分鐘終於入到去😅 環境唔錯，望著d廚師👩‍🍳整野食😁雖然我無點望🤣不過特色黎嘅 入咗去有啲lunch set，咁我就叫咗個類似巴馬臣火腿配雞胸肉，之後去配一個湯同埋一個類似水果茶嘅飲品🧐 咁雞胸肉成日都會覺得又柴又乾，但佢整得唔錯，無又柴又乾嘅感覺，都ok. 而湯方面唔記得咗係咩湯，但幾好飲🤣 野飲都係不過不失😂 價錢💰，我就覺得好貴😢食一次好啦😂感受下，性價比不大，有錢嘅就當然推薦🤣🤣🤣

裝修很舒服，下午茶價錢貼地親民點了一個牛油果蓉牛肉漢堡配香辣薯條，叫了一個handmade cake，係抹茶味，飲品叫左hot chocolate 同一杯coffee 。下午茶推介之選

特登等到下午茶時段來Simplylife 吃飯，因為價值較午餐平1/2，而且下午茶套餐真是款式繁多。-車打芝士煙肉雞蛋牛肉漢煲牛肉塊夠厚身，唔會太乾薯條剛剛炸起，溫溫的，而且頗脆，整體來說，不錯幾好食！

自從銅鑼灣分店關門之後，都已有一年半冇去幫襯Simplylife，昨天突然間想和一家人去金鐘果間食，去到餐廳門口要排隊，入面都好多人食以為應該會食得舒服開心，但是排隊嗰陣時都已經同你講定要60分鐘用餐，大大影響咗我的心情，然後一入去坐低，餐廳內的服務員態度也非常一般，目無表情，點完餐之後，叫服務員攞杯水俾我哋，但係叫極又唔認，食物還可以，選擇好似少咗好多同埋價錢加了大概20%，希望下次佢會有改善。